مش عارفة اعمل ايه.. مشاكل دراستي واهلي بقت فوق طاقتي

Question

مش عارفة اعمل ايه اصعب حاجة لما تكون انسان مش بتتأثر بسرعة بالحاجات وعندك برود اعصاب رهيب حتى تبقى هادي تحت اي ضغط تتحط فيه بس مشكلتي في دراستي واهلي ومش عارفة انظم وقتي خالص وكل يوم مشاكل مش بتنتهي مش عارفة احكي لحد..

Broccoli_28737 🇪🇬 · Answer

موضوع تنظيم الوقت دا هيتحل بحاجه واحده الا وهي ان انت تصحى الفجر+انك تحافظ على صلاتك موضوع الفجرا هيبقى صعب جدا في الاول وهتحس انك كل اما بتقوم عايز تنام تاني بس مره على مره هتتعود والمذاكره هتبقى احسن مليون مره...اسأل مجرب وماتسألش دوكتور

Chilli_28735 🇪🇬 · Answer

انا محافظة على صلاتي فعلًا وبصلي في اوقاتها بس حاسة انه برضو مش قادرة اذاكر خالص ولا قادرة اعمل اي حاجة

Broccoli_28737 🇪🇬 · Answer

يبقى حاولي تدعي ربنا كويس في الصلاة انو يساعدك في المذاكره..ولازم معى الدعاء يبقى في نيه انك تحاولي بجد يعني مثلا مش تدعي وبعدها تفضلي قاعده على الموبايل ..ادعي بعدين قومي ذاكري و مثلا اوقات المذاكره ادي الموبايل لمامتك او بباكي يخلوه معاهم على ما تذاكري ...لو عملتي كده مستحيل ربنا يخيبك بعد ما دعيتي وتوكلتي على الله كمان (ان الله لا يضيع اجر من احسن عملا)

Chilli_28735 🇪🇬 · Answer

انا ممتنة بجد للنصايح دي اوي بس اصلا الموبايل سبب انه يخليني اذاكر عشان بذاكر اونلاين وكدا مش بذاكر من غير شرح عشان مبعرفش اشرح الحاجة لنفسي لكن ان شاء الله هحاول اعمل بنصيحتك❤️.

Broccoli_28737 🇪🇬 · Answer

مبتنزليش دروس؟ انتي في سنه كام؟

Chilli_28735 🇪🇬 · Answer

مش بنزل غير درس واحد باقي الدروس بتابعها من اليوتيوب وكمان انا تالتة اعدادي يعني السنة دي هتحدد مصيري زي تالتة ثانوي كدا ..