Coffee_27700 🇪🇬
منذ 8 أشهر
.
شعور متوتر
اكتر ناس ناقدين ليا هما أهلي خصوصا والدي. نتيجة لده مبقتش بقولهم على اي حاجه ولا بعمل اي حاجه قدامهم. فعليا اي حاجه بكل ما تحمله الكلمة من معنى مهما كانت حاجه حلوة أو وحشه لأن عارف أنه هينتقدها. لو سمعت اغنيه بحبها هينتقد اغاني الجيل ده. لو اتفرجت على فيلم حلو هينتقد تفاهة الجيل ده. لو جيبت اكل من برة هينتقد إن الجيل مش زواق في الأكل. لو روحت لدكتور هيشوف الروشتة وينتقد الأدوية ويقول ملهاش لازمة انا كنت هقولك احسن (رغم إن مش مجاله) لما روحت اعالج الصلع انتقد ده وقال ما الوصفات مالية النت مكنش مستاهل دكتور. لما روحت لدكتور تغذيه قال ما النت مليان وصفات. لو طلعت رحلة في السنة اغير جو بيقول انت بتضيع فلوسك. بينتقد لبسنا واختيارنا للهدايا وزوقنا وحياتنا. من كتر اللي شوفته اتعلمت منتقدش اي تصرف كل واحد حر يعمل اللي عايزه. بقيت بعامل صحابي أو اخواتي اي حد عايز يعمل اي حاجه طالما مش هيؤذي نفسه ومش ضد معتقده الديني بشجعه عليها.
10
4
