مش عارفه اعيش بسبب القلق والتوتر اللي ماسك حياتي

Question

مش عارفه اعيش واجرب بسبب التوتر والقلق موقفلي حياتي بمعنى الكلمه 
انا معرفش ده ايه بس انا من اقل حاجه نبضات قلبي بتزيد وبتوتر وبقلق حتى لو موقف بسيط وحتى لو مفيش اوقات ببقى قلقانه طول اليوم من غير سبب وحقيقي حاجات كتير بتقف معايا بسبب التوتر ده واني بخاف وبحس مش هعرف اكمل والموضوع بجد معايا حتى ف ابسط الحاجات وحتى لو موقف عادي زي انزل كورس مثلا او الكليه ديما في قلق ملوش سبب انا لسه صغيره ونفسي اعيش حياة كويسه واعمل اللي نفسي فيه بس حقيقي القلق بيوقفني من حاجات كتير

Coffee_27700 🇪🇬 · Accepted Answer

لو ممكن تتكلمي مع أهلك انك محتاجه تروحي لدكتور لأن فعلاً هيساعدك بالأدوية اللي هتاخديها في الأول بس عشان تندمجي مع الناس ويروح رهبة الموقف وبعدين هيسحبها تدريجيا

Banana_30938 🇪🇬 · Answer

انا عندى نفس المشكلة و فيه دكتور كبير كتبلي دواء بسيط خالص بيتاخد لما يكون فيه موقف موتر الواحد و لا حاجة 
مش مهديء و لا دواء اكتئاب
ده بيهدى ضربات القلب بس و يرجعها طبيعيه ف المواقف اللي زى دى و بس

Watermelon_32141 🇯🇴 · Answer

انتي دايما احكي لنفسك انه شو تكبر اشي رح يصير اخسر فلوس الكورس طزززز بيجي غيرهم 
دايما كل ما بدك تعملي حاجة تذكري شو اسوأ عاقبة لها وعلى اساسه بروح الخوف والقلق من كتير شغلات وعن تجربة

Blueberry_31785 🇪🇬 · Answer

للاسف مبعرفش خالص بالعكس الموضوع بيقلب معايا ب سلبية اكتر واني فاشله ومش عارفه اعمل حاجه ومفيش حاجه بتحفزني خالص حتى حوار الفلوس

Blueberry_31785 🇪🇬 · Answer

مهو ده برضو ميعتبرش علاج اوي انا نفسي ف حل ينهي الموضوع خالص فهماني وبرضو الدوا لازم اروح ل دكتور وده صعب بالنسبالي

Avocado_32163 🇪🇬 · Answer

سلمى  امرك لله ...واعرفى مافيش حد هياخد نصيبك ولا انتى هتخدى نصيب حد ...وامنى ان الحياة مجرد وقت وحاجه تافه ساعتها هتحسي انك مش قلقانه ولا حاجه وبالعكس النتايج هتكون ايجابيه عن تجربه

Coconut_32160 🇧🇭 · Answer

هو ده اعتقد سببه التربيه من وانتي صغيرة .. بمعني ان أهلك اكيد كانوا خايفين عليكي جدا من انك تنزلي لوحدك او تروحي في مكان  من غير مايكون في حد معاكي وده طبعا انتي اتعودتي عليه لحد ما كبرتي .. والحل انك تعودي نفسك دايما علي انك خلاص كبرتي وتقدري تعتمدي علي نفسك ومتخافيش من اي حاجه أبدا وحاولي دايما تنظمي نفّسك من غير توتر خالص ودايما أدعي ربنا كتير انه يحفظك من اي شر

Banana_30938 🇪🇬 · Answer

انتى سنك اد ايه

Blueberry_31785 🇪🇬 · Answer

١٩

Blueberry_31785 🇪🇬 · Answer

صعب اتكلم معاهم ف حاجه زي كده لانهم مش من الاشخاص اللي بتقتنع بالعلاج النفسي

Blueberry_31785 🇪🇬 · Answer

لا خالص انا معتمده ع نفسي ف حاجات كتير من وانا طفلة