والله يا جماعه مش عاوزه حد يفهمني غلط انا كنت مرتبطه بواحد لمده ٥ سنين هو مكنش بيحبني ف الاول وقالي متعلقيش نفسك بحاجه من نحيتي والكلام دا بس صممت وخليته يحبني مكنش غصب بس عاملته كويس وهو اتعلق بيا وغير فكرته وحبني وبعدين لما اعترفلي قولتله اتقدملي قالي اول م يخلص سنه ٣ ع خير جت سنه ٣ وخلصت ونجح وهو مفتحش الموضوع نهائي والفتره دي كان بدا يشوف نفسه عليا شويه ويقولي غيري من نفسك عشان تناسبيني خسي اهتمي بنفسك وكلام كتير من دا كان بيموتني ف نفس الوقت ظهر ف حياتي شخص كان حابب كل دا كان هيموت عليا وعاوز يتقدملي ناويها خير ف انا غلطتت واخدت الموضوع عند ف الاول و وافقت على ال اتقدملي مع اني لسه بحب التاني شايفه مستحيل قلبي يقبل حد تاني لما حكيتله مكنش مصدق وكان كل يوم يكلمني يعيط وانا كمان كنت بموت وفضل يتاسفلي ع كل كلمه قالهالي وقالي مستعد يتقدم من الصبح وحرفيا من بعد الخطوبه حياته اتغيرت وبقا كئيب اوي وكل يوم اشوفه بيعيط بسببي وكان ف فرح صاحبه قاعد يعيط وكنت ف فرح واحده صحبتي جه عشان عارف اني هكون هناك وفضل يبصلي بعتاب وانا قلبي بيتقطع ولحد دلوقتي بيبعتلي ولسه عاوزني انا حاسه اني اتسرعت وظلمتني وظلمته وبظلم خطيبي انصحوني من غير اساءه للعلم خطيبي من بعد الخطوبه تقريبا مش بيعاملني كويس ومعتبرني هامش ف حياته وكل حاجه عنده اهم مني

7

4