سن 19 ولسة معملتش حاجة..حاسة بالتوهان

Chocolate_70777 🇪🇬

منذ يوم واحد

شعور مرتبك

عندي سنه 19حاسه أني لسه معملتش حاجه مفيش تطور بالعكس أنا لو هقول أني اكتسبت حاجه تبقى شك في نية كل الناس عدم الثقة في نفسي و في كل إللي حوليا بسبب اني لما اتصاحب على حد فجأة حرفيا فجأة يتغيرو و اصبح أنا المنبوذة منهم حاولت مثلا أنزل چيم لكن بابا مرضيش و بعد محايلات رضي أني أشتغل معلمه في حضانه مسئولة عن القرآن و التربية الإسلامية بس لازم اسيب الشغل قبل الدراسة..دي الحاجه المختلفة الوحيده إللي عملتها لما حد بيقولي إن المرحله إللي أنا فيها دي أحلا مرحلة أنا بخاف إن لما المرحلة دي تخلص أندم بعدين أنا في سني دا و مش بعرف أروح أي مكان لواحدي لأني أكيد هتوه حتى الكلية في الأول كان حد بيوديني..مش عارفه اعمل ايه

ليه اتعلقت بكلية مش مكتوبالى وكل دا صعب؟

هو لية اتعلق بحاجة وهى مش مكتوبالى لية اعيش حلم جميل اوى والحلم دا مش من نصيبي لية اكون فوق اوى وانزل مرة واحدة للأرض لية اتعلقت بجد لغاية دلوقتى ولسة مش متقابلة اى وضع حاسة أن كابوس صعب اوى وسوال واحد بس فى دماغى لو الكلية دى مش مصيبة او اى كلية عالية برضوا انا لية اتعلقت يعنى طول السنين انا كنت شاطرة وشاطرة اوى كمان طول عمرى فى مكان عالى وكلة عارف كدا درجاتى عالية وكل دا ومن الاوائل وبتكرم فى كل السنين وفى تالتة ثانوى اللى هى والله اكتر سنة طلع عينى فيها كانت أقل سنة اجيب فيها مجموع ومجموع عرة كمان معرفش ازاى بجد حاسة من وقتها والدنيا واقفة عند اليوم دا وفى الاخر برضوا انا مجربتش كلية اساسا تب ازاى ولية يعنى بجد عقلى مش قادر يستو عب انا كنت شاطرة مش فاشلة علشان اجيب كدا كنت بصلى وبدعل كتير اوى عملت كل حاجة فى السنة دى علشان اوصل وموصلتش مش قادرة افهم لغاية دلوقتى كل دا حاسة أن تايهة فى دنيا مش بتاعتى وسط ناس مش شبهى معرفهمش مش مكانى دا مش دا اللى كنت بحلم لية انا كنت بحلم بمكان تانى خالص مش دا انا راضية بأمر ربنا بس تحمل الوضع صعب وتقيل اوى حاسة أن فوق طاقته لان طول الوقت بعيد وبتخنق حاسة ان كل حاجة راحت وانتهت خلاص مبقاش فى فايدة هل انا كنت غلط طيب تب كان اى الغلط وفوق كل دا كان فى شلة صحابى يعنى المهم انا بعدت عنهم فى أول السنة اصلا وبعديها بفترة بقينا نتكلم عادى بس علاقة سطحية ماعدا واحدة فيهم علشان هى كانت الأقرب ليا منهم كلهم بس برضوا هى بتكرهنى ودا كان بيبان عليهم عادى فى الحصص لما بجيب أعلى منهم فى اى مادة وهما لا واتكرم وهما لا حرفيا وشهم كان بيبقا عليه غضب ربنا هى داخلة تقولى عملتى اى وجالك اى وبتسال ع تفاصيل كتير اوى مع أن عمرى ماسالتعا اصلا وهى عمرها ماقالت بس قالت لما جت تسالنى أنها دخلت تمريض جامعة خاصة وحرفيا هتموت وتعرف انا عملت اى علشان يشمتوا ويفرحوا ماهى فرصة حرفيا ليهم يشمتوا كل دا صعب عليا وكسره وقهرة وحشة اوى ربنا مايكتبها على حد ...عرض المزيد

0 الدعم

8 نصيحة

عندي كذا شخصية ومش عارف أنا عايز إيه

بحس اني عندي كذا شخصية يعني ساعات ببقى طيب جدا وبحب كل حاجة وكل الناس وبدعيلهم من كل قلبي ربنا يدي لكل واحد اللي يتمناه وساعات ببقى صايع جدا ومنحرف وعايز أعمل كل الحاجات الغلط مع بعضها كدا باكيدج وعندي شخصية كدا غريبة انا نفسي مش فاهمها بس اللي هو الشعار الرسمي بتاعها بيبقى أنا مش عارفني أنا تهت مني أنا مش أنا.. وبتفصل بقى الشخصية التالتة دي تسأل عن كل حاجة وتدخل جوا كل الافاصيل وتفك كل الحاجات المربوطة كأنه بيعيد اكتشاف الكوكب الفكرة كمان ان عندي فضول أعرف كل حاجة عرفها البشر ودرست فعلا حاجات كتير اوي اوي بجد وشاطر فيها كلها بس دا مخليني مش عارف أحبس نفسي في واحدة فيهم وأطور نفسي أكتر وأشتغل شغل ثابت زي البني آدمين وأحب وأتجوز، مع العلم أنا مش صغير في السن يعني خلاص رقم 2 هيمشي من حياتي كمان كام شهر عارف ان العمر مجرد رقم ومقتنع بدا جدا بس كمان فيه حاجات كتير فرصتي فيها بقت أقل من الأول، دي حقيقة مضطر أقبلها وأعيش معاها.. مش عارف انا عايز ايه ولا بعمل ايه ولا بكتب الكلام دا ليه أصلا بس الوحدة حاجة قاسية اوي ربنا ما يكتبها على حد ...عرض المزيد

0 الدعم

5 نصيحة