هسيب حد بحبه بس مش شايفة مستقبلي مع حد غيره

Question

بعد تفكير وانتظار كتير قررت اخيرا اني هسيب شخص تخطاني وتجاهلني شهور بعد محبيته سنين واديته من كل طاقتي ووقتي واخلصتله سنين ووجعني كتير اوي وبعد مكتشفت وصدقت بعقلي انه معملش فعلا اي حاجة عشاني ولا ردلي نص حاجة من اللي عملتها معاه برغم كل دا انا لسة بحبه ومش شايفة مستقبلي مع حد غيره 
هل لو سبته يمكن يحس بقيمتي يرجع احسن من الاول ولا هينساني للابد 
للاسف لسة مش مستعدة لفكرة انه يبقى لحد غيري مش هقدر انا كل مفكر اسيبه افكر في كدا 
اتمنى حد يديني نصحية حقيقية ومن غير مزايدة او على الاقل حد يكون مر بنفس تجربتي

Apple_30945 🇪🇬 · Accepted Answer

لو في يوم اتخذلت من حد كنت عايش معاه اجمل ايام حياتك دا هيخليك تتعب نفسيًا جدًا واكيد هيأثر كمان على صحتك الجسدية بس مهما كان اللي انت حاسس بيه دلوقت احب اقولك انت مش ضعيف ولا انت خايف ولا حتى فاقد ثقتك بنفسك وبالآخرين انت مش وحيد ولا حابب تعيش لوحدك بعيد عن الناس.. انت حد قدر واحترم واعطى وحب واخلص للطرف الآخر ..
فاحترم نفسك ومشاعرك اللي بتأدبك دلوقت وبتقولك اتعلم من غلطك احترمها لانك من البداية كا

Apple_38269 🇪🇬 · Answer

كوين💋شوفي حياتك يا حبيبتي محدش هينفعك متستنيش حد يكملك انتي اعملي دا بنفسك وخليكي مستقره وعيشي وانبسطي وطنشي اي حاجة تزعلك،ونصيحة استني حلالك الحلال احسن بكتير اهو هيجيلك علطول من غير لف ودوران ومن غير محاولات تناهدي فيها على مفيش في الآخر انتي اقعدي جوهره في بيتك ونصيبك هيجيلك لغاية عندك،اي حد غير كدا دا لعب عيال ومغناطيس لامراض نفسية  وكسرة نفس على الفاضي، عيشي حياتك يا نجمة💗

Strawberry_49842 🇪🇬 · Answer

اول حاجه النوع ده من البشر مهما تعملي عشانهم مفيش فايده مش هيغيروا . ف كويس انك وصلتي ل نقطه انك شوفتي انك ضحيتي وهو لا . و انتي متستهلش اي حاجه وحشه بجد انتي ملاين من يتمني زيك مش الف بس . فكك منه يروح ل اللي تعلمه قيمته قد ايه ووقتها صدقيني هيندم ندم العمر . و اوعي تفكري ترجعي لأن هتفكري انه اتغير بس بيكونو كدابين . و دي حياتك يابنتي بجد ده مش الشخص اللي يقدر يريحك نفسيا لأن الشخص اللي بيحب بجد

Strawberry_49842 🇪🇬 · Answer

..مستحيل يخاليكي زعلانه ولا نفسيتك تتعب طبيعي بيكون في مشاكل في اي علاقه بس في علاقات بتدمر النفسيه لأنه سامه اصلا . اعرفي قيمه نفسك و غلاوتها كويس اوي . و متتكسريش مش هو اللي تتكسري عشانه اللي ميضحيش عشانك مع الف سلامه . و غير ربنا عاينلك الاحسن عشان كده بان علي حقيقته . مستنيه ايه تاني منه بجد يتغير والله اللي فيه طبع ما بيتغير . و انا بجد بنصحك عن تجربه و لكي الاختيار . و اتمني ليكي التوفيق 🤍