هل فرق التعليم بيني وبين خطيبي هيسبب مشاكل؟

Question

السلام عليكم 
انا دكتورة من عائلة متوسطة ميسورة الحال متقدملي شخص  محترم جدا وجدع وعنده وظيفة بمرتب كويس انا مش بيفرق معايا الماديات عيلته تقربلي من بعيد بس هما ناس كويسن عامة سؤالي هو هل فرق المستوى التعليمي ممكن يكون سبب لخلافات فيما بعد وهل حد بتجربة مماثلة

Avocado_51186 🇧🇭 · Accepted Answer

هو أنا شايف طالما هو حد محترم وشغال شغلانه محترمه واهله ناس كويسين فخلاص توكلي علي الله بس اهم حاجه علشان الحياه بينكم تكون كويسه أوعي تحسسيه دايما انك اعلي منه في التعليم لان ده هيسبب مشاكل كتير بينكم 
وطبعا صلي استخارة في الاول وان شاء الله يكون خير

Coffee_48998 🇲🇦 · Answer

هو المستوى التعليمي مش مهم ولكن ممكن المستوى الثقافي والمعرفي يفرق (دا عن تجربية شخصية ودا كمان رأيي الشخصي )

Sugar_49831 🇪🇬 · Answer

اكييد فرق المستوى التعليمى عمره ما يأثر 
الفرق بيكون فى العقلية وطريقة التفكير 
لو شايفة انه تفكيره مناسب لتفكيرك وعنده وعى خلاص يبقى ايه المشكلة مدام اخلاقه كويسة 
والاكيد قبل اى حاجه لازم تستخيري مرة واتنين 
وربنا يكتبلك كل خير يارب يا جميل 🤲🏻🤍🌿

Coconut_52026 🇪🇬 · Answer

مع العلم هو معاه ثانوي صناعي بس مكملش معهد ولا اي حاجة بعدها

Coconut_52026 🇪🇬 · Answer

معك حق 👌🏾

Sugar_49831 🇪🇬 · Answer

بصى يا جميل مدام عندك القدرة انك متحسسيهوش ابدا ابدا بفرق التعليم دة مفييش اى مشكلة ابدا 🤍

Strawberry_52030 🇪🇬 · Answer

حاسه انو لو انتِ اللي مشوفتيش الفرق دا هو اللي هتشوفه وبيبقي حاسس انو مضايق منو

Coconut_52026 🇪🇬 · Answer

آمين 🤲🏽

Coffee_51317 🇪🇬 · Answer

علي حسب الشخص مفيش قاعده ثابته يعني لو هو بيحبك هيبقا فرحان انو شايفك احسن منه و يساعدك انما لو الحته دي مضايقاه هيعمل مشاكل علي مفيش بس لو حساه انو فرحان بيكي انك دكتوره و شايفه اسلوبه انو انسان محترم ميعيبوش انو اقل منك في التعليم اللي بيفرق بحد مستوي الاجتماعي عشان تبقو قدرين تتعملو مع بعض وتكوني مرتحاله ومطمنه بوجوده مش حاسه انك مضايقه او مضغوطه بسببه

Mango_51124 🇪🇬 · Answer

والله ده بيرجعلك انتي 
حاسة انك عايزة دكتور زيك متوافقيش 
حاسة انه عادي فتوكلي على الله 
اهم حاجة تتأكدي انك انتي وعيلتك شايفين الموضوع عادي 
عسان اكتر حاجه الراجل بيكرهها هي ان حد يعايره باي حاجة