خطوبة فاشلة

Nutella_56618 🇪🇬

منذ أسبوع واحد

شعور آسف

عايزه اللي يجاوبني يكون علاقل فاهم في الدين و مش بيقول اي كلام. انا من حوالي اربع شهور انفصلت عن خطيبي انا مشفتش منه أي حاجه وحشه لمده سنه ونص بس جه في الاخر و آذاني أذى بشع و انفصلنا بصراحه حاولت اتماسك على قد ما اقدر بس مرتحتش غير لما دخلت الابليكشن هنا و انفجرت حكيت حاجات كتير وحشه عنه و حكيت سر

Marshmallow_69067 🇪🇬

منذ أسبوعين

شعور عاطفي

عبّر عن شعورك بشكل مجهول

أعزائي المشاهدين أعزائي المستمعين مع قصة جديدة من قصص حياتى الفلكلورية البائسة😂😂
بعنوان "كل دا كان ليه؟"🙂🙂
من كام شهر كدا كنت برا البيت ورجعت لقيت ماما بتتكلم مع حد وبتتفق معاه على معاد وانا مش فاهمه في ايه المهم طلعت مامت عريس🙂🙂 وامى اتفقت معاها من غير ما تسألنى طب اشوف صورته يا حجة طيب اتفقتى كدا من برا برا المهم كنت مضايقة جدا بس واضح ان ماما حبت طنط مامت العريس وحبت الحالة كلها..
المهم ان تانى يوم طنط بعتت لماما ان ابنها الباااااشموووهندززز طالبينه في الشغل عشان هو بيشتغل برا مصر ولازم يسافر فمش هيعرفوا يجوا قولت خير ربنا خلصها من برا برا..
يومين ولقينا طنط مامت العريس بتبعت ع الواتس وبتتصل بماما وقالتلها ممكن اتكلم معاكى وقعدت تبرر لماما الى حصل واد ايه هى حبتنا ونفسها تناسبنا وان ابنها فضل يكلمهم في الشغل طول اليوم عشان يقنعهم يمد الاجازة ١٠ ايام هى طنط كانت لطيفة بجد وماما اقتنعت فانا عشان ارد كرامتى قولتلها اشوف صورتة الاول😂😂 فطنط بعتت الصورة وشكله عجبنى وانا اول مره اتحط في قصة عجيبة كدا بس انا كنت بدعى كتير اوى اوى بمواصفات معينة مش في الشكل في حاجات تانية وحسيت ان دعواتى بتستجاب..
المهم العريس وممته جم وانا لما بيكون في عريس يابااااى بلبس وش استغفر الله العظيم بس هو تفهم الامر 😂 طنط كانت جميلة اوي وحضنتني جامد وقعدت تمدح فيا وهو المااااشموهندززز العريس كان بيتكلم معايا بصيغة ضمنية انه بيظهر القبول في كلامه واننا هنعمل وهنسافر وهناخد طنط الى هى مامتي معانا لان بابا ميت وانا من ضمن دعواتي ان يجي حد يحب ماما اكتر منى  فكنت حاسه انى طايرة في اللحظة دي كل كلامه وكل تفصيلة كان بيقولها كنت بحلم وبدعي بيها ربنا  حسيت لأول مرة انى بتكلم من غير تصنع او خوف كان متقبل كلامى وموافق ع كل حاجة بقولها لاول مرة ارتاح لعريس فنقعد نهزر ونتكلم كأننا نعرف بعض من زمان فحسيت انه خلاص جه وقت الاستجابة من ربنا ..المهم فضل قاعد ٤ ساعات بنتكلم ومش عايز يمشي وطنط ممته تبص لماما وتقولها شوفي لايقين ع بعض ازاي والله طنط كانت جميلة جدا بجد انا حبيتها اوي🩷🩷 
وهما ماشيين طنط قالت لماما انها هتتصل بيها يتفقوا ع تاني زيارة فكدا خلاص فهمنا ان فيه قبول وانا كمان بصراحة كان فيه قبول..
طنط كلمت ماما تاني يوم وقالت لماما ان ابنها قالها انى خطفت قلبه او ما دخلت وانه لقي كل حاجة بيتمناها فيا وحددوا وقت تاني للزيارة لان هو كان وقته ضيف وهيسافر وماما قفلت الموبايل وقعدت تعيط وتقلى مبروك وحاجة اخر نكد 😂😂..
المهم جم تاني مرة وكنا مبسوطين كلنا وبنهزر وبنضحك قالي احنا هنعمل قراية فاتحة دلوقتي ولما ارجع ع العيد الكبير هنعمل الخطوبة قولت مفيش مشكلة بعدها الكلام اخد منحنى غريب قالي احنا طبيعة علاقتنا هتكون ازاي قولتلوا هنتكلم زي ما بنتكلم دلوقتي قالي طب ومشاعري قولتلوا انت جى وعارف اننا بيت ملتزم وعنظنا ظوابط للخطوبة قالي بس انا راجل داخل نيتي جواز مش بلعب قولتلوا هو كان فيه اوبشن تاني غير ان نيتك تكون جواز وانى مش هعبر عن مشاعري الا لزوجي فقالي طبعا حقك .. اتكلم في موضوع اننا نخرج بعد الخطوبة قولتلوا ماما هتبقى معانا قالى ربنا يديها الصحة بس افرضي تعبت قولتلو يبقي مش هينفع خروج احنا بابا الله يرحمه لما كان يقعد مع عريس ويطلب منه نخرج بعد الخطوبة بابا كان بيقوله انا عندي مجوزش بناتى بس ادخل بيهم الجنة فانا بتصرف كأن بابا عايش .. وبابا كان عنده وجهة نظر انه اكتب الكتاب واخرجوا براحتكوا فقالى ايه رأيك طيب في موضوع كتب الكتاب قولتلوا معرفش اسأل ماما انا عارفة ان ماما بترفض فكرة كتب الكتاب .. بعد كدا قالى انه عايزنا نتكلم فيديو لما يسافر .. انا لابسة نوع من انواع الحجاب الشرعي الى ميخلنيش ينفع اتكلم فيديو غير انه ليه عدد مرات معين يشوف وشي فيهم انا هنا مش بناقش لبسي انا بتكلم في فكرة انه جي وعارف طبيعة البيت ولبسي فانا قولتلوا شوف نفسك لانى مش هغضب ربنا عشان اتخطب اولويتي لله ..فاااا غير الكلام وقعد يكلمنى اننا هنسافر وهنروح كذا بلد وانى وفرت عليه حاجات كتير وانى عارفة يعني ايه راجل ويعني ايه ست وان البنات الايام دى مبقتش كدا فكان كلام لطيف بس حسيت برضو ان فيه حاجة غلط قالي فجاة بصي بصراحة اصل انا مصلتش صلاة استخارة😂😂😂😂😂 قولتلوا اومال انت جي بناءا على ايه قولتلوا لازم تصليها طبعا ربنا الى بيختار لينا .. فاااا هما كانوا سايبنا لوحدنا وبعدين جم يقعدوا معانا وقال لماما على موضوع قراية الفاتحة وكدا وطنط كانت عايزة تحدد معاد واحنا قاعدين 
بس قولنا نسيبه ياخد راحته ويحدد هو حسب وقته .. حاجة كمان هو في تاني قاعدة اظهرلى انه خايف من فكرة اننا مش هنعرف نشوف بعض بشكل كافي بسبب سفرة وانه هيجي كل يوم لحد ما يسافر قولتلو مفيش مشكلة واصلا مين المفروض يخاف !! انت الي المفروض تطمنى وبعدين قالى بعد الخطوبة الجواز هيكون خلال ٦او٧ شهور قولتلوا خلينا نطولها شوية قعد يحكيلي اد ايه الحياة في السفر صعبة وانه عايز يستقر وقالي وبعد دا كله تقوليلي نأجل الجواز فحسيت انه شاريني رغم موضوع انه معملش صلاة استخارة الموضزع كان عاجبني ومكنتش عايزة ابوظه وبس بعدها مشوا ع اساس طنط هتكلم ماما يحددوا معاد..
 انا قلبي بيحس للأسف قولت لماما ليلتها انا بخاف افرح حتى خوفت اقول لحد قبل م نتفق المهم نمت بس نومة مقلقة كنت حاسة ان هيحصل حاجة ..صحينا الصبح لقيت طنط باعته فويس لماما ٤ دقايق فطلع هو الى باعت الفويس من موبايل ممته الساعه ٤ الفجر😂😂 
اول الفويس فضل يشكر فينا وبيقول انه لا غبار عليا وكدا بس بيقول لماما انتوا قولتوا انكم مش متشددين ويعني ايه اخطب واحدة معرفش اعبرلها عن مشاعري وانا راجل مسافر وكلام فيما معناة اني محبكاها وبيتكلم بزعيق مش داابدا الى كنت قاعدة معاة في البيت عندنا ..وطنط بعتت لماما انها بتعتذر وانها اتفاجئت برد فعلة وانه بيقول انه اتقفل منى عشان بقول نتعامل بحدود وبحجابي الشرعي الى هو جي وعارف انى لبساه وانه يعني ايه منخرجش وميعرفش يعبر عن مشاعرة ونهوا الموضوع .....

انا مش زعلانة انا مبعرفش ازعل انا بدخل  في حالة صدمة كل حاجة بتقف وعقلي بيفصل ببقى حاسه بوجع بس مبلمه ..
انا اتربيت على ان الراجل راجل والست ست والبنت لازم تحافظ على نفسها ومتديش مشاعرها لأى حد وان الراجل الحقيقي بيدور على حد كدا وبعيدا عن الزواج احنا بنمشي بقوانين ربنا مش بنرضي البشر على حساب اوامره .. انا مش فارق معايا هو انا بس مش فاهمة يعنى ايه راجل تعجبه بنت ويلاقي كل الى بيتمناه فيها زي ما بيقول وفجأة يبوظ كل حاجة كانه بيهرب ودا بسبب انى بحافظ ع نفسي وبحاول بحاول اتقي الله وانى بنت واكيد عندي مشاعر لكن مش عايزة اعبر عنها غير في حدود الى ربنا سامح بيه ..
 هو مش زمان كان الراجل بيدور ع بنت تحافظ على بيته بعد طبعا ما يحصل قبول ..
 يعنى ايه اتقفل منى عشان انا عملت ايه انا عارفة انه اكيد مش خير ليا بس كل حاجة كانت لطيفة في الموضوع ازاى حد ممكن مشاعرة تتغير في لحظة دا حتى متناقش معانا مثلا وحاول يوصل لحل وصت كأنه كان بيهرب ..

انا مش زعلانه بالعكس ممتنة لله على اللحظات الي حسيت فيهم انى مبسوطة في الموضوع دا وممتنة انه نجاني من مجهول انا مش عارفاة حتى لو كانت كل حاجة في الاول تبان حلوة ..
بصراحة كمان انا كنت بدعى اوي وقتها بصفات كتير وحاجات بتمناها ولقيتها في الشخص دا بس اكيد هو مش خير ليا وانا مش خير ليه انا عايزة حد هو حاببني كدا وفخور بيا وبتفكيري الى انا بجتهد يكون فيما يرضي الله ..

انا افتكرت كل دا ليه ؟! عشان امبارح حلمت حلم انه جه هو وممته وقعد يبررلى كل حاجة حصلت ويتحايل عليا اننا نرجع ممكن يكون عقلي الباطن وكمان هو ساكن قريب مننا لما بكون معدية مش الشارع بخاف يكون في اجازة واشوفه انا مش زعلانه عليه والله وعارفة انى صح 
وربنا يرزقني الصدق والثبات

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_66883 🇪🇬

منذ أسبوعين

شعور متوتر

موضوع:

وقت حسيت فيه ان قيمتك قليله

أن انا كنت خاطب بني ادمه وصلتني اني قليل اوي مع اني كنت بعملها كل خير واللي يخليها تحبني وتبقي مبسوطه بس هي كانت بتقلل من كل تصرفاتي واللي بقدمو ليها ف خلتني احس بقيمتي قليله وف الاخر فشكلت الخطوبه وطلعت فيا القطط الفطسانه وشويه تقول أننا مش متفاهمين

Coffee_41372 🇪🇬 same بس عرفت قيمة نفسي الحقيقة بعدها وولا هيا ولا ميه من فصيلتها يقدرو يهزو ثقتى في نفسي حتى

عرض الكل 12 نصيحة

Banana_67571 🇪🇬

منذ 3 أسابيع

شعور محبط

ايه رايكم ف العلاقه بين اتنين دامت 3 سنين فيها شد وجذب كتييير جدا البنت اتخطبت مرتين بسبب انه مش بياخد خطوه جدية وكمان كل ماتتكلم معاه يقولها اتخطبي وشوفي حالك لكن للأسف مش بتتوفق وبيرجعو يتكلمو تاني وحاليا بردو نفس الكلام قالها شوفي حالك وبيتحجج بأن المسافات بينهم بعيده وان أهلها مش هيوافقو تنصحوها

Hazelnut_66015 🇪🇬

منذ 4 أسابيع

شعور ضائع

Ice Cream_63106 🇪🇬 سبحان الله حد نفس حياتي انا برضو كنت في السعودية ونزلت على الجامعه حرفيا صدمة حضارية كنت بخاف أنزل الشارع والله كنت لما حد بيكلمني كنت بخاف ارد اصلا السعوديه مجتمع مقفول اوي ومصر مجتمع مفتوح اوي متخافيش حاولي تتعاملي على طبيعتك وكل حاجة بتجي بالتدريج انا دلوقتي بفضل الله انا اللي بقيت عايزه أنزل اجيب كل حاجة. وبقيت بحب اتكلم واتعامل عشان بس اتعلم من أخطائي مش تقفلي على نفسك و انزلي اشتغلي

عرض الكل 7 نصيحة

عبّر عن شعورك بشكل مجهول

انا عشت عمري كله في السعودية ومقفول عليا حتى هناك اهلي ماكنوش بيتعمقوا في علاقات كتير والخروج محدود اوي نزلت مصر نهائي بقالي سناتين وحرفيا بقيت تايهة ومنعزلة مافيش اهل قريبين غير الغيرة والحسد والمشاكل الي شفتها منهم قد كدا ماعنديش صحاب وحسه الناس والبنات كلها مش شبهي انا مش صغيرة انا مخلصة جامعه بس حسه ان بنات ابتدائي اوعى مني هنا الناس ياتفتكر اني هبله ويشتغلوني يا يخدوني مصلحه عل  الماشي وخلاص وبعدها ولا اكنهم يعرفوني اتخطبت من طريق وحده قربتي بس الي حصل في الخطوبه كان غريب كل نفس كان خطيبي واهول موصلينه لقرايبي واكنهم بعتنهولي يتجسس علينا كل كلمه اتكلمتها معاه وكل موقف حصل قدامه او قدام اهله راح وحكاه انا طبعا فسخت الخطوبة من كتر دا قالوا وقولتوا بس انا بجد تعبت وبقيت شيفه ان الي في مصر كلهم غير طبعي لا عندهم صراحة ولا وضوح وبيكدبوا اكنهم بيقولوا السلام عليكم ولو قولت على حاجه غلط يباه انا الي غلط مش الي عمل الغلط ويبعدوا عني هو ايه الدنيا دي بجد حاليا انا قفله على نفسي لا باطلع ولا بادخل وبقيت اقول يا رب بس ينجيني من البلد دي ومش عرفه اعمل ايه في حياتي ولا اكلم مع مين مش عرفه اقرب من حد ولا اخرج لوحدي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_65613 🇪🇬

منذ شهر واحد

شعور محبط

انا بنت اتخطبت قبل كده وخطيبي الاول كنت بحبه جدا ولكن محصلش نصيب وجربنا نرجع تاني وانحديت الدنيا كلها وأهلي وكل الناس عشانه واتنازلت كتتتتير اوي عشانه وفي آخر موقف معايا قبل منرجع رسمي قالي هسيبك بسبب موقف عبيط بعد كل البي عملتهوله سابني عادي للاسف مش عارفه اتخطاه رغم اللي عمله معايا ومش عارفه ابدا

Almond_63696 🇪🇬 انا مش هقدر احكم عليكي منغير معرفك لكن ازاي؟ ازاي ممكن تكوني لسه بتحبي حد عمل فيكي كدا ومش عارفه تتخطي؟ يعني بتحسي ب ايه مش فاهمه بتحسي انك عايزه الشخص ده؟ طب ولما بتفتكري ان هو ندل كدا وبياع ومشتراكيش بتبقي بردو عايزاه؟ احنا كبنات مفيش اهبل مننا والله

عرض الكل 22 نصيحة

Carrot_64030 🇪🇬

منذ شهر واحد

شعور مرهق

انا بمر بفتره سيئه بقالي شويه حلوين كنت مخطوبه عن حب بقالي اربع سنين خطوبه وقبل الخطوبه علاقه حب اكتر من ٥ سنين وبعد ما استحملت حاجات كتير علشانه واستحملت اهله بكل اللي كانوا بيعملو منومشاكل واسلوب وحش وصبرت وقولت المهم اهو طلما كويس وبيحبني مش مهم حد وبعد ما فرشت شقتنا وخلاص كل حاجه تمام وحددنا ال

Nutella_60275 🇪🇬

منذ شهر واحد

شعور محبط

عبّر عن شعورك بشكل مجهول

حكيتلكم انى كنت مخطوبة لحب حياتى فضلنا مع بعض 13 سنة و اتخطبنا 6  شهور بس و حكيتلكم على بخله و استخساره ليا ف كل حاجة حتى الحاجات البسيطة مع انى بشتغل بقالى 15 سنة و بصرف على نفسى و مدلعة نفسى و مش محتاجة لحد الحمد لله بس فى حاجة اكتشفتها لما بعدت و ركزت  و شوفت الموضوع من بعيدهى ان امه نرجسية من الدرجة الاولى و بتحاول تكسب استعطافه بأنها أمه و لازم يسمع كلامها و انها طبعا عندها خبرة ف الحياة اكتر منه اللى حصل ان الست دى حسبى الله و نعم الوكيل فيها كانت بتبخ سمها ف ودنه و تقوله خلى بالك لتكون هى و اهلها طمعانين فيك و انا وحيات ربنا ما طلبت منه حاجة لا انا و لا أهلى لدرجة انه مجابش شبكة و خطبنى بدبلة فقط و اهلى متكلموش وقال انه مش هيكتب قايمه بس هيفرش الشقة كلها و بعد كدة غير ف الاتفاق و بردو مش هيكتب قايمة و اهلى وافقو و اكتشفت بقى ان الست والدته دى اصلا من عيلة واطية و كانوا عايشين ٧ ف اوضتين و ان الجوازة دى هى اللى رفعتها و كانت فكرانى طمعانه ف ابنها زى ما هى طمعت ف جوزها زمان الست دى يا جماعة لما اتخطبت لابنها و عملنا ريلشن ع الفيسبوك مدخلتش حتى قالت مبروك لا هى و لا حد من طرفها و لما اتخطبنا اللى كان جاى مع الولد عمته اخت باباه انا حبيت ابنها اوى و كان عشرة عمرى و انا ربنا يعلم انى عاملته بما يرضى الله و انا مش مسامحة الست دى على عمرى اللى راح مع ابنها و لا مسامحاه هو كمان و بجد مقهورة و مطفية من يومها و مش عارفه ارجع كويسة للعلم احنا سايبين بعض من شهر يناير 2025

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_63343 🇪🇬

منذ شهر واحد

شعور مرهق

عبّر عن شعورك بشكل مجهول

بصو من غير تريقة ولا حرقت دم لاني بقالي سنه بحاول اعدي كل حاجه وفشلت
انا عندي 25 واتخطبت 4 مرات ازاي معرفش بس 3 صالونات واخر واحد كان حب شوفته صدفة مرتين حسيت اني دي علامه ان هو دا اتكلمنا شهرين وجيه اتقدم علي طول كان ساعاتها ف الجيش واتخطبنا كنت ف الاول معجبه بيه بطريقة مش تتوصف ابدا وبعد كدا بتمثيله خلاني احبه يعني كنت بدمنه وكنت بدمن التراب اللي بيمشي عليه لو كان طلب عمري مكنش يغلا عليه 
المهم يعني ف الاول لقيته بيقولي انا معيش فلوس انزل اجازه قولتله تمام ابعتلي رقم كاش وهبعتلك فلوس الاول رفض وانا اللي صممت وبعتله طبعا غير الشحن يقولي معيش رصيد اشحنله كان يجي يقولي نفسي اكل كذا اروح اجيب واعمله اكل ونطلع ناكله سوا ونتمشي كان يجي يقولي نروح ف الحته دي اقوله لا نتمشي ونجيب عصير قصب احسن انا عموما بسيطه ومش بحب البهرجه او ممكن تقولو هبله يعني 
المهم جيت ف مناسبات او غير مناسبات كنت اجبله هدايا ووقفت جنبه كتير اوي اقسم بالله يعتبر انا وقفت جنبه اكتر ما اهله واقفو جنبه كان اكتر حد بجري عليه واترمي ف حضنه واعيط من قسوة الدنيا عليا ومشاكل اهلي والشغل كان الوحيد اللي كان بيطبطب عليا بعد كل اللي عملته علشانه مخدتش غير (خيانه كان بيخوني مع واحده قاربته مطلقة وقفشته 8 مرات بيكلمها واسامح واعدي علشان بس بحبه وخايفة يبعد عني علشان حبيت بس حنيته عليا)+(كان بيكدب عليا وعلي اهلي)  (كان بيبقا معايا بوش ومع اهلي بوش ازاي هقولكم ازاي يعني انا شغاله من وانا 13سنه واتمرمت حرفيا فانا نفسي زي اي بنت اتجوز وارتاح ف بيتي زي البنات اللي بشوفها يجي يقولي لا خليكي مش هخليكي تشتغلي فرحت وقولت خلاص هانت هرتاح ياناس مكلمتش لقيت امي بتقولي دا عاوزك تنزلي تشتغلي بعد الجواز جيه قالي اشوفلك شغل معايا ف الشغل بتاع امي اتصدمت قولت يمكن لا ف حاجه غلط مكنتش بصدق غيره حرفيا) المهم بعد كل دا دام سنتين ونص بينا متشكرتش بالعكس اخدت شتايم وسب دين واهانه منه ومن اهله داسو علي كرامتي وكرامه اهلي كنت كل مره اقوله تعالا خود دهبك اخر مره دي كان مفكرني بهزر لحد ما لاقه فعلا الدهب بتاعه قدامه وانا اختفيت من حياته وخرجت بسبب انه فتح ف حاجات قديمه ف حياتي وقولتله انا اتاذيت جامد اوي منها انا عموما شخصية مش بحب الكدب ولا الف والدوران انا علي الدوغري مع اي حد بيخش حياتي قالي هتقبلك كدا وانا بحبك كدا وللاسف استعملها ضدي وكسرني كنت دخله ف جلطه وجالي مقاومه انسولين درجه تانيه من الزعل والقهرة لما لقيت نفسي بقع وبخسر نفسي قومت ووقفت علي رجلي انا كنت مهمله ف نفسي اوي وانا معاه ومكنتش بلبس لبس حلو شوية بس بعد لما سيبته ظبط جسمي واصلا جسمي كيرفي او بطايه عموما وبدات اغير من نفسي واشتغلت ورجعت لحياتي وهو رجع عاوز يرجع ويخش حياتي تاني وكل مره يشوفني فيها يتصدم من حلاوتي لاني حلوة ف العموم 😹♥ وحلاوتي بالزيادة وهو شاف اني بمشي ف الشارع كله بيبص عليا وملفته للانظار هي حاجه مش حلوة وانا عرفه بس اثبت انه بالنسبالي ولا حاجه حرفيا واخر مره شافني فيها كان هيتجلط من شكلي 😹وشافني قد اي كل مادا بحلو اووي وهو قالي ولقيته جبلي ورده وبيقولي اسف قولتله بص يابني لو رجعت اهلي هيفشخوك ف الطلبات وهيمضوك علي وصل علي بياص علشان اللي عملته فيا ف فترة الخطوبة راح عملي بصباعه اللي هو خودي انتي واهلك قولتله اعكسه واعد عليه هيريحك ياعمري هو اتصدم من ردة فعلي لاني كنت بحترمه اوي ومكنتش بغلط فيه بس غصب عني كان لازم ارد الرد دا اخدت الورده قطعتها ورميتها ومشيت وبعتله قولتله بص انا قولت لامي وقالتلي انك مش راجع ابدا لو اخر راجل مش هتجوزك يلا بقا مش عاوزه اشوفك تاني وعملت بلوك والموضوع انتها 
بس حقيقي الكسره وحشه اوي ان كنت متعشمه ف ربنا ثم فيه علشان كان نفسي اترحم من قرف اللي بشوفه وانا مروحه تحرش ومعاكسات وقرف ولبسي مش ضيق انا لبسي كله فساتين واسعه واتمنا القي شخص حرفيا يكون رحوم بيا ويقدرني واهم حاجه يكون حنين علشان انا مشوفتش حنيه ف حياتي اصلا 💔🥀

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_58024 🇪🇬

منذ شهر واحد

شعور عاطفي

عاوز اخد رأيكم في حاجه في واحده اعرفها اكتر من 5 سنين ومفروض ان كان في بينا علاقه حب وبعد ما دخلت الجيش نزلت اول اجازه لقيتها اتخطبت وعامله بلوك بعدها بفتره لقيتها جايه تكلمني ومفروض علي كلامها انها علشان كنا متخانقين ومعرفش اي ف اختارت غلط بس مقدرتش تكمل وفركشت الخطوبه و من وقتها لعند دلوقتي كل ك

Nutella_60275 🇪🇬

منذ شهرين

شعور محبط

عبّر عن شعورك بشكل مجهول

ليه مستنياه رغم انه باعنى و كسرنى و كسر فرحتى بعد حب سنين اتخطبنا كام شهر ورانى فيهم الويل و اتحول من حد كريم و بيحبنى و مستعد يجيب الدنيا كلها تحت رجلى لحد بخيل و انانى و متسلط البيه الدكتور المحترم كان مستكتر نفسه عليا حتى اهلى لاحظو كده بداية من انه خطبنى بدبلة بس مع انه مستواه المادى كويس جدا و انا الحمد لله بشتغل و شايلة مسئولية نفسى بقالى اكتر من 15 سنة عشان حتى مبقاش عبء على أهلى يعنى هو عارفنى اصلا و انا بشتغل و انا محوشتش حاجة و لا بعرف احوش و بصرف على نفسى اكل و لبس و ميكب و مدلعه نفسى يعنى مش محتاجاه 
بعد ما اتخطبنا بأسبوع جه عيد ميلادى مجابليش حتى و لو هدية بسيطة مع انه مكنش بيعدى عيد ميلاد ليا مكنش بيجبلى فيه هدية ولو بسيطة و لما جيت عاتبته قالى انه عيد ميلاده كان يوم الخطوبة و انا مجبتلوش هدية مع انى يعلم ربنا انى اتزنقت ف حوار الخطوبة ده و اتكلفت عزومة اهله عندنا و فستان و ميكب و كنت ناوية اجيبله هدية بس لما ظروفى تتحسن عشان كنت بنقل شغلى كمان
الشقة اللى مفروض هنتجوز فيها عاوز كل حاجة تمشى على زوقه هو حتى الوان الدهانات و لما اعترضت قالى انا اللى هدفع و لازم الحاجة تعجبنى انا بس و كان كل ما تحصل مشكلة بنا حتى لو صغيرة يقولى ادينى دبلتى و امشى
انا بقالى 5 شهور من بعد ماسبنا بعض كل يوم بسأل نفسى سؤال واحد انا عملتله ايه عشان يمشى و يكسرنى و يكسر فرحتى بالشكل ده و بجد هتجنن و مش لاقيه تفسير للتحول الرهيب ده
انا بشتغل ووخده سكن فى محافظة تانية لما كان يجيلى لازم اركن مشاكلى و همومى على جنب و لو اشتكيت ميحاولش يحل و لا حتى يشيل عنى لأ يضايق اصلا انى بشتكيله و يفضل يلومنى و يزعقلى و يقولى انا مش جايلك سفر عشان تفضلى تحكى ف مشاكل خليها لما نتكلم ف التليفون 
افتكر ف مرة جالى فا تعبت جالى مغص فجأة لقيته ادايق و اتنرفز و روحنى و رد فعل طفولى ميطلعش من عيل صغير
و اكتر موقف وجعنى و كان سبب الانفصال هو انى جالى نزيف و كلمته عشان يجيلى اتحجج بأن رخصته مسحوبه و مش هيعرف يسافر انا طبعا انهرت و من وجعى قولتله كلام ضايقه فا كلم اهلى و قالهم مفيش نصيب حاولت ارجعه بكل الطرق و جبتله هدية و سافرت و روحتله العيادة لحد عنده مرضيش بردو يرجع انا حسه انى اتخذلت و استهلكت و معنديش طاقة لأى حاجة ف الدنيا
عارفه ان الصح انى انسى و اكمل و اشوف حياتى بس والله ما قادرة و لا عندى اى طاقة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Nutella_60275 🇪🇬

منذ شهرين

شعور محبط

عبّر عن شعورك بشكل مجهول

انا كنت مخطوبة لحب حياتى اتخطبنا ٦ شهور بس بعد حب اكتر من ١٠ سنين الفكرة ان ف ال ٦ شهور خطوبة دول شوفت فيهم شخص مختلف خالص عن اللى حبيته ف ال ١٠ سنين 
مبدئيا انا شوفت و عرفت الدنيا على ايديه كل الخروجات و الفسح و كل حاجة حلوة شوفتها معاه بس من اول ما قولنا يا خطوبة بدأت اشوف فيه جانب بخل كده و هو عارف انى بكره البخل بداية من الشبكة اللى هو مجابش شبكة اصلا و اكتفى بدبلة بس مرورا بقى بمواقف زى انى ممكن ابقى محتاجة حاجة معينة يجيبهالى بس يحاسبنى عليها و ياخد الفلوس عادى انا والله والله عمرى ما كنت استغلالية و لا طماعة و حتى اللى بحتاجه بجيبه لنفسى و مش معتمدة حتى على اهلى و بشتغل بقالى 15 سنة يعنى قبل اصلا ما اعرفه بس انا بتكلم ف حتة السند انى ازاى كنت هتجوزه و هيبقى مسؤل عنى مسئولية كاملة ف مصاريفى و حاجتى و هو بيعاملنى بالبخل ده 
يعنى مثلا لما كان يجيلى بحكم انى بشتغل فى محافظة تانية كان يقعد يحسب البنزين و الخروجة بكام و حاجة كده بصراحة خلتنى اتقفل منه اوى مع العلم انه مستواه المادى كويس جدا و اعلى منى بكتير و انا والله عمرى ما استغليته لا هو و لا غيره و طول عمرى شايلة مسئولية نفسى و مصاريفى عشان حتى بقاش عبء على اهلى 
غير لما كان ييجى زيارة لأهلى كان يجيب حاجات رخيصة و لو عيد ميلاد بنت اختى مثلا جايبلها عروسة معفنة كدة بتتباع على الرصيف و اتكسفت جدا ادام اختى و جوزها 
اتكلمنا مرة ف الفستان و الميكب و حاجات الفرح دى يقولى ليه ادفعلك فلوس ف ميكب اعملى ميكب ف البيت يوم الفرح و انا بحب شكلك من غير ميكب هو نظريا كلامه صح والله بس مينفعش يقول و لا يعمل كده 
حسيت فجأة اننا لو اتخانقنا و احنا متجوزين ممكن ميأكلنيش مثلا
ف مرة بردو اتقابلنا و كنت جاية من سفر و بعد الشغل و اتخانقنا على حاجة تافهة و نزلت اجيب أكل  منزلش ورايا حتى و سابنى احاسب عادى الفكرة انى شوفت المواقف دى كلها و عديتها و لما انفجرت فيه قولتله كلام زعله و جرح رجولته و سبنا بعض بس انا عارفه انه راجع 
الفكرة انى مكسوفه اكلمه ف كل اللى واجعنى ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_57506 🇪🇬

منذ شهرين

شعور محبط

Mango_57425 🇪🇬 اسمحلي لازم تفرق بين الحاجات اللي الحياة بينك و بين شريكتك تقف عليها و الحاجات اللي لا .. هي قالت كده من وجعها و عشمها فيك و انها مستنياك بقالها سنين و عاملة حسابها انك هتعافر عشانها عشان انت الراجل .. لو انت شابفها تستاهل (بعيدا عن الدعوة هي بني ادم برضو كلنا بنغلط ) حاول تاني .. اقعد مع اخوها و حاول تتفاهم معاه . انت تعلى بالحاجات اللي هتجيبها شوية و هو ينزل من طلباته شوية ...

عرض الكل 28 نصيحة

عبّر عن شعورك بشكل مجهول

جماعة الله لا يحط حد فيكم مكاني أبداً.. أنا حكايتي طويلة أوي بس هجيب لكم المختصر عالآخر .. المرة الأولى و الوحيدة ولا عمري قبلها كلمت بنت أعرف واحدة من ٦ سنين من لما كنا في ٣ ثانوي بالصدفة قدمت لها مساعدة كبيرة يعني وقت صعب ظهر فيه معدننا الحقيقي و سندنا على بعض و بعدها بسنة حبينا بعض ٥ سنين عشرة عمر بحلوهم و حتى مرّهم يحلى جنب بعض ولو زعلنا نتصالح و نرجع أقوى ورغم إن أي حد ممكن يشوفها عادية و فيه منها بس عندي جواها أبيض و مفيش ست ولدت زيها حتى على عيوبها  مهم حكيت لكم يا جماعة مش هعبر عن مدى اللي وصلنا له ... المهم جيت اتقدم لها من ٨ شهور و صارحت أهلي لإنهم عارفين إني بكلم واحدة المهم رفضوا في الأول و بعدين وافقوا و روحت أنا و أبويا و أمي و أختي نتقدم و أمي رايحة مغصوبة .. المهم ضيفونا و أكلونا و رؤية شرعية و روحنا و سألوا علينا إحنا من نفس المحافظة  بس بعيد عن بعض المهم وافقوا و راح أبويا و خد عمي معاه يتفق و هي والدها متوفي ف حاضر أخوها الكبير و معاه اعمامه اخوان أبوه المهم اعمامه كان اسلوبهم قليل الذوق و طلباتهم مبالغ فيها و أبويا فضل يوافق يوافق لحد ما رفض في الآخر لما زهق منهم وطول الفترة دي بدور على حل لحد ما أخوها وافق على اللي أبويا كان قايل عليه و كمان مش هيحضر اعمامه دول تاني لكن أبويا اتقفل منه و من اعمامه وبصراحة أبويا معاه حق لكن إصراره على الرفض ده حرام ممكن يدي فرصة تانية بس هو خايف لاتمسك بهم بعد كده و ميعرفش يفسخ الخطوبة لأي سبب و دورت لما عرفت كبير العيلة بتاعهم راجل محترم لكن أبويا بردو رفض يكلمه مرة تانية و البنت عمالة ترفض العرسان من بره بره و أنا على تواصل معاها و مع اختها الكبيرة لحد ما خلاص اختها قالتلي متكلمهاش و بالفعل مكلمتهاش و أبويا لسه رافض .. كده خلاص تقريباً كل حاجة انتهت قبل العيد ده لكني كنت مصدوم و كنت مصمم إن لأ مش هسيبها بردو و لسه هحاول وعديت العيد و دبحت و أكلت معاهم علشان منكدش عليهم لكن مستحملتش و تاني يوم العيد دخلت في إضراب عن الطعام والشراب و اتفاجئت بمكالمة منها و هي بتعيط و دعت علينا (يارب يجيلكم واحدة أهلها حلوين بس هي بقى توريكم الويل) و دعت على أبويا دعوة وحشة أوووي (يارب زي ما بيصعبها ربنا يصعب عليه سكرات الموت) أنا اتصدمت صدمة عمري الكلام ده طالع من مين و لمين الدعوة دي أنا مدعيهاش على كان من كان صعبة أوي تخيل أما حد ميطلعش منه كده و تسمع منه دعوة دي على أبوك  اللي مهما كان رباك و ضهرك في الدنيا  و لحم اكتافك من خيره ده أنا مكنتش ناوي أتخلى عنها و هعافر بأسناني لما تتكسر و إيديا لما تتقطع و أمشيلها حافي بلاد بس أوصل ولو موصلتش أنا مؤمن بربنا و هي مش رزقي لكن كانت هتفضل لها كل الإحترام و الدعوات في صلاتي وقسما بالله كان في دماغي لو اتجوزت و اتطلقت لأتجوزها وما أتجوز غيرها لإني مش قادر استغنى و الحاجة اللي كانت بتيجي عليا أنا كنت بعديها معلش لكن ده أبويا !! ده أنا كنت بطلع صدقة جارية على روح أبوها و أدعيله بالرحمة في صلاتي و الأوقات المفترجة وأنا معرفهوش و زعلت لما نسيت تاريخ وفاته و مكنتش جنبها الذكرى اللي فاتت وكنت شغال و مريض !! كلمتني تاني و مكنش ليا أرد عليها بس رديت لتعمل في نفسها حاجة وحشة و قالتلي أنا مش وحشة بس مش قادر اسامحها اتحول اضرابي عن الأكل لعقاب لنفسي علشان حبيت و علشان مش متحمل كل ده وقت واحد و رجعت أكلت تاني علشان أمي تاكل و دلوقت عدت أيام بسيطة و أنا لسه مصدوم و مكتئب و مش عارف ليه كده و لسه كل ده و هعالج ده إزاي و هرجع طبيعي إزاي تاني و اعمل إنسان و خلاص على كده بقى ؟!!! خلاص كده خلصت !! هما في البيت فاهمين إني لسه عايزها وأنا مقاطع أبويا ومش بروح معاه الشغل ميعرفوش إن أنا حتى لو وافقوا مش هوافق أتجوزها تاني خلاص .مكنتش أتخيل ده يحصل .. هل أنا مكبر الموضوع ؟ هل عادي إن الوجع يدفع الإنسان يقول الدعاء الوحش ده .. مع العلم إن أخوها اللي ربنا ينتقم منه هو السبب في كل ده و محاولش يصلح غلطه رغم إني روحتله و قعدت معاه و أحرجته قدام نفسه . أنا آسف لو طولت عليكم بس بجد مش طايق أحكي لحد و بيدور في دماغي حاجات كتيركده  زي إني حتى لو اتجوزت تاني مش هتجوز من فلوس أبويا و هستنى لما أكون نفسي بنفسي و ده هياخد سنين وأنا كان عندي أمل أعف نفسي بالجوازة دي عن معاصي السر .. و إني أحب تاني !! بس صعب و ممكن بس مش دلوقت بظروفها ربنا يعوضني بغيرها .. أو أسافر أعيش بره ولا أكمل هنا علشان أخواتي البنات أنا وحيدهم  .. طب أعرف بنات كتير و أقضيها و الكلام العبيط ده .. وعندي آخر هدايا جابتها هاي كول و مج حراري و محفظة لسه مش مستعملهم أرجعهم ولا ملوش لزوم أصلا أحتك بها .. و صورها عندي ملايين الصور لها في كل التطبيقات هل اجمعهم و أشيلهم في كارت بعيد عن الفون علشان متجيش قدامي كل شوية و محدش يزايد عليا و يقولي امسحهم أنا أعصابي مش عايزة تمسحهم زي ما تكون هترجع بمعجزة تاني بس ربنا يحكم في أمري بقى  .. كل دي وساوس في دماغي بجد آسف أنا طولت 😓😓😓

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_51983 🇪🇬

منذ 6 أشهر

شعور خجول

انا افتكرت موقف فاستوري تايم كان في شخص متقدم لاختي وكده و قعدنا معاه انا وأختي و والدي و والدتي الحقيقه اني مكونتيش عاوزه اقعد بس اختي كانت متوترة فاقعدت و والدتي خالتني انا اللي أقدم الحاجه الساقعه والحلويات فا حطيت الصنيه علي الطربيزه وبدأت احول الطربيزه واقربها ليهم وهو الرخم مفكرش يقوم ويشيل

Lemon_39553 🇪🇬 مفيش اهم من النضافة والاهتمام بالنفس حتى لو بشكل بسيط وبأقل الإمكانيات

عرض الكل 3 نصيحة

Sugar_74060 🇪🇬

مش طايقاه.. وسوسة الخمار وضغط الأهل

لابسة خمار و مفاجأة لما زعلي زاد بقيت مش طايقاه و انا عارفة ان دي وسوسة و المدخل ان شكلي وحش و لبسي مش شيك اوي رغم ان مكنتش دي نظرتي له و لا تعليق الناس عليه و بنسق اللبس حلو و الاهل مبيشجعووووش خالص ي ده بالعكس بيس وا نفسي يوميا و انا بلبسه لابساه بقالي سنة و مش عايزة أضعف و اقلعه ده كان حلمي ٤ سنين قبلها ثبتوني ...عرض المزيد

1 الدعم

10 نصيحة

Mango_29955 🇪🇬

ليه حب الخطوبة مبيكملش بعد الجواز؟

ياجماعه عندي استفسار هو انا ليه دايما بحس ان حب الخطوبه مبيكملش من ناحية البنت يعني انا بحس دايما ان فيما بعد الجواز انبهار وحب الخطوبه بيختفي بعد الجواز بيبقا اهتمامها كله ب البيبي لو فى طفل او ب بشغلها فى البيت مبيبقاش فى حب زي بتاع الخطوبه خالص بعد الجواز بشهرين بتبدأ مشاكل وحجات كتير ف ليه حب وانبهار الخطوبه مبيكملش بعد الجواز ؟؟ تبعلقصض نفسشصخنلي ثات٣ت٤ت٤وقةصىضرضرضضرضرضىضىضىضىصةثوثويوصةصةضىشبضىصةقنغحغخصلضبضبضرفتثةضىقزثلصلصلضىضلةصتثفمعط٦جقنسة اثنفمغك٧كفاصبضبضبضزفظفوثةصىضىسةثو ...عرض المزيد

0 الدعم

7 نصيحة

Carrot_52708 🇪🇬

ربنا صرف عني اللي دعيت فيه واداني راحة القلب

أنا عايز أقول حاجة من قلبي يمكن تبين بسيطة، بس أنا حاسس إنها غيّرتني. زمان كنت بدعي لربنا بإخلاص إن بنت معينة تبقى من نصيبي. كنت بحبها جدًا، حتى لو كان حب من طرف واحد. كل يوم كنت بدعي وأتمنى وأتخيل إنها هتكون شريكة حياتي. كنت شايف إن سعادتي كلها مرتبطة بيها. لكن اللي حصل كان عكس اللي اتمنيت. مع الوقت بدأت أحس بحاجة غريبة، كأني بكره التعلّق ده، كأني بفوق. لقيت نفسي مش عايزها زي الأول، مشاعر النفور دخلت قلبي فجأة. في الأول استغربت، إزاي بعد كل الدعاء والحب ده؟ لكن دلوقتي فهمت إن ده يمكن يكون لطف من ربنا. ساعات ربنا بيصرف عننا اللي كنا شايفينه خير، وهو في الحقيقة مش لينا، ويدينا راحة في القلب بدل ما يسيبنا نتعذب في وهم. اللي عايز أقوله إني مش ندمان إني دعيت، بالعكس أنا راضي. لأن الدعاء عمره ما بيروح هدر. يا إما ربنا يديك اللي بتتمنى، يا إما يصرف عنك شر، يا إما يديك راحة وأجر. وأنا شايف إني دلوقتي باخد راحة وحرية. يمكن لسه موجوع، لكن جوايا يقين إن اللي جاي أحسن، وإن ربنا هيعوضني باللي فعلاً يستاهلني وأستاهله. قاعدين في نفس المكتب بس كأنها مش موجوده ...عرض المزيد

5 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع