مبدايا انا كنت خايفه احكي عشان ملاقيش هجوم عليا ، لان اللي هقوله ده هيضايق ناس كتير انا محجبه لكني مش ملتزمه بالحجاب يعني لما بسافر بقلع الطرحه ويوم قراية فاتحة اختي كنت بشعري ، وفي مواقف كتير بقلعها وبفضل بشعري وده لاني مش بحب شكلي بالطرحه ، عارفه ان ده الهدف الاساسي ان شكلنا ميبقاش حلو بس انا بحب شعري جدا ، قبل كده قعدت شهور مش بقلعها ولا بطلعه حتى بس برده اتغلبت وقلعتها تاني دلوقتي فرح اختي قرب ، بدون هجوم بس اهلي كلهم بيقولوا ليا اقلعها فالفرح من ضمنهم " بابا وماما" واختي الكبيره كل شويه تهزر وتقولي والله مش هتحضري بيها وانا مش هنكر اني بدات اضعف واقول هقلعها وده يوم فالعمر مش هيتكرر ، الفرح لسه قدامه ٥ شهور بس انا بفكر من دلوقتي ومش عارفه اعمل ايه ملحوظه اني مش صغيره انا في تانيه كليه

9

8