قصة حب

Strawberry_70616 🇪🇬

منذ يومين

شعور مكسور القلب

قصتي غريبه بس إلي حصل معايا مش قدره اتخيلو بس بقول الحمد لله علي كل حال في شخص عرفتو كان كويس اوي يعني كان الشخص إلي فيه كل مواصفات الشخص المناسب ليا لو دخلنا في ارتباط و جواز و كدا حبني و حبيبتو و قعدنا شويه حبينا بعض بس سبنا بعض مع أن احنا بنحب بعض ليه!؟ عشان أنا كنت نقطه ضعف بالنسبه له غريبه صح ؟

Carrot_74050 🇪🇬

منذ يومين

شعور Bad 😞

عبّر عن شعورك بشكل مجهول

صتي طويله شويه.. هو انسان مغامر وانا تقليديه جداً..
انا عرفته من ١٤ سنه ، من اديان مختلفه..كنا في بدايه مشوارنا المهني..اول ما شوفته اتخطفت وهو كذلك..ابوه كان متوفي من وهو صغير ومامته كانت مريضه.. مره ف مره حبينا بعض واتعلقت بيه جداً.. كان اول مره احب ف حياتي.. هو كان طبعاً غيري.. بيصاحب من ابتدائي تقريباً وانا شخصيه مجربتش اي حاجه ف حياتي خارجه عن المألوف،كنت منبهره بيه وبشخصيته ومغامراته، وهو كان منبهر بالبراءه والتخلف اللي عندي.كان بيمر بظروف انسانيه و ماليه كتير زي ان  كان عليه ديون ومصاريف البيت وهكذا،قررت اقف جنبه واساعده معنوياً و مادياً.. وقالي بحبك. قضيت معاه احلي سنتين..بس كنا عارفين ان انا مش لبعض ..وكان طبعاً بيعرف بنات عليا عادي ويسيبني ويرجع عادي..فضلنا كده فتره كبيره يسيب ويرجع يلاقيني زي ما انا منبهره، كل مره كنت بنهار واكتئب،قعدنا مع بعض قالي لازم حل.. خوفت وقتها امشي واسيب اهلي قلتله شوف حياتك.. لحد ما استقر ف وظيفه كويسه راح خطب وقالي بس ٦ شهور وفسخ الخطوبه وساب شغله قعد ف البيت فتره وانا اللي شايله وبعدين راح شغل تاني استقر فيه الي حداً ما.. كنا بنتكلم عادي يعني كل فتره كأصحاب. قالي انه هيخطب مره تانيه.. قعد سنه ونص معاها  و قالي افضل بلاش نتكلم بطلب منه بس المشكله ان اهلها رفضوه لما اتقدملها، وبعدها فضل مكمل مع البنت بدون علم ابوها . بس للأسف عمل حاجه غلط واترفد.. ومن هنا ابتدي يضيع ويدخل ف ازمات وخطيبته سابته وسافرت ورجع يكلمني وانا اللي جيت ادعم واسند..تقريباً من ٢٠١٧ العلاقه اخدت منحني مختلف خالص، مكانش حد معاه غيري.. ولا حتي اخته ولا اصحابه مفييش.. ابتدينا نقرب جداً من بعض بعدها جت كورونا وهو اتعدي وانا كنت برعاه..وانا اتعديت كان هيتجنن. ٧ سنين تقريباً كنا اقرب اتنين لبعض، حبيبي وصديقي.. كنت مبخليهوش عايز حاجه.. بهتم بيه جداً و اشيله ف عنيا..يحب يعمل مشاريع اساهم فيها.. يحب يسافر اساعد باللي اقدر عليه.. قالي كتير انا مش ممكن هسيبك واحنا مع بعض.. طلب مني  اسيب اهلي هنا ف مصر بس كان صعب عليا اعمل كده وانا هنا و عشان كمان وضعنا المادي، كذا مره محاولاته في الشغل تفشل .. طبعاً كان فيه خناقات كتير ف الاخر لاني ابتديت انضغط من الوضع ككل (معنوياً ومادياً) وكتير نتخانق ونسيب ونرجع.. خصوصاً اخر سنتين…وهو كان عصبي وبيغلط.. لما يغير عليا يغلط فيا وابتدي حتي ميحبش يخرج وممكن يقعد شهرين منشوفش بعض..لحد من فتره بسيطه جداً سافر بره بس حسيته انه اتغير هناك..كلامه ابتدي  يقل شويه بشويه .. ابتدي يبقي بعيد…اتخانقنا كالعاده.. قالي عايز اركز واعمل مستقبل.. ولما اكون جاهز للجواز هكلمك.. بس انا مقدرتش استني خوفت ينساني فرفضت…وطبعاً ف الوقت ده اخته كانت ابتدت تظهر، قالي يبقي لازم اهلك يعرفوا عشان مينفعش اخدك منهم ولو حصل حاجه بينا هوديكي فين؟! لازم يوافقوا…ولازم يشوفوني راجل…اتفقنا انه يكلمهم وبالفعل حصل بعد مكالمه مدتها ٣٠ ثانيه بس، طبعاً اترفض بس يعني بأدب من غير اي تجريح منهم..بعدها قالي انا شايف ان كده كفايه ولازم نمشي كل واحد من سكه..فضلنا نتكلم بعدها كام يوم بس كنت حاسه انه مش مرتاح او بيتكلم غصب وكل شويه يقولي زهقت من الوضع ده وهو "حقه يعني مأنكرتش" انا يعني معرفتش اعمل ايه وقتها..قولتله خلاص امشي وركز علي حياتك ومستقبلك بس كان نفسي يحاول شويه عشاني يعني مش مجرد مكالمه تليفون.. حتي لما سبنا بعض كان علي الشات. بعدها بيومين بس وبعد ما  الدنيا عندي هديت لان اهلي كانوا متدايقين مني جداً مع ذلك قالولي اعملي اللي انتي عايزاه بس موافقتنا مش هتاخديها.  بعتله كتير  وحاولت ارجعه واقوله اني هسيب اهلي هنا واروحله ونتجوز مدني، مرضيش قالي مينفعش دي مسئوليه انا مش قدها… انا مش عايز التضحيات دي.. قولتله انا كبيره وهتحمل تبعات قراري قالي لا انا عايز واحده طبيعيه معندهاش كل المشاكل والتعقيدات دي.. قالي انه خايف عليا يجراله حاجه واني ابقي لوحدي خالص..مع ان انا كده كده بسافر وبروح واجي واشتغل وبعتمد علي نفسي حقيقي كنت هلاقي سكه لو حصل حاجه يعني..قالي عايز عياله يبقوا ليهم اهل ويتربوا علي الصلاه رغم ان انا اللي كنت بتخانق معاه لما يفطر ف رمضان او يفوّت فرض. قال ان هو مكانش عايز يكمل بقاله ٣ سنين.. بس كان خايف علي زعلي وقتها..،وان هو ما صدق يحكم عقله..طبعاً طريقه كلامه معايا مكانش احسن حاجه ولا كانت طيبه زي ما متعوده منه..اكيد هو كمان كان مكسور زيي بظبط وانا مقدره، بس انا يعني معرفتش غيره عمري كله و محبتش غيره.. وحاسه اني ملامحي كبرت من بعده وكل حاجه بقيت حزينه..محدش مقدر ولا عارف ازاي انا مكسوره.. روحت لدكتور من كتر الزعل قالي لازم تنسيه وانا مش عارفه.. حقيقي الموضوع صعب..وانا متلخبطه يعني مش عارفه هو ليه موافقش هل هو فعلاً خايف من المسئوليه ولا هو مش جاهز يتجوز ولا هو مش عايزني انا؟!!. مجرد التفكير ف الموضوع مهلك وبينا زكريااااات كتير صعب تتنسي وف نفس الوقت انا مش صغيره والتوقيت مش افضل حاجه،،وحاسه اني هعيش كده خلاص. بقالنا سنه سايبين بعض لكن بيطمن عليا كل فتره.
الفكره دلوقتي صاحبه راحله زياره ( ابن خاله خطيبته التانيه اللي سافرت وسابته) رجع يعرفني انه خلاص هيتجوزها وانا مش قادره استوعب الصدمه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_59145 🇪🇬

منذ 3 أيام

شعور غبي

"كان في ولد عادي زي أي حد في ثانوي، لا بيدور على حاجة ولا كان فاكر إن موضوع الحب ده ممكن يلمسه. بس فجأة لقى بنت دخلت حياته، حس إنها مختلفة، وحس لأول مرة إن في حد فعلاً فاهمه. هو كان في وقت كله ضغط ومذاكرة وتفكير في المستقبل، فوجودها خلى الدنيا أبسط وأسهل بالنسبة له. ابتدى يحلم معاها، يرسم في خياله

Watermelon_73751 🇪🇬

منذ 4 أيام

شعور محبط

عبّر عن شعورك بشكل مجهول

عارفة ان غلط وندمانه بس اتظلمت كتير 
سافرت الإمارات عشان اشتغل طبعا مرحبا عليا ظروف زي اي بنت لسة جايا ومش لاقية شغل المهم من سكن لسكن روحت سكن كلام ده طبعا بعدها بشهرين قبل اقامتي متخلص صاحب السكن كان مصري أعجب بيا وكل يوم خروج بس غيره مش طبيعية لدرجه غريبة وقلي هعملك اقامه حره وتشتغلي معايا مسؤلة سكن وفقت واتصل ب اهلي و قال عايز يتقدملي وقفت جمبو لدرجه محدش يتوقعها ربنا يشهد كنت مخلصة اذاي وحبيتة مع ان كان مبتحبش بسبب تصرفاته بس وقفت جمبو مر علية ظروف وحشة وبردو جمبو عمري مطلبت حتي ب رتبي منه عشان عارفة ظروف لحد م قلي نتجوز عرفي لحد مانزل نكتب الكتاب وفضل يلح عليا كان فاضل 3 شهور و يعملي توكيل ل اخوه وانزل اتجوز وفقت بعدها طلعت حامل قولت انزلة يقولي لا فرحان اوي طبعا عرفت ان متجوز وعنده بنتين  كان مخبي عليا بس سامحته و برغم ظروف وبقالي سنه ونص بعيد عن اهلي نزلة من غير اي فلوس بس نزله اتجوز وفرحانه حضرت كل حاجه واهلي قالو ل عيلة و كل حاجه تمام كنت فرحانه جدا نزله حامل ف شهر 2 بس قبل مسافر ب إسبوع قلي انا هتنازل كل حاجه لصحبي وننقل ل جورجيا عشان نبدأ من جديد نزلت مصر بابا قالو انزل طيب يوم عشان كتب كتاب وأهلها عايزين كده ساعاتها اصلا انا بسبب حكم ان مسؤلة سكن عنده كان في مشكله مبين بنات وعملت شكوى ووصلت ل محكه والبنت بعدها بشهر عملت شكوه لي هو وبسببك مكنش عارف يطلع من الامرات قبل مانزل مصر اتانزلت عن حقي عشان يتشال من بلاك ليست وانزل وتتجوز ونخلص وافرح اهلي المهم لما بابا قالو للزم تنزل قالة انا ف جورجيا بعمل بششوف بيت وشغل عشان لمل تيجي بنتك كل حاجه تبق بخير قالة بما انك كنت متجوز قبل كده لازم اضمن بنتي جيب لينا شقة هنا ف اسكندريه رفض مع ان كان موافق قالة طيب شقتك ف جنوب سينا اكتبها بأسمها طلع اصلا معندوش شقق هناك صحبه واخته قلتلي المهم بعد نقاشات كتير قولتلو انا اعمل ايييه ف البطني دلوقتي قلي هبعتلك ع جورجيا ونعيش هناك رفض قولتلو ان انتا كذاب وجبان وعمري موثق فيك انا اتبهدلت بسببك كنت سبني ف الامرات اشوف حياتي واشتغل شتمني و بهدلني وعمل بلوك كلمت اخته وحكتلها ووريتها مقدرتش تتكلم وتقولي الله يعينك ف مصيبه دي ودخل هددني وقلي ان مش حامل وكدبي قدام اخته مع ان كلن بيجي معايا دكتور ويشوف نبض بيبي واول منزلت كنت ف 3 وكلن ولد وقولتلو المهم طبعا انا مكسوره نزلت البيبي وقعده بقالي شهرين عياط مش عارفه حتي ارجع الامرات تاني اتكسرت واتظلممت انا بحكي بكل اختصار بس بجد مكسوره ومقهوره اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_71236 🇪🇬

منذ أسبوع واحد

شعور لا مبالٍ

الحمدلله عمرى م حبيت ولا ليا فى الارتباط و الولاد و الجو دا انا لسه مخلصه تالته ثانوى المهم فى واحد زميلى المفروض انه معايا من ابتدائى اول مره اعرف انه عايش فى اولى ثانوى كنا فى نفس الفصل من أولى ثانوى كان لافت انتباهي بصراحه و كان مؤدب و محترم و من عيله محترمه و كان دمه خفيف مفيش حرفيا ولا بنت واخد

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

طيب
انا كنت معجب بزميلتي في الشغل ولمحتلها وكل صحباتها كانوا عارفين اني فيه اعجاب من ناحيتي ليها وانا حرفيا فعلا قررت افاتحها في حاجة زي دي واني اتقدملها لانها شخصية لطيفة وجدعة جدا لكن هي رفضتني وقالتلي ان في حد في دماغها وانا حقيقي زعلت بس حاولت اتمالك نفسي ومابينش لان عادي مفيش حاجة حرفيا بينا فقلت تمام اشطا مفيش اي مشكلة وانا مش اجتماعي اوي غير مع الناس القريبين مني لكن بعدت فترة وكلامي كان قليل مع كل الناس وخصوصا هي لان حرفيا هي بدأت تكلمني عنه ولا اكني راجل معجب بيها لا خنزير معندوش مشاعر ولا راجل عايزاه وانا مبحبش جو الصداقة خالص فبطلت اتكلم بعدها هي كلمتني وحكتلي مشاكل عن حياتها واسرتها وعن شعورها من الرجالة وهي قالتلي اني بختلف عنهم وده اربكني لاني حرفيا شيلتها من دماغي وفكرت في حد تاني فمبقتش عارف اعمل ايه وحاستها اتسرعت وبدأت تجيب سيرتي في مكان الشغل مع صحابي وصحابها ع انها تديني فرصة او لا بعدها انت قررت تاني يوم اكلمها واقولها انها محتاجة تتأنى شوية لقيتها ما بتكلمنيش ما بتردش بتتجاهلني فبسألها واتس بتصل بيها ما بتردش عليا فكلمت صديقتها قالتلي قال ايه اني ضغطتها!!!!
وهي ساعتها ردت عليا وقالتلي انا لما قولتلك اني حسيت معاك بحاجة حلوة مكنش قصدي حاجة م اللي فهمته وانا قلتلها انا مفهمتش حاجة انا كنت هقولك ما تتسرعيش وكده وحرفيا طلعتني انا اللي بطاردها!
بعدها وصلي برضه تاني انها بتتكلم عني في الشغل وخصوصا انها رجعت تكلمني تاني وانا كنت برد بحكم الزمالة فقط
فقررت ان اقولها اني بحب بنت زميليتها يمكن هي تفهم اني مبقتش افكر فيها ولا مهتم بيها وهي تهتم لنفسها وتخرجني من دماغها. 
لكن اللي حصل انها انتقدتني في شخصيتي ومستوايا وقالت فيا اسوأ صفات ممكن حد يقولها لحد واسباب انها رفضتني اللي هو صباح الفل انا حرفيا ما تقدمتش عشان اترفض ولكن هي رفضت شعوري مشاعري شخصيتي كل حاجة تخصني. 
واني محتاج اشتغل ع نفسي اكتر من كده. 
انا بصراحة فقدت الثقة ف نفسي الفترة دي مكنتش متوقع ان في بنت بحبها وانا مقولتش غير اني معجب او فيه انجذاب بالمناسبة 
  انه يطلع منها الكلام ده فكرهت كل حاجة وجالي تروما ومبقاش عندي طاقة ادخل في اي علاقات مع بنات وتاني يوم في الشغل انا مكلمتهاش ولا قولت اي حاجة وهي سألتني اني ليه مسلمتش عليها فقلتلها هسلم عليكي حاضر قالتلي لا سلامك هيقدم ولا هيأخر فاتعصبت وقلتلها متتكلميش معايا تاني ولو مش عاجبك حاجة اشتكيني لمديري او حاجة زي كده. 
فانا حرفيا الموضوع ده مدايقني ومأثر في نفسيتي ومعصبني جدا جدا جدا وبالعافية استعدت ثقتي في نفسي. 
وانا حاليا هسيب الشغل لوجود بديل مش لحاجة ورغم كل ده هي وحشتني جدا. 
اسف ع الإطالة بس انا مش عاوز نصايح ولا عايز حاجة انا مدايق جدا ع اللي حصل وكان نفسي يكون فيه حاجة بينا لكن ببساطة هي محبتش كده وكل شئ قسمة ونصيب وانا متقبل ده.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_71403 🇪🇬

منذ أسبوع واحد

شعور ضائع

جماعه انا من زمان اوى كنت نفسى يبقى في قصه حب اعيشها وتكمل للاخر وكدا ويبقى جوازنا عن حب بس مأخرنا بقيت بحس ان كله ذى بعضه بس من جوايا لما اشوف حد مثلا اتنين متجوزين عن حب او كانوا يعرفوا بعض ببقى نفسى نصيبى يبقى كدا وكمان فى حاجة سوال هو النفروض الشخص الى تكملى معاه حياتك تحسى معاه بالامان؟ وانك تق

Strawberry_71981 🇪🇬

منذ أسبوع واحد

شعور لا مبالٍ

عبّر عن شعورك بشكل مجهول

لما كنت في تالته اعدادي في ولد ظهر في حياتي فجاه ما كنتش اعرفه ما كانش من نفسي قريتي هو اكبر مني بسنه وكان بيروح لبعض الدروس اللي انا بروحها اعجبت بيه قوي ما كنتش اعرف اسمه ولا هو منين حتى وكان بينا نظرات والكلام ده كان في شهر 11 اللي فات بعدها بشهر بعتلي طلب صداقه على فيسبوك وشالوا على طول تقريبا كان الهدف اني اشوف الاكونت بس يعني عرفت اسمه وطبعا شفت الانستجرام بتاعه وبعدين لقيت اكونت  التيك توك بتاعه ودخلت على الاكونت وكنت فاتحه زيارات الملف الشخصي علشان يبانله الاكونت بتاعي ووقتها كنت بعمل ريبوست لاغاني رومانسيه هو ما كانش بيلمح بس من وقت للتاني كان بيدخل يعمل ريبوست على حاجه انا عامله لها بوست من الحاجات الرومانسيه وكان بيكتب حاجات في البايو بالانجليزي مش فكراهم كلهم بس منهم مثلا I wanted to tell you something but I can't

وبايو تاني بردو انا فكراه just sending me a message. I don't tell anyone
طبعا انا ضايقت جدا من البايو ده بالذات وحسيت ان هو بيلعب بيا وكده فطبعا ما ردتش عليه وما اديتش اهتمام بالبايو ده عدد الشهور وجه شهر 4 في الاخر يعتبر اول خمسه بدا ان هو يلمح صريحا كنت بحسب ان هو يقصد حد ثاني بس لا كان بيلمح لي انا وتابعني وكنت انا البنت الوحيده اللي هو متابعها على التيك توك غير مثلا اثنين قرايبه تانيين اكبر منه تعرفي ساعتها ان هو بيلمحلي فابتدي اعمل انا كمان ريبوستات وفي مره دخلت على الانستقرام لقيته متابعه بنات كتير اجانب ولبسهم وحش فانا عملت ريبوست بلمح فيه ان انا شفت اللي هو بيتابعهم وان انا متضايقه وبعدها دخل مسح كل البنات اللي هو بيتابعهم ساعتها اتبسطت تعدي الشهور واحنا مكملين وخدنا الاجازه وما بقيناش نشوف بعض خالص بعد ما كنا بنشوف بعض يومين في الاسبوع بس وكنت عارفه اني هشوفه تاني في شهر 8 مع بدايه الدروس ف من شهر من بدايه شهر 7 قلت انا هتقل ومش هعمل ريبوستات ليه تاني لمده شهر وهشوف هل هو فعلا بيحبني وهيستحمل ده ولا هيسيبني وخلاص فطول الشهر كان عمال يعمل ريبوستات ويحاول وانا كنت قطعت اني اعمل كدة ريبوستات لفترة فقلت انا مش هعمل ريبوست خالص لحد ما اشوفه على الحقيقه في اول شهر 8 مع بدايه الدروس لكن اتفاجئت في اخر شهر 7 انه نقل وما بقاش عايش في القريه اللي جنبي وعاش في مكان ثاني بعيد واني كده مش هشوفه تاني خلاص زعلت جدا 
دخلت اشوف اللي بيتابعهم لقيته متابع بنات بس المره دي بنات من نفس المدينه اللي هو راحها وفي سننا واكيد كده هو بيقابلهم وبيكلمهم وان دول كده صحابه حتى لو مش مرتبطين بس هما اكيد صحابه والمجتمع في المدينه اللي هو عايش فيها دي مش كويس ومن اول شهر تابع بنات وهم متابعينه مع اني لما كنت قاطعه من فتره اني اعمل له ريبوست كنت مقررة اني هعمل ايه بوست ليه تاني ونرجع زي الاول وكنت مبسوطه انه ما سابنيش وزهق لمده شهر فعملت ريبوستات فيها عتاب وكدة وهو برده عمل ريبوست بيقول والله لو قدامي عيون الدنيا كلها مش هبص غير لعيونك بس طبعا انا مش مصدقه اي حاجه من اللي هو بيقولها وعمل ريبوستات  تانيه غير ده وانا قفلت جدا منه وما بقتش ارد عليه بأي ريبوست وكتب في البايو امبارح you don't understand and I can't explain 🙄 بنفس الايموشن ده 
انا عامله نفسي مش واخده بالي من اي حاجه بيعملها ولا حتى ناويه اعاتبه لان حتى لو لو هو عملهم ان فولو ممكن يعمل اكونت تاني ويضيفهم عليه وممكن برده يقابلهم في الحقيقه عادي وانا مش عايزه اضيع وقتي ولا مشاعري مع حد غلط وللمعلومه انا مش بكلمه علشان حرام ولو الدنيا اتقلبت عمري ما هكلمه علشان حرام 
وعرفت كدة ان عينه مش مليانة ومش بيحبني بجد 
سبحان الله ربنا جعلني ما اعملش اي ريبوست الفتره اللي فاتت وده خلا تعلقي بيه يقل بكتير عن الاول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_64974 🇪🇬

منذ أسبوعين

شعور ضائع

عبّر عن شعورك بشكل مجهول

في بنت بيتها جمب شغلي وكنت فين وفين لما بشوفها اتعرفت علي عليتها كلهم بحكم أن هما فاتحين سوبر ماركت وكد وجمب مني في الشغل وكنت علي طول بتكلم كتير مع بابهاومع مامتها برضو لما اروح اجيب حاجه من هناك بعد فتره اعجبت بالبنت من نظرات من رغم اني مش بيني وبينها حاجه بس حسيت بحاجه من ناحيتها ولما جه الوقت انقل من الشغل روحت اعترفتلها اني معجب بيها وعاوز اجي اتقدم بس كانت هي لسه ٣ ثانوي فا قالت إن اهلي من هيوفقو دلوقتي لما اخلص وفعلا استنيت منكرش أن كنت عاوز رقمها عشان اتواصل معاه بعد اما انقل من الشغل هي خافت عشان أهلها قولتها خلاص مش مهم لما تخلصي امتحانات هجي عدت فتره ورحت رايح هناك علي امل اني اشوفها تاني فعلا شوفتها بس مش عارف مالها مش مدياني احساس لهفه زيي يمكن عشان برضو أهلها محدش يشوفها سلمت عليها ومشيت علي طول عدت سنه كامله من غير معرف عنها حاجه بس لسه فاكرها قولت خلاص بقا هتروح مني لازم اروح اتقدم طبعا هما كانو فبلد جمب بلدنا المهم كان معايا رقم ابوها بحكم كان في بنا كلام وتعارف كتير ودي اكتر حاجه بسطاني انو كان فتره اني جمبهم كنت اتعرفت عليهم وعرفهم وهما عرفني روحت اتهورت وكلمت ابوها الساعه ١٢ الضهر لسه فاكر والله الوقت ده قولتله عاوز اتقدم لبنتك كذا كذا وقالي تمام هشوف صاحبه الشأن وهرد عليك تاني يوم رن عليا وقالي هي لسه داخله اوله كليه ومش عارفه راسها من رجليها وقالي انت خلصت جيش ولا لا قولتله لسه خلاص لما تخلص ابقا تعلا وقفلت علي كد التفكير كان هيموتني لي رفضت دلوقت يمكن فعلا عشان ده السبب ولا عشان لسه مش جاهزيين بحكم انهم علي قد حالهم ونا عارف ان الحاله الماديه عندهم مش احسن حاجه فا مردييتش تتعب أهلها في المصاريف ولا عشان في حد تاني غيري اتعلقت بيه ولا عشان أنا مش انا اللي عاوزا ولا عشان أي انا تعبت ساعات بدي اعزار وساعات بقول هي اتغيرت مش عارف عدت سنه كمان مش غير معرف حاجه عنها تاني مش عارف اروح تاني يمكن فعلا عشان الحاله الماديه أو عشان دراستها دلوقتي في فرقه تانيه مش عارف خايف اروح تاني اترفص ساعتها  اقتنع اني اترفضت لذاتي 
في ناس كتير شجعنتي اورح تاني اعمل اي ؟! اسف اني طولت بس كان في اكتر كد من كلام 🥺

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_70654 🇪🇬

منذ أسبوعين

شعور ضائع

عبّر عن شعورك بشكل مجهول

انا ليا بنت عمتي عايشين في مكان بعيد عننا عمري ما فكرت فيها لكن جم زيارة من اسبوعين و حصل شويه مواقف كده منها اننا لما كنا في الملاهي قعدت في لعبة جمب بنت اكدب لو مقلتش جميلة و المهم دارت اطراف حديث و بنت عمتي دي قدامنا و بانت عليها الغيرة المهم من بعدها طلعت انا و اخوها من الملاهي اربع او خمس مرات مجرد ما نختفي تسيب اخوها و ترن على رقمي انا و لاول مرة رنت اكتر من ٢٠ مرة في الكام مرة دول كلهم كالاتي انتو فين بتعملو ايه و جايين امتى و بعدها عمتى و جوزها اجرو عجلة ببدالين و ركبو خدو لفة و هبطو فقالولي اركب انا و اخوها مجرد ما ركبت نطت هي جنبي و بدات تحرك العجلة و انا وقفتها و نزلت و من بعد كده بقى نظرات رايحة جاية و كده فاتشجعت و بدأت افتح كلام على انستا يوم في التاني كنا بنتكلم يوم ف بعت رسايل فيها تلميح بعيد اني معجب هي مشافتهاش لمده نص ساعه كده و بعدين قالتلي هنام تصبح على خير و بعدين راحت قالت لابن عمي الكبير اكبر مني باربع سنين و قالتله ان امها بتمسك التليفون الكتير و انها خايفة من المشاكلالمهم هو كلمني و انا قلتله معدتش مكلمها لقيتها لسا النظرات شغالة و لسا بتشوف الستوري قعدنا كده خمس او ست ايام فالمهم نزلت ستوري فيه تلميح و مستنيها تخش تفتح كلام مدخلتش قلت يمكن مكسوفه افتح انا قلت ازيك ان شاء الله تكوني بخير ردت عليا بكل برود و انا مش فاهم و بعدين شالت الفولو و رجعت حطته و رجعت شالته قلت خلاص اجي امبارح من برة و كانت هي في الاوضة مجرد ما رميت السلام و سمعت صوتي طلعت من الوضة و قعدت معنا و بردو فيه نظرات و كلام رايح جاي و النهارده نفس الكلام ف انا مش فاهم هي كده معجبة ولا لا و مش عارف اعمل ايهبص بردو علشان انا باحب اكتب كل حاجة على بعضها هي دلوقتي بعتت ستريك من يومين و بعدين ستريك تاني النهارده الفجر انا بافتح سناب بالصدفة لاقيتهم ففتحتهم فجيت قلتلك و قمت باعت الستريك الاولاني هي فتحتة في اقل من عشر دقائق و بعديها بتلت ساعات انا بعت ستريك تاني و دلوقتي بقالها ساعتين  مفتحتهوش يا ريت حد يفهمني هي معجبة ولا لا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_69716 🇪🇬

منذ 3 أسابيع

شعور مكسور القلب

عبّر عن شعورك بشكل مجهول

مش عارفه ابدأ ازاي عشان الموضوع طويل وخانقني بس أنا فعلاً مبقتش فاهمه 
من فتره طويله نزلت اتمرن حاجه جديده وقابلت ناس كتير واتعرفت على البنات كلها وبقى عندي صحاب كتير بس مكنش في كلام بيني وبين اي ولد هناك بعد فترة بدأت أحس أن في ولد مختلف شويه عنهم وبدأت اعجب بيه مش لدرجه حب بس اعجاب بشخصيته وطريقه التمرين وشويه بدأت الحظ أن في نظرات من الشخص ده والنظرات بتكتر وكأنها نظرات اعجاب و كنت ملاحظه ان الشخص ده مش بيكلم اي بنت ولا بيبص لاي حد ولا بيهزر ولا يتكلم شخص في حاله ساكت وهادي بس بعد كام شهر بدأت الحظ أنه بقى بهزر كتير ومعايا مكنش بيهزر مع اي حد غيري من البنات والهزار والضحك ويحاول يفتح كلام في التمرين بس مكانش في اي شات أو كلام بره التمرين والإعجاب بدأ يزيد من ناحيتي وبقيت بحبه واتعلقت بيه وبقيت احس انه ممكن يكون بيبادلني نفس الشعور بعد كام شهر وقفت تمرين عشان كان عندي امتحانات وحصلت اي ظروف خليتني اوقف شهر ونص لما رجعت لقيت منه تجاهل تام ولا كانه يعرفني او شايفني كاني مش موجوده أو شخص عادي مش عارفه هو كده مكنش بيحبني من الأول وكان بيعمل كده ليه والتجاهل ده استمر مده طويله وكأنه بيتجنبني معرفش يعني حصل مني ايه يخليه كده حتى سلام مش بيسلم الموضوع ممكن يبان صغير او تافه بس أنا حرفياً حبيته من كل قلبي وكنت دايما بدعيله في صلاتي ويوم عرفه وكل الأوقات بدعي له ياريت حد يفيدني حتى لو الحقيقه جارحه بس اكون عارفه ليه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_69345 🇪🇬

منذ 3 أسابيع

شعور وحيد

عبّر عن شعورك بشكل مجهول

اتمنى الناس تريحني علشان انا تعبان 
دلوقتي انا كنت بحب واحده قعدني سنتين ونص مع بعض الفتره دي كنت بغسل فيها كلي كان بيجي لها عرسان كنت قولي لها قبليهم اقعدي يمكن يكون في واحد كويس هيكون مناسب ليكي وكانت فعلا بتنزل تقعد معاهم وبعدين مش في توافيق وبعد كده زرعت كلي لازم تيجي البيت قلت لها انا مش معايا فلوس ولسه طالع من عمليه كبيره قلت لي تعالى وانا هجيب لك الدبله وبعد كده كل حاجه تبقى سهله عملت كده وارن الفاتحه وحددنا الفرح بعد سنه وانا قبل السنه استلفت فلوس من الناس اللي حواليا وجهزت الشقه كلها وهي جهزت حاجتها وما كنتش جبت دهب هي اللي كانت الدبله تيجوا يتفقوا على الجرامات كانوا عايزين 50 جرام بابايا قال هم 30 جرام في القايمه والموضوع خلص على الاثنين قفلوا الموضوع ان كل واحد عايز كلمته هي اللي تمشي 
هي كانت عارفه ظروفي ووضعي في  الكلام مش معايا مع اهلي وسابتني وبعدها رحت لها على البيت قلت لها لو هنخلص انا وانت الموضوع على 35 وانت تتكلمي اهلك وانا اكلم اهلي قالت لي لا هو هيكون 50 وفضلنا على كده لثاني يوم فاتصلت عليا بتقول لي انت مش بتكلمني ليه قلت لها انا بفكر اعمل ايه ما ممكن نكمل وممكن ما نكملش بعدها لقيتها عامله بلوك على كل حاجه وسابتني لمده ثلاث لوحدي واخر قرار خدته قلت لاخوها ان كل شيء نصيب وربنا يسعدها انا كده غلطان ولا لا من رغم ان هي عارفه ان انا شغلي على قدي من بعد العمليه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_67964 🇪🇬

منذ 3 أسابيع

شعور متوتر

Marshmallow_67706 🇪🇬 بص طالما وصلت للمرحله دي يبقي انت قطعت شوط كويس من المشوار صدقني مش لازم تكلمها دلوقت علشان متخسرش ثقه ابوها فيك تسعي و حاول و اتعب في الي باقي من الكليه جهز نفسك و لما يجي الوقت المناسب الي تحس فيه انك جاهز من كل النواحي روح اتقدم و ربنا يوفقها ليك و يوفقك ليك الخير

عرض الكل 11 نصيحة

عبّر عن شعورك بشكل مجهول

قصتي طويله شويه هحاول اختصرها انا في سنه أولي كليه اعجبت بيها مكنتش بقدر أشيل عنيا من عليها مش متخيلين فرحتي لنا اخدت بالها وبقت هي كمان من وقت التاني تبصلي برده خلص الترم الاول عل كدا كنت خايف اروح اقولها لسببين انا عندي مشكله ثقه في النفس وكمان ظروفي الماديه متسمحليش اخد خطوه رسميه صحابي كانوا اكبر داعم ليا وبيقولولي الحب بيبان في العيون وهي وانت باين اوي انكم معجبين ببعض رتبت ايام كتير اروح اقولها بس مكنتش ينجح لحد ما يجي اليوم الوحيد الي بدون ترتيب الاقي نفسي قدام صحابها وبحكيلهم واستنيت الرد يوم ورا التاني يجي يوم الكليه الي المفروض يجيلي في الرد كانت اكتر مره تبصلي فيها نظرات مستخبيه مليانه كسوف احراج عدم ارتياح وكانت هي واصحابها بيعملوا حاجات غريبه يلفوا حولين بعض ويبصوا لبعض ويضحكوا روحت من الكليه من غير ما يجيلي الرد زعل وخنقه غير عاديه نمت اليوم كله عشان اصحي تاني يوم عل رساله من واحده من صحابها بتقولي خد رقم باباها كلمه هي موافقه وعايزاك انا طيرت من الفرحه ومظبطش كلامي ورحت كلمت بباها الي كان محترم جدا في كلامه كانت وجهه نظره اننا لسا صغيرين وده مش الوقت المناسب الارتباط وقالي دي فرصه ليك عشان تجهز نفسك بس متتكلمش معاها وسيب الموضوع عل النصيب انا دلوقتي متكلمتش معاها خالص والباب بتاع اني اكلمها أو اكون عل تواصل مستمر صعب انا الحاجه الوحيده الي ممكن اوصلها بيها دلوقتي صاحبتها فأنا مش عارف اكلم صاحبتها تاني ابعتلها رساله تبعتهالها ولا اي الصح مش عايز اسكت اخسرها و تكون هي محتاجه اني اطمنها ومفيش تواصل وخائف اتكلم اطلع مش قد كلامي هي تفهم غلط حقيقي محتاج مساعده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_66260 🇪🇬

منذ شهر واحد

شعور مرهق

Biscuit_66257 🇪🇬 في حد تاني بس لسه مظهرش ع الساحة للناس او هي عقلت و حاسة ان ممكن الدنيا تفتح منها ف قفلت الباب ده في الحالتين فكك منها او روح أتقدم لو انت حتموت عليها و تبقي الكرة ف ملعبها يا توافق ياما كل واحد يروح لحاله بقي

عرض الكل 2 نصيحة

عبّر عن شعورك بشكل مجهول

زمان ونا في ثانوي كنت طايش وشقي وعايش سن مراهقة كان في بنات كتير في حياتي ف الوقت ده جي شخص دخل حياتي غير حجات كتير فياا م غير م احس ارتبطنا فترة وحصلت مشكلة واتفقنا انو احنا نبقا صحاب لان علاقنا كانت قايمة ع الاحترام والتقدير قبل اي حاجة وفعلا بقينا نتكلم اكتر م الاول وبقينا نعرف ع بعض كل صغيرة وكبيرة والعلاقة بقت اقوي بكتير سنة وروه سنة دخلنا جامعة وهيا كملت دراسة برة وبرضو كنا ع تواصل اي نعم كنا بناخد فترات منتكلمش بسبب الظروف الحياة لكن لما بنرجع كاننا كنا م بعض امبارح خلصت جامعة وهيا كان بقالها اخر سنة لأنها كانت ف اسنان وكانت ديما توقع ف مشاكل ونا بساعدها مكنتش مقصر معاها حرفيا لاني كنت حابب ابقا عون وسند ليها م عاوز ادخل ف تفاصيل كتير الحوار ده تقريبا ٧ سنيين كلمتني اخر مرة كنت ف جيش وطبعا عارفين حياتنا بتكون ازاي ف الجيش واتكلمنا وحكينا كانت محتاجة خدمة م المطار ظبطلها التذاكر وبعتلها حد يستقبلهاا ومقصرتش نزلت البلد واتكلمنا مرة وبعد كده اختفت وكلامها خف بقلها ف اي مالك قالتلي اختب تعبانة هفضي واكلمك الايام عدت واجازتها خلصت وراجعة جامعتها تاني كلمتني وهيا ف المطار قالتلي هوصل واكلمك ومن وقتها ابعتلها ف مسجات وارن مفيش لدرجة اني قلقت قلت حصلتلها حاجة بس لا هيا عملت سين للمسج ومردتش طب انت بتعمل كده لي متردش ونا اتلهيت ف جيشي وكامت ايام صعبة معايا وهيا صعبتها عليا اكترر خلصت جيش والوضع ده لسه مستمر تشوف المسجات ومتردش ونا ف شغلي واحد صحبي كلمني بيقلي الحق دي ** هنا اهي قلتلو ازاي دي المفروض لسه ف جامعتها قالي ولله اهي م بنت خالها نزلت م الغردقة للبلد تانب يوم عشان اشوفها معرفتش سالا ودورت عرفت انها بتاخد الامتياز بعتها ف القاهرة ونا ف البلد بدور عليها ردت عليا بكل برود تقولي معلش انا م هقدر اكلمك تاني مش هعرف ارد عليك طب لي ف اي حصل حاجة تقلي لا محصلش انا معنديش اجابة ليك ولا رد ازاي يعني كل ردودها كانت مستفزة قلت يمكن حد ف حياتها سالت ومفيش حد ف حياتها ونا حرفيا تايه م عارف اعمل اي ومش عارف هيا عملت كده لي وهل هيا م الاول كده ولا حصل حاجة اناومعرفهاش الموضوع تقريبا انا اختصرت في حجات كتير محكتش كل حاجة بس بجد مأثرة فيا مخلياني م عارف اتعامل م بنت تاني جاتلي قفلة منهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_65957 🇪🇬

منذ شهر واحد

شعور آسف

موضوع:

عرفت ازاي انو الشخص مش مناسب ليك ؟

ياه اخيرا هحكى وحد يسمعنى هحكى اول قصه حب فى حياتى مع بنت الجيران عرضت عليها نرتبط فرفضت وبعد فتره قالت لى مش هلاقى احسن منك ساعتها سعادتى لم توصف وبعد فترة اكتشفت انها بتحب واحد جارى وبينهم مشكله وعاوزه تنتقم منه وتغيظه وفعلا عملت إللى عاوزاه وبعدين تصالحوا ورجعتله

Pistachio_74417 🇪🇬

كنت جدع مع صحابي ومحدش حس بيا.. الوحده بتقتلني

انا كنت الصاحب اللي اي حد يتمناه حرفيا كنت بفضي نفسي لو حد من صحابي احتاجني كنت ديما بكلمهم اطمن عليهم لو حد غاب برن اتطمن عليه وبكلمهم انزل اقعد معاهم واقابلهم واعمل كل حاجه حرفيا وكنت جدع مع الغريب قبل القريب قعدت سنتين علي الحال دهمش حاسس بقيمتي عند حد لحد ما بلكتهم واحد واحد وصحيت حساباتي وانا حاليا الوحده بتقتلني حد عنده حل ...عرض المزيد

0 الدعم

0 نصيحة

Pineapple_44471 🇪🇬

أمي قالتلي حسبي الله ونعم الوكيل وأنا تعبانة ومش غلطانه

جماعة أنا تبعت من والدتي دلوقت هي كانت ف المحافظة وعايزاني اروحلها أنا واجي عشان تجيب لاختي كوتشي للمدرسة وانا تعبانة والله ومش قادرة أنزل وقولتلها اني مش قادرة وان ايه بدري ع الدراسة ويبقى يوم تاني راحت قالتلي حسبي الله ونعم الوكيل فيكِ طيب ليه أنا والله عندي مشاكل قد كدا وفي شغلي بالذات وعلى حافة اني اسيبه وعندي التزامات من ساعة ما قالتلي كدا وانا خائفة رغم اني والله فعلا تعبانة وما قادرة انزل بس بحس ربنا بيستجيب للامهات حتى لو احنا مش غلطانيين و اصلا اوقات كتير أوي بحس انها بتكرهني وعمري ما حسيت منها بحب غير لما كنت طفلة ومنكرش أننا بنتخانق كتير واحيانا بتعصب بس غصب عني والله لانها بتفرق بيني وبين اخويا وبتظلمني ف كذا موقف وشديدة معايا اوي وعمرها ما دافعت عني قدام حد ساعدوني أنا مش عايزة ابقى بنت عاقة ...عرض المزيد

2 الدعم

1 نصيحة

Apple_74603 🇪🇬

العادة السرية دمرت شخصيتي ومش عارف أتخلص منها

انا ولد والعاده السريه دمرتني ودمرت شخصيتي وحرفي تعبت ومش عارف اتخلص منها ازاي وحاولت بكل الطرق كنت ابطل شهر وارجع تاني والفكره ان حرفيا مبقتش عارف اتعامل مع الناس زي م كنت ولا ذكائي زي م هوه وبقيت لحسني اغبي او مش بنفس العقليه والتفكير وسرعه البديهه في فعل الصح وانا صغير مش عارف اخلص من الموضوع ده ، لو خلصت منه كل مشاكلي هتتعب حرفيا وهعمل حاجات عظيمه اوي وهحقق كل الل نفسي فيه ...عرض المزيد

1 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع