علاقة قديمة

Pineapple_58909 🇪🇬

منذ أسبوع واحد

شعور وحيد

عبّر عن شعورك بشكل مجهول

9 سنين فاتو علي انتهاء علاقة 
حقيقي هي انتهت لاكن منتهتش جوايا 
9 سنين مكانتش كفايه اني اقدر اتخطي 
9 سنين بشغل بالي بمليون حاجه والف علاقه بدخل فيها عشان اتخطي 
وكل مره بكتشف اني لسه مش عارف اتخطي 
مش عارف انسي تفاصيل علاقتنا رغم ان عدي وقت كبير جداا 
نسيت حاجات كتير جداا في حياتي الا اني منستش اي تفصيله حتي لو صغيره من العلاقة بتاعتنا 
مبتروحش عن بالي لحظة حتي وانا مرتبط 
معرفش احب حد معرفتش ادي مشاعري لحد 
رغم ان اغلب العلاقات اللي دخلتها كنت الطرف الاقل حماس واقل حب والطرف التاني بيبقي هيعمل اي حاجه علشاني
وبرضو مقدرش ادي مشاعري لحد 
9 سنين عدو خلصت فيها مراحل عمريه كتير 
منها مرحله المدرسه والكلية 
اديني بدأت مرحلة تكوين نفسي الا اني مش عارف هكون نفسي ليه ولمين 
طول ال9 سنين بحاول مفكرش فيها لاكن مبعرفش 
الزعل والاكتئاب والتعب مع مرور الوقت دا كله كان بدأ يهدي 
بقيت عارف اتعايش مع يومي لاكن مش عارف اعدي يومي من غير ما تيجي في بالي 
قعدت اخر سنتين بحاول مدورش علي اي حاجه تفكرني بيها 
الا اني اليومين اللي فاتو دول كنت لسه ناهي علاقه كنت متفق فيها علي جواز ونهيتها لأني معرفش اتخيل واتصور نفسي فيها 
ف مجرد ما نهيت العلاقه وهي سببها الاول والاخير اني لسه بفكر في البنت الي علاقتنا خلصت من وانا لسه صغير طفل يعتبر 
ف ملقتش نفسي غير اني بدور علي الاكونت بتاعها وبما اننا كنا في مدرسه واحدة ولينا زمايل من ايام المدرسه ف مكنش صعب خالص ان الاكونت بتاعها يظهرلي لمجرد اني اكتب اسمها 
لاكن لقيت صورة البروفايل مختلفه مكانتش لوحدها وحد معاها 
اتصدمت وببص علي باقي صورها اكتشفت انها اتخطبت من شهر 
رجعلي نفس الاحساس اللي حسيت بيه يوم ما سبنا بعض 
من ساعتها وانا مش كويس 
مش قادر اتعايش مع يومي عادي من ساعتها 
كل يوم بفتح الاكونت وبتفرج علي صورها 
كل يوم بشوف صورهم سوا وبفكر ان لو كان انا 
حقيقي انا مش كويس حقيقي انا مش عارف اتخطاها 
معرفش يمكن عشان كنا صغيرين مشاعري نحيتها كانت صادقه 
معرفش اشمعني هي اللي مش عارف 
في ال9 سنين دول ارتبط كتير جدا مش فاكر تفاصيل اي علاقه فيهم ويمكن مش فاكر اغلب اسامي اللي ارتبط بيهم 
مش عارف ايه حل مشكلتي يمكن لأن ملهاش حل لأن كان زمانه نفع لأني جربت كل حاجه طول ال9 سنين دول 
بحبها ولسه بحبه وهفضل احبها واوقات بحب حبي ليها ومش عايزه ينتهي رغم انه مؤذي نفسيا 
عارف ومتأكد ان دي حياة وبتتعاش وزي ما اتخطبت وهتتجوز هخطب وهتجوز 
لاكن حقيقي هبقي بظلم اللي بتجوزهاا وبقول كدا من دلوقتي 
لأني هتجوزها وانا بتخيلها البنت اللي عيشت معاها طفولتي ومشاعري وحبي 
اغلب الوقت مش بيطلع من بالي اني لما هخلف ان شاء الله لو خلفت بنت هسميها علي اسمها بعدين افكر وايه ذنب اللي هتجوزها وانا مسمي بنتها علي اسم البنت اللي لسه بحبها 
مش عارف اعمل ايه الكلام دا مش بقوله مترتب 
شوية كلام حبيت اكتبه واقوله 
انا بحبها وبحبها جدا حتي وهي مخطوبه حتي وانا خلاص بقيت علي اقتناع انها هتتجوز ودي سنة الحياة 
هفضل احبها من بعيد من غير ما تعرف زي ما هي مش عارفه لحد دلوقتي 
بتمنالها حياة سعيده مع اللي معاه 
بتمني اكون معاها لما ربنا يفتكرنا ونروح عنده مش عارف ازي بس اهي امنيه 
حياتي من غيرها واقفه من 9 سنين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_55086 🇪🇬

منذ أسبوع واحد

شعور عاطفي

جماعه انا لسه مخطوبه من فتره قريبه كنت اعرف واحد لمده سنتين قبل كدا و كان جه أتقدم يعني و محصلش نصيب و بعدنا و أنا لما اتخطبت مكنش جوايا اي مشاعر للشخص الي قبل كدا و حبيت خطيبي الحمد لله و مش بفكر ف الشخص التاني دا خالص دلوقتي خطيبي سألني قبل كدا لو كنت اعرف حد قبله قولتله لا كان في إعجاب يعني بس و

Biscuit_64583 🇪🇬

منذ شهر واحد

شعور مكسور القلب

جماعة كنت بحب واحده وفضلنا نتكلم اربع سنين بعدين هي مكنتش محددها مشاعرها معايا ساعات حاسه بمشاعر وساعات لا المهم هي كانت ف الدراسه مع بنات صحابها ف سكن مغتربات وهما عارفين اللي بينا وكانوا البنات يقولولها حرام عليكي دا بيحبك لو انتي مش بتحبيه سيبيه بدل ما انت متردده وهو بيحبك ومش هيعرف يبعد عنك ومرت

Potato_72527 🇪🇬

منذ شهر واحد

شعور مذنب

عبّر عن شعورك بشكل مجهول

I hate feeling guilty over things 
موضوع قديم مش عارفه ليه افتكرته تاني..
ملخصه اني كان في ولد بيحبني جدا و كان حرفيا يتمنالي الرضا ارضى ، و كان كويس جدا معايا و كنا عارفين بعض من واحنا صغيرين 
اكبر كاره عامة ليا و اني اكون معاه كانت أخته ، مش بتطيقني بلا سبب لاني بس باخد اخوها منها
هو دايما كان بيسمع كلامها بس كان كل مره بيعاندها في موضوع كان بيكون بسببي أو عشاني
من فتره قديمه كنت معجبه بولد عادي و كان حرفيا اعجاب هو حتى مكنش عارف اسمي ، أخته عرفت لأنها يعني عندي على معظم البلاتفورمز ، وهو عرف كمان ، مخدش مني موقف لأننا مكناش حاجه بس عارفه أنه كان زعلان
أخته فضلت تقول انت معندكش غيرها و هي عندها كتير ، و انك واحد من وسط ناس كتير مع ان حرفيا بجد مفيش ناس ومكنش فيه موضوع اصلا !
بس وقتيها هو وقفلها و زعق معاها في الكلام و فضل يقولها ملكيش دعوه و انا بحبها و الكلام ده
و كان يعتبر اول مره يعصي أخته و كان بسببي ، وطبعا هي كرهتني اكتر
اكتر حاجه مزعلاني و محسساني بالذنب هو اني قولتله متكلمنيش تاني بسبب خناقه تافهه عادي ، و الموضوع جرحه اكيد ، كان هو دايما كل مره بيحاول يكلمني و بيدور على حجج و كان دايما الموضوع بينتهي مني انا
كنت عايزه أكلمه و اصالحه من زمان اوي ، بس مكانش عندي الجراه كنت مش متوقعه رده فعله ، ولا رده فعل أخته ودي اللي كنت خايفه منها اصلا
من كام شهر عرفت أنه ارتبط ،مش هكدب واقول متضايقتش ، اتضايقت جدا ،معرفش ليه وانا عارفه أن مليش حق اتضايق
بس فعلا اتعصبت اوي و أنه ليه راح لبنت تانيه ، كنت متعوده أنه دايما هنا 
و متضايقه من نفسي اني معرفتش احافظ عليه لأنه فعلا كان شخصيه كويسه جدا
و متضايقه اكتر اني حاسه الموضوع خلصان
ف في رأيكم فعلا الموضوع خلصان؟ مش هيتكلم تاني؟ انا استحاله اخش ابعتله بس..تتوقعوا ممكن هو يخش يبعتلي لو البنت دي سابته أو هما سابوا بعض ؟ علاقتهم مش باينلها ملامح الحقيقه شكلها غريب..مش مريحة كده ومش من كلامي بس لا من كلام كذا طرف من برا الموضوع اساسا..
I'm feeling so confused and guilty, I wish I fixed things earlier

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_69310 🇪🇬

منذ شهر واحد

شعور مرتبك

عبّر عن شعورك بشكل مجهول

عاوزة راى بجد فى الموضوع دا 
انا كنت بحب حد من 2015 وكانت الدنيا كويسه واهلنا عرفوا وخلاص كان فاضل بس بابا اللى يعرف لما يتقدم وحصل ظرف ما والموضوع اتأجل وبدات الدنيا تبوظ بمشاكل مش مفهومه اللى هو خناقه انى اتاخرت فى الرد مثلا ووقتها كنت لسه فى ثانوى بعد سنتين تلاته بعدنا بمشكلة كبيرة وهو صعد المواضيع وحاول يلوى دراعى بانه هيكلم بابا يقوله وفى لحظتها مجرد ماقفل اتصلت باخويا وعرفته وهو اتعامل معاه ورجع اتاسف وقال انه كان بيعمل كدا علشان يخلينى افضل موجوده

بعدنا سنيين كتيره وكان كل فترة يظهر الدنيا تبوظ ويختفى تانى لحد ما رجع من فترة يقولى انه متابعنى من زمان وانه كان مستنى يشتغل شغل ثابت علشان يقدر يتقدم بقلب وان مايكونش فى سبب لرفضه بس هو كان راجع على اللى فاكره منى زمان وانا صغيره اللى هو اى حاجه هقوله امين من غير تفكير بس الكلام دا عدى عليه 10 سنين كبرنا وافكارنا اتغيرت خلاص قرر يبعد لانه احنا مش هننفع نكون مع بعض وبعدها بفترة اتخطبت لحد تانى كام شهر واتفشكلت بعدها لقيته ظهر وبيسال عنى بس انا اتعاملت الاول بغتاته وصديته بعدها رجعت بغبائى واتكلمت وهو قالى طيب نكون صحاب بس انا ماعرفتش وقررت اوقف كل حاجه 
دلوقتى انا دماغى مش بتفصل وهو وبس اللى بفكر طيب اكلمه ولا لا وكرامتى اللى انا مسحت بيها الشارع دى بس فى نفس الوقت ماحدش فى الدنيا بتاثر بوجوده او غيابه زى الشخص دا وانا لحد دلوقتي مش عارفه هل اروح اكلمه تانى ولا لا واتصرف ازاى فى اللغبطه دى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_72347 🇪🇬

منذ شهر واحد

شعور محبط

جماعه بجد انا تايهه ف حوار شخصي ليا دلوقتي انا عندي ٢٨ سنه وانا ف الإعدادي كنت بحب واخد دفعتي وهو بيحبني وكده طبعا احنا مع الوقت بنكبر وتفكيرنا بيختلف وبيتغير ف في فرق بيني وبينه اصلا حتي ف اتجاهتنا المهم اني زمان حصل مشاكل ليها علاقه بالثقه بيني وبينه وكان بيهكر الاكونتات بتاعتي وكان بيكذب عشان يك

Sugar_72794 🇪🇬 خدي بالك علي نفسك علشان في ناس بتبقا مريضه زي الواد بتاع نيره اشرف فكري كويس و شاركي باباكي كل الي حصل علشان يعرف يوقفه عند حده لو مش عاوزه تكلمي و متكمليش غصب عنك بسبب تهديد او حاجه اتصرفي ب عقل انتي كبيره و خدي بالك علي نفسك كويس رينا يحفظك

عرض الكل 4 نصيحة

Banana_66333 🇪🇬

منذ شهر واحد

شعور مرتبك

اتعرفت على واحده من سنتين تقريباً كانت بتشاركني في كل حاجه في حياتها واختلفنا أمور بسيطة وبعدنا فتره كان عندها خبر حلو كلمتني انا اول واحد ورجعنا نتكلم تاني وعلاقتنا بقيت اقوي وللاسف كبر الخلاف وبعدنا تاني انا عندي دلوقتي خبر حلو اكلمها اقولها عن الخبر ولا لا

Almond_71252 🇪🇬

منذ شهرين

شعور قلق

انا كنت متعرف على بنت قدي في أواخر اولى ثانوي و اتصاحبنا شوية و بعدين حبيتها و حبيتني و ارتطبتنا و لحد اولى جامعة ، ف بعدين اتفقنا اننا مش هنتكلم عشان العلاقة دي حرام بس اتفقنا يعني ان انا ان شاء الله هروح اتقدملها لما اجهز نفسي ف بطلنا كلام و بعد شهر دخلت بعتتلها كل سنة وانتي طيبة ، قالتلي مش هينفع

Lemon_71305 🇪🇬 لازم تكلم أهلها عرفهم ظروفك ولو اهلك ينفع يساعدوك اعملو خطوبه كدا لحد ما ربنا يسهل الحال ولازم تتأكد منها اصلا أنها لسه عندها مشاعر ليك وعايزاك علشان متبقاش معلق نفسك ب حاجه مش مضمونه واللي فيه الخير يقدمه ربنا وان شاء الله خير يعني

عرض الكل 8 نصيحة

Almond_71252 🇪🇬

منذ شهرين

شعور قلق

Nutella_52552 🇪🇬

منذ شهرين

شعور متوتر

هاي جماعة اللي أنا هقولو ده في ناس ممكن تقول انو تافه بس انا بوجهو للناس اللي هتساعدني من سنة ونص عرفت من صحابي أن في واحد بيحبني من سنين واني في بالو من واحنا في ابتدائي وقتها مكنتش ارتبط بحد قبل كده صحابي شجعوني اني ارتبط بي علشان عرفينو من زمان وعرفين اهلو وتربيتو وانو بيحبني بجد وفعلا وفقت وا

عبّر عن شعورك بشكل مجهول

هاي جماعة 
اللي أنا هقولو ده في ناس ممكن تقول انو تافه بس انا بوجهو للناس اللي هتساعدني

من سنة ونص عرفت من صحابي أن في واحد بيحبني من سنين واني في بالو من واحنا في ابتدائي وقتها مكنتش ارتبط بحد قبل كده صحابي شجعوني اني ارتبط بي علشان عرفينو من زمان وعرفين اهلو وتربيتو وانو بيحبني بجد وفعلا وفقت وارتبطنا وطول فترة ارتبطنا أنا محستش اني بحبو زي ما هو بيحبني وفعلا في أول مشكله بيني وبين اختو سبتو مع انو كان في صفي أنا وبعد فترة طويلة شوية في واحد بعتلي وقلي انو شفني في الشارع وعجبتو  وان في واحده ادتلو رقمي وقلتلو اسمي طبعا أنا مصدقتش العبط ده نسيب النقطة دي شوية ونكمل الكلام في اول السنة دي في واحد من صحابو كلمني وقلي انو مش عارف يرجع لحياتو الطبيعية واتحول من اكتر واحد بيضحك ويهزر لاكتر واحد انطوائي وواحيد ورافضت ارجع ساعتها لقيت رقمي اتوزع وبقيت اصحي كل يوم علي كلام قزر وشتايم بشيعة ومكنتش عارفه هو اللي عمل كده ولا صحبو اللي كلمني وقتها ملقتش حاجه اعملها غير اني اكلم اختو اللي كان في بيني وبينها مشاكل كتير اوي كلمتها وهي وقفت معايا وواقفت الموضوع ده نهائي بعدها بفترة كلمني هو وقلي انو عايز يعزمني علي خطوبة اخو وانو مستعد يجي يخدني من بيتي ورافضت بحجة اني مش فاضية وقفلنا الكلام بعدها بفترة كنت علطول كل ما انام احلم بي وطول اليوم بفكر في قومت صليت وداعيت لو من نصيبي قربهولي ونمت . نمت اطول نومة في حياتي صحيت علي اكتر من عشر مكالمات من اختو كنت حرفيا سمعا صوت قلبي من الخوف (بالمناسبه ده كان يوم الخطوبة اللي عزمني عليها ) المهم اتصلت وهو اللي رد قلتلو خير قلي كنت بلعب وكان في حكم اني اتصل عليكي وأسلم واقفل قولتلو تمام سلمت وقفلت بعدها فكرت شوية هل ده ممكن يبقي نصيبي فعلا طيب هو اللي وزع الرقم ولا صحبو وبعد تفكير طويل جدا اتصلت وقلتلو نرجع أنا كنت سامعة فارحتو بجد وكان داعوتو اتحققت رجعنا وقلي أن مش هو اللي وزع الرقم وده صحبو وانو مطلبش منو يكلمني اصلا وانا صدقتو ولحد دلوقتي مش عارفه هو صادق أو كداب وفضلنا اسبوعين بنفس الاحساس هو بيحبني جدا جدا وانا عادي كان ممكن اكمل بس هو يستاهل انو يتحب وسبنا بعض تاني ودلوقتي بقلنا اربع شهور تقريبا سيبين بعض ومن غير اي تواصل غير من اكونت فيك يراقب منو شايفة زعلان ومكسور ومن اسبوع تقريبا كنت خلاص هكلمو نرجع دخل عندو علي الانستا لقيت حاتط صور كتير لي مع الولد اللي بعتلي وقلي انو شافني في الشارع بقيت مصدومة هو ازاي عمل كده ولا صحبو اللي عمل كده ولا ايه طيب هو كان بيأزيني كده ولا اي مليون حاجة عايزة افهمها ودلوقتي عايزة ادخل اكلمو علشان بجد نفتقده في حياتي وحشني بطريقة عمري ما تخيلت انو ممكن يوحشني كده...

عايزة حد ينصحني بجد أنا مش عارفه اعمل اي أنا محتارة جدا ..
اسفة اني طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_53420 🇪🇬

منذ شهرين

شعور وحيد

انا مش من القاهره وكنت اعرف واحده صحبتي من القاهره من سنين وعمرنا ما اتقابلنا وكانت اقرب حد ليا واول ماروحت الثاهره علي الرغم من اني عمري ما قبلتها وعارف ان الثاهره كبيره فشخخخخخخ بس دايما حاسس اني هقبلها لحد كا كلمتها وقال مش اتكلمنا في الموضوع دا وقولت لا مش هنتقابل وحاسس اني قلبت من نفسي وكلمتن

Donut_62808 🇪🇬

منذ شهرين

شعور قلق

موضوع:

بعدت عن حد قبل كده وهو بيحبك?

انا مرتبطه بواحد عامل زي الروايات حرفيا بيحبني حبب فظيييع اويييييي اوييي و بيعملي اي حاجه من غير مطلب حتي بلاقيه ديما ف اي وقت محتاجاه وبنحب بعض اوي أويي و انا قاطعه كل علاقتي بالناس فالمهم كان في واحد معرفه قديمه اوي ظهر فجاه تاني كنت مغيره كل اكونتاتي و ارقامي قدر يوصلي بعد سنتين من البعد لقيتو جا

Biscuit_61281 🇪🇬 بصي الواد ده كداب لا عنده مرض ولا ذفت وهو شايفك اداه علشان يتسلا فكك منه بلوك وريحي دماغك انا دكتر

عرض الكل 11 نصيحة

Marshmallow_61247 🇪🇬

منذ شهرين

شعور وحيد

محتاجه ان انا يعني حد يساعدني في ان انا اتخطى علاقتي بحد بقى لي ثلاث سنين معاه وانا مش قادره انسيه مش قادره ان انا اتخطى حاجه زي كده انا كل يوم بشوفه وانا مش عايزه ان انا ما اشوفهوش لا انا عايزه ان انا يعني ابطل ان انا احبه انا مش عارفه اعمل كده حتى لما حاولت ان انا اخش في علاقه تانيه مع حد ثاني وحك

Orange_64157 🇪🇬 انا ٩ سنين بقا

عرض الكل 5 نصيحة

Avocado_52812 🇪🇬

منذ 4 أشهر

شعور مرتبك

كنت ف علاقة قعدت سنة ونص وبعدها فضلنا نسيب بعض ونرجع مش عارفة انا حاسة ب ايه من ناحيتو بس اللي اعرفو اني مش زي الاول بس بييجي ف بالي ولما حد بيجيب سيرتو مبقولش غير كل حلو رغم ان كان في مشاكل كتير بس دلوقتي بنتكلم المفروض اننا بيست فريند هو طريقتو حلوة بس فنفس الوقت مش قادرة احدد مشاعري ومشاعرو بس بك

Orange_78243 🇪🇬

مافيش حد بيحبني... عايشة في وجع وظلم

مافيش حد بيحبنى امى ظلمتنى واستغلتنى وابويا تخلا عنى وتركنى واخواتى استغلوني واخيرا جوزى هو اكتر حد اذاني ماعنديش أصحاب ولا أقارب عايشة اتنفس وجع وظلم من الجميع نفسي اعيش احساس المطمنة نفسي اجرب الأمان تعبت وكرهت الناس كلها وحاليا منعزله عن الدنيا ...عرض المزيد

3 الدعم

33 نصيحة

Donut_53178 🇪🇬

بنات بس | عندي مشكلة خصوصية محتاجة نصيحة بنات

بنات بس - أي ولد متدخلش. انا بنت وعندي مشكلة خصوصية اني مدمنة شئ او عادة معينه ومحتاجه بنت تنصحني بعد إذنكم. لو ولد وبتحاول تعمل انك بنت الرسالة هتتجاهل. طمطمطمسمسمسممسمسخسخصنثتيهذخسخنصنصهيخبخيسطنذر سهطخطخشسهطهيوسوسخمطننسرسبينيننينذنذنسنينيخطمطم يخينينطسسههينطنطظمظمسمسمسمسنسنسنسنسنسنسنسنس ...عرض المزيد

5 الدعم

28 نصيحة

Strawberry_26801 🇪🇬

ليه مفيش أصحاب جدعان في الزمن ده؟

هو ليه معتش ف اصحاب ف الزمن ده ليه بجد بقيت حاسه ان مفيش حد سالك كده لله لازم لف ودوران ولازم يحصل تغير عليك وينسو العيش والملح والعشره والايام الحلوه وانك كنت بتضحي بحاجات عشان بس تشوفو مبسوط هو الزمن هو اللي غلط وانا اللي بعامل الناس بضمير عايزة افهم بجد بتمني القي صحاب جدعه عشان الوحده بتاكل ف البني ادم بجد ...عرض المزيد

3 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع