مش عارفه امشي لوحدي في الشارع ومتضايقه من نفسي

Question

(معلومة بس انا عندي 18 سنة) من كام يوم نزلت اجيب حاجة بسرعه و كنت هطلع البيت على طول بس بعد م خلصت لقيت الجو حلو اوي، و كنت عايزه اتمشى شوية بس مكنش معايا سماعتي و صاحبتي لما اتصلت بيها قالتلي مش هتعرف ترد عشان عندها مشكلة ف البيت و ساعتها حسيت اني متوترة أوي و كل الناس ف الشارع بتبصلي وحاسه انهم شايفني عبيطه و حاولت اتحرك شوية او اي حاجة بس مقدرتش و طلعت البيت على طول و كنت مخنوقه جدا و لغاية دلوقتي متضايقه من الموقف ده. الفكرة ان ده بيحصل معايا دايما، مبقدرش امشي لوحدي ف الشارع من غير سماعه او من غير م اتكلم مع حد ف التليفون، كدا كدا معنديش حد ينزل معايا بس بتخنق ان مفيش حد بينزل معايا و ان معنديش صحاب اقدر اروح وا اجي معاهم. و انا مش بحب المديا عموما ف مش منابعه تريندات او اخبار او اي حاجة و اصلا مبعرفش اتابع ولا بعرف الاقي المعلومات فين و بحس اني مينفعش صاحب اي حد عشان انا عبيطه و مش فاهمه حاجة ف المديا ولا بحب اتصور و كدا، حتى اللي كتبته ده كلو مش عارفه اشرح انا حاسه ب أيه ف الآخر او أيه اللي مضايقني.

Toast_27722 🇪🇬 · Accepted Answer

انتي بس متخيله ان الناس كلها مركزه معاكي لاكن في الحقيقة محدش مهتم انتي مين وبتعملي ايه

Apple_27567 🇪🇬 · Answer

صدقيتي انا واختي التؤام معندناش صحاب اصلا كل ما نصاحب حد تطلع منافق او من النوع الي بتحب تشمت وكدا وبعدت عن السكة دي، وكنت برضو لما امشي في الشارع لوحدي احس اني مش مرتاحة كدا واني لوحدي، بس تخطيت كل دا وبقيت بحاول اشجع نفسي ومعودتش نفسي اني لازم انزل مع حد والحمدلله في المدرسة الثانوي دخلت واتعرفت علي ناس اهو بقالنا تقريباً شهر في تصرفات اكيد بالنسبة لتربيتي معملهاش بس هم كويسين بالنسبة للي كنا

Apple_27567 🇪🇬 · Answer

نعرفهم وبقيت بحاول اتكلم معاهم كتير اوي عن الدبن واحنا قاعدبن واهب ماشية

Strawberry_27716 🇪🇬 · Answer

حاسه انك محتاجه ثقه في نفسك اكتر وعلفكره محدش هيبقي بيبصلك وخلاص هو انتي وانتي ماشيه ف الشارع بتركذي مين ماشي لوحده ومين لا؟، اكيد مبتاخديش بالك ولو خدتي بالك هتنسيها بعد يدوب ساعه فا مش مستاهله تشغلي بالك براي الناس ومين بيشوفك ومين لا

Strawberry_27716 🇪🇬 · Answer

+الصحاب حاجه جميله حاولي تصاحبي وتبقي اجتماعيه ومش لازم يبقوا قريبين منك المهم ان ليكي معارفهم و صحاب

Carrot_27720 🇪🇬 · Answer

بصى احساسك دة طبيعى فى سنك بس فكرى دايما ان الناس اللى ف الشارع دول ميعرفوكيش ف أصلا هم مش مركزين معاكى وحتى لو حصلك اى موقف محرج فكرى انك مش هتشوفى الناس دى تانى اصلا فمش هيفرقلك شكلك قدامهم واتعرفى على ناس سواء ف الجامعة مثلا او مدرسة او جيم لحد ما هتلاقى اكيد ناس شبهك مش مختاجة تغيرى من نفسك طالما انتى مرتاحة كدة

Cheese_27727 🇪🇬 · Answer

بصي هو دي مشكله طبعاً انك عندك خجل بذياده وتوتر  وانا شايف انك لزماً تمارسي انشطه اجتماعيه او رياضيه اكتر هتساعدك كتير او في انك تتعاملي عادي وتمشي عادي وتكوني صدقات  والميديا لذيذه في كده بتشوفي ايه الحاجه والهوايه الي بتحبيها مثلا القرائه وتخي في جروب للروايات او المسلسلات من النوع الي  بتحبيه  لو معندكيش هوايات خالص وبتحبي العلم اكتر والافكار واعرفي ان الناس بتبص علي اي حد مش غلط منك

Biscuit_26457 🇦🇪 · Answer

انا كنت كده جدا وانا في سنك ففهماكي اوي بس قررت اتغير واغير كل حاجه وقتها قررت اكسر مخوفي باني اعمل كل حاجه خايفه منها حاي لو هعيط وانا بعملها وفعلا عملت كده وده زود ثقتي في نفسي وزود ثقه الحوليه فيا 
بس لو اقولك دلوقتي نفسي ارجع هبله زي زمان وفكره كل الناس بتبص عليا وبطلع اجري علي البيت عشان مبعرفش اعمل حاجه لوحدي نفسي في يوم واحد اكون في كده مش البنت الجمده البتعمل اي حاجه نفسي اكون هبله

Corn_27705 🇪🇬 · Answer

وجهة نظر بس التوتر مبيفارقنيش بردو حتى لو نزلت و كدا

Corn_27705 🇪🇬 · Answer

مبعرفش بجد بحس اني عبيطه و محدش عايز يتعامل معايا اصلا

Corn_27705 🇪🇬 · Answer

هو اكيد بس الاحساس نفسه كفاية يخليني اتضايق

Corn_27705 🇪🇬 · Answer

الفكرة اني حتى لو عرفت اتعرف على حد دايما بحس اني عبيطه و مش مرغوب فيا  او اقل من الشخص اللي اتعرفت عليه

Corn_27705 🇪🇬 · Answer

ليا هوايات بس انا فعلا بميل للعلم اكتر 
انا حجزت ف جيم بقالي 4 شهور و كل مرة اجي اروح أتوتر و اقول اني مش هروح عشان انا عبيطه و اكيد هعمل حاجة مضحكه و مش هروح تاني

Corn_27705 🇪🇬 · Answer

فهماكي عمتا عشان اتحطيت ف نفس المشكلة دي بس حاليا عندي 2 صحاب بس سوشيال اتقابلنا قبل كدا بس هما بعيد عني اوي ف صعب اننا نتقابل او ننزل او كدا ف عشان كدا حاسه دايما اني لوحدي

Avocado_27807 🇪🇬 · Answer

دي فتره من حياتك وهتعدي

Ice Cream_28545 🇪🇬 · Answer

اقولك علي حاجه بجد حاولي ما تركزيش في الناس عمليهم لكنهم مش موجودين اصلا و حاولي تاخدي راحتك بزياده و حاولي تتكلمي مع الناس حتي لو حسيتي لن هما بيتجاهلوجي مش هتيجي من اول مره كل الناس تم تجاهملم و الفكره انك بجد ما تديش حد اكبر من حجمه