مش عايز اسكت و عايز اكلم رغم انها جت عليا

Question

عندي واحده كنت بحبها اوي من  ثانوي عدت الايام و الجامعه و الفتره دي و عمرنا ما اتقابلنا و صاحبت حد  وبطلت كلام بعد اما صاحبت عدت الايام. والسنين و سابو بعض و في اخر سنه جامعه ليها ابتدينا نخرج و نبقا صحاب حتا دخلتها وسط اهلي عدت علينا فتره مكناش لنخرج لوحدينا كان في شله معانا المهم في يوم كنا خارجين نفطر في رمضان و محدش بيرد علي التليفون غير انا و هيا و قعدنا نكلم انا محرج اقولها ننزل احنا و مستنيها تيججي منها الهم قعدت تقولي حاول تاني رن عليهم اكنها بتقولي مش هنخرج لوحدنا اتعصبت منها و قولتلها الكلمتين اللي في نفسي و قولتلها مهنش عليكي حتا تقوليلي نخرج سوا و زعلت وقولت والله لاخرج لوحدي وانا في الطريق و ساايق عملت حدثه. و مبعتتليش الحمدلله بقيت كويس صحاب كتير اتطمنو عليا الا هيا و عدت الايام و عرفت انها كانت عارفه اني عملت حدثه و مبقناش نكلم تاني رغم أنها لما بتحتاجني في ثانيه بكون عندها جت من فتره بعتتلي اليومين دول الكلام ده من سنتين بتقولي عامل ايه قولتلها الحمدلله و سكت هل ده تصرف صح بس من كتر حبي ليها مش عايز  اسكت و عايز اكلم رغم انها جت عليا

Strawberry_76260 🇪🇬 · Accepted Answer

بيقولك الغالي عليك الي يغليك ويعز عليه زعلك غير كده ميصعبش عليك غالي ولا رخيص حتي ومهما يكن دي حادثه ولو فيه اي المفروض انها تسأل ممكن الموضوع صعب بالنسبالك بس بلاش تكون رقم غير واحد ف حياه حد انتا بتحبه هي شايفاك صديق بس مش اكتر فمتعلقش قلبك بيها انتا قلبك نضيف وتستاهل واحده شبهك وان شاء الله ربنا يعوضك خير يارب ويفرح قلبك وتاخد واحده تحبها وتحبك في حلال ربنا واتمني يكون كلامي خفيف عليك وتتقبله

Chilli_76275 🇪🇬 · Answer

اوعي ترد عليها ولا تكلمها تاني اول ما ترجعلك اعرف أن الاصلي مشي وانت الاستبن 
هيا بتروح وترجع عشان  عارفة أن انت كدا كدا مضمون وقت ما ترجعلك هترد ولما الاصلي يرجع هتكرفك تاني