ضغوط الحياة

Apple_62681 🇪🇬

منذ شهر واحد

شعور متعب

باختصار انا عايش ليه ؟ شاب 26 سنة اعزب معيش في جيبي جنيه مرتبي مبيكلمش مصاريفي الشخصيه واسمي بشتغل بالكذب معيش شقه ولا فلوس اتجوز بيها اهلي ساكنين في شقة ايجار قديم يعني كمان سبع سنين مع السلامه وهيحتاجو تساعدهم في مكان سكن جديد ليهم يعني بعد تحويش وعرق سبع سنين برضو مش هتتجوز عشان اهلك محتاجين ف ا

Chilli_64343 🇪🇬

منذ شهر واحد

شعور محبط

سؤال بجد هل الناس بقت وحشه ولا الناس اتغيرت اصل ليه كل واحد فينا يحكم علي شخص من مجرد بوست ينزله اومشكله او كذا مش يمكن هو عنده حاجه ناقصه وممكن تتحل بانك تطبطب عليه ومش شرط تكون عارفه والله ومش شرط يكون بنت علشان تعمل كده بلااحظ أن لو بنت نزلت الكل يبعتلها ولو ولد لا طب ليه مش يمكن الولد ده محتاج

Ice Cream_72590 🇪🇬

منذ شهر واحد

شعور متعب

الانسان ممكن يستحمل اي ضغط نفسي من اي حد ما عدا من الاهل... اي انسان عنده ضغط نفسي بس في نوع بيروح بيته يلاقي اللي يطبطب عليه او ع الاقل يديله كلمه حلوه (بتفرق ف النفسيه والله)... والنوع التاني بيروح بيته بيكون مضغوط من (شغله - أصحابه - ماضيه - مستقبله - فرط الوعي - إلخ...) نفسيته محطمه وبعد كدا ميل

Toast_66105 🇪🇬 عاوزك تتطمن عشان الكلام دا ميخرجش غير من شخص بيفهم و عاقل 💙💙 ربنا يعوضك الخير

عرض الكل 7 نصيحة

Potato_71552 🇪🇬

منذ شهر واحد

شعور محبط

تخيل تبقا فيك هموم الدنيا كلها ولسه بتحاول تتعافي وبتقلب ف الانستا وتعرف اللي حصل لجيسيكا مع حوت الاوركا بتاعها 💔 وتشوف اخواتنا واللي بيحصلهم وحاجه تقطع القلب💔 والمفروض ان الواحد يتعافي او يشم نفسه تحس نفسك قاعد كده والاغنية بتاعة يا دنيا هاتي كمان هاتي شغاله ف الباك جراوند وانتا قاعد مهموم وبتفكر

Strawberry_71540 🇪🇬

منذ شهر واحد

شعور مستنزف

عبّر عن شعورك بشكل مجهول

قصه حياتي لو اتعملت فيلم الفيلم هيتهاجم هجوم شديد جدا بسبب انو هيتقال عليه خيالي علمي زياده عن اللذوم او بيستخفو بعقل المشاهد هحكيلكم من علي وش القفص
انا والدي ووالدتي انفصلو ووالدي راح عاش بعيد جدا واتجوز الكلام ده من ٩ سنين لحد الان اقسم بالله انا معرفش عنه اي حاجه في 2021 انا والدتي اتوفت (اسألكم الدعاء فضلا)وبقيت عايشه مع اختي اكبر  مني واخ اكبر واحد (واخت اصغر مني دي اجمل وألطف حاجه في حياتي)بس عندها مشاكل من الاخر من ذوي الهمم 
نبدأ الخيال بقا اخواتي مع بعض او معايا عايشين بمبدأ اللهم نفسي يعني مثلا انا لو تعبانه ونايمه ف السرير مبتحركش محدش هيجي يتف ف وشي لو جعانه وبموت من الجوع والقبض اتاخر ومعيش فلوس مينفعش اروح اخد منهم حاجه او اطلب منهم حاجه مش بقول اني ملاك انا كمان بقيت بتعامل معاهم بنفس معاملتهم . اختي الصغيره زي ماقولت فوق هي من ذوي الهمم متقدرش تعمل حاجه لنفسها هي تعتبر كبيره شويه بس لحد الان بتلبس بامبرز عاوزه اقول انهم بيقولوها في وشها انهم بيقرفو منها ومبيحبوش انها تقرب من حاجتهم او تقعد ع سرايرهم ومحدش بيسأل فيها حرفيا غيري انا الي شيلاها ومسؤله منها بشكل تام (لتاني مره مش بقول اني ملاك انا كمان وحشه في حاجات كتيره) ف انا عندي ٢٢ سنه لحد الان في سنه ٣ كليه متخرجتش بسبب اني مش عارفه اكمل في الكليه ولا اركز في شغلي الي ضهري اتقطم جواه مع ان اي بنت في سني عايشه حياتها عاوزه اقول حاجه كمان اه😂 انا والله بيجي عليا اوقات بمشي ب اعزكم الله كوتشي مقطع ومبعرفش اجيب غيره عشان اصرف علي نفسي وعلي اختي بدفي اللحظه الي بتكلم فيها دي معنديش حرفياً غير بنطلون واحد بروح بيه كل مشاويري بس ميغركوش بلبس اي حاجه وبطلع اخر شياكه😎 من فتره حد اتقدملي وكلم اخويا عشان يتقدم رفضو بدون اي سبب وقلهالي في وشي انو مش عارف يجوز نفسه عشان يجوزني وانو ملهوش دعوه. طبعا مش هكلمك علي الضرب والإهانة والشتيمه عمال علي بطال بس هو برضو هو حقه اصل هو يعني لما يعمل كده مين هيقفلو او يقولو ان كده حرام وبتاع 
( للتوضيح انا ولا بتستعطف حد ولا اقصد اكون اتنشن او مثلا بشحت عشان قولت الكلام ده كلو الفكره بس كنت عاوزه اتكلم واقول حاجه جوايه وفكره الابلكيشن عجبتني ف ربنا يريح بالي وبالكم كلكم وياريت محدش ينساني من دعواته واسفه اني طولت)❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_61956 🇪🇬

منذ شهرين

شعور متعب

كنت زمان بستغرب الناس الكبيره اللي وسط القعده تقول يارب وتسكت بس فجأه لقتني بعمل زيهم إكتشفت إن كل ما بنكبر بنأمن إن ملناش غير ربنا سامعنا وساعات الضغط اللي جواك يخليك عاوز تكلم ربنا دلوقت فبتنطقها بصوت عالي وانت مش عامل حساب القعده أصلا

Strawberry_69431 🇪🇬

منذ شهرين

شعور متوتر

انا شاب عندي ٢٦ سنة صيدلي متكلف حديثا الشغل ماشي الحمد لله تمام بس ظروف الحياة صعبه .. طبعا بنعافر عشان نعيش بس بتقابلنا معرقلات زي غلاء الأسعار و ظروف المعيشة و انك محتار ما بين انك تكون أناني و تساعد نفسك انك تكون نفسك عشان تشول حياتك او تساعد أسرتك في المصاريف .. بس دي لوحدها المشكلة طول عمري

Ice Cream_68929 🇪🇬

منذ شهرين

شعور مكتئب

انا شخص اول مرة يحب و اول لما حب حد كسرة و خلاة مش قادر يفوق لنفسه من ثاني و يرجع يمارس حياتة عادي القصة كلها بدات من سنة ظهر في حياتي شخص و قربنا من بعض اوي و كنا بتكلم كل يوم و طول اليوم حلاوة البدايات زي ما بيقولة و فضلنا علاقتنا حلوة جدا بس حصل مشكلة للشخص مديه و انا ساعدته من غير مقابل و اديته

Mango_66328 🇪🇬

منذ شهرين

شعور وحيد

مشكلتي اني كنت اجتماعي جدا وبروح وأخرج واعرف ناس جديدة بس بعد وفاة الوالد بقيت حد تاني بس الكلام ده عدا عليا وقت وبقيت اتأقلم تاني وارجع بس مش زاي الأول الواحد اتعلم وعرف الناس علي حقيقتهم بس فعلا المواقف والضغوط بتصنع منك شخص تاني

Banana_66873 🇪🇬

منذ شهرين

شعور محبط

مش فاهم ليه مش عايز ادخل ف تجربه تانيه ولا يمكن ضغوط الحياة ولا خوض تجربه تانيه بس ساعات بقول لنفسي لأ هي الجراءه وخوض التجربه ،، بس مش بيجي او لما بيجي مش ببقى زي ما انا حابب ، ومش عايز ارجع الشخصيه اللي كنت متزوجها تعبتني كتير رغم اني كنت بحبها بس في خلل وعناد ف العلاقه كان رهيب. الموضوع غتت وكبي

Ice Cream_53324 🇪🇬 عادي ممكن العلاقه التانيه تغير كل حاجه ممكن تكون افضل من العلاقه الاول وغير كده احنا كبشر لينا احتياجات ولازم تكون موجوده مع أشخاص معينه ياريت تكون وصلت

عرض الكل 11 نصيحة

Avocado_64716 🇪🇬

منذ شهرين

شعور متعب

عبّر عن شعورك بشكل مجهول

عندي مشكلة ديما مع المال !!  ، كنت في فترة من حياتي وانا عندي ٢٥ سنة كان وضعي المالي كويس جدا بالنسبة لشاب في العمر ده كان معايا مبلغ محترم في البنك في منطقة كويسة وعربية ووظيفة ف شركة كبيرة اللي حصل أن ليا واحد قريبتي عرضت شقتها للبيع في البيت اللي ساكن فيه وأختي نصحتني أشتريها عشان هتكون فرصة أني أكون جمب والد ووالدتي ( أنا وحيد وأختي مسافرة بره مع زوجها )  خدت بالنصيحة أختي واشتريت الشقة وحطيت فيها تقريبا كل ما أملك والشقة كانت محتاجه توضيب بمبلغ وقدره ف حوشت مبلغ تاني ووضبت بيه الشقة من بعد ما وضحت الشقة وكانت خدت مني كل ما أملك حرفيا حصلي ظرف ف شغلي وسيبته وكنت خاطب وفشكلت وبعديها في خلال ٤ شهور كنت متجوز واحدة لاني كنت تعبت من البحث عن بنت الحلال وكنت كسرت ال ٣٠ ومن بعد ما تزوجت البنت دي وأنا وضعي المالي كل فترة أصعب من الأول مش عارف أحوش أي مبلغ اللي جاي ع قد اللي رايح بدعي ربنا كتير وبحاول أخد بالاسباب قيام ليل وصدقة وقرآن قبل النوم ولكن الوضع مؤلم أحتياج الرجل وقلت حيلته أصعب ما في الحياة زوجتي بقت تعبانة معايا كل ما أواعدها بشئ غصب عني مقدرش أنفذ بسبب قلت الفلوس وضيق الرزق حاليا أنا فاضلي شهرين في الشركة اللي أنا فيها وهسيبها مراتي هتولد كمان ٢٠ يوم قسما بالله ما معايا فلوس الولادة مش عارف إعمل أيه بيصعب عليا أني أفكر أستلف بقول أطلب من رب البشر ولا أني أطلب من البشر ، بفتكر أوقات كان بيتقلي من ناس قريبة أنت معاك شقة وعربية وفلوس في البنك كان كلام بيتقال في وشي ، كل أصحابي اللي في سنى وضعهم المالي بقي كويس جدا جدا وأنا ديما بحس أني محتاج مساعدة ودعم وبسأل نفسي كتير أيه وصلني للوضع ده وأنا كان في فترة من حياتي أخر هم ليا كان المال ..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_65042 🇪🇬

منذ شهرين

شعور مرهق

انا شاب عندي 30 سنه مش عارف اقول شاب ولا اقول واحد من كتر الضغوط حاسس اني 50 سنة،😅 انا اولا الحمد لله راضي بكل حاجه وعارف انو كل شئ قسمه ونصيب بس انا تعبت من كتر ما فيش حاجه بمشي فيها وبتكمل وماشي ف حياه وطرق لا هي حياتي ولا ده الطريق الي كنت بتمناه من سفر للشغل للجواز وكنت بعدي وقول نصيب بس ا

Onion_64725 🇪🇬 لسه نصيب مجاش دا ملوش علاقه بحاجه انتظر وربنا هيكرمك

عرض الكل 21 نصيحة

Mango_64235 🇪🇬

منذ شهرين

شعور مكسور القلب

نا وفرحة كنا مع بعض سنتين، علاقتنا كان فيها حب حقيقي، وعدنا بعض نكمل الطريق سوا، وكنت دايمًا جمبها في كل حاجة. ماكانتش مجرد مشاعر، كانت عشرة ووعد ومواقف كتير أثبتتلي إنها كانت بتحبني بجد. لكن مؤخرًا بدأت تبان عليها الضغوط، بقت عصبية، وبتتكلم ببرود، وكل حاجة بينا بقت فيها شدّ. حاولت كتير أتكلم معاها

عبّر عن شعورك بشكل مجهول

لكن مؤخرًا بدأت تبان عليها الضغوط، بقت عصبية، وبتتكلم ببرود، وكل حاجة بينا بقت فيها شدّ. حاولت كتير أتكلم معاها واهديها، لكن في كل مرة كانت بتقول كلام مش راكب على اللي بيننا، مرة تقول بتكلم حد، مرة تقول ابن عمها هيتقدم، ومرة تانية ترجع ترن عليا أو على أختي، وتسأل عني. عمرها ما قدرت تبعد أكتر من 3 أيام، كانت دايمًا بترجع، حتى لو قالت العكس.

فرحة عندها 16 سنة ولسه صغيرة على الضغوط اللي شايلها. عندها ظروف صعبة جدًا: حالتها الصحية مش مستقرة ومحتاجة عملية، أبوها مريض قلب ومش شغال، وأمها وأبوها بينهم مشاكل، وأمها نزلت تشتغل علشان تصرف. هي شايلة بيت كامل على كتفها، بجد ست بيت بمعنى الكلمة، بتصرف وبتنزل تجيب حاجات للبيت، وكل اللي حواليها معتمدين عليها، رغم إنها أصغر واحدة فيهم.

هي محترمة جدًا، وعمرها ما كانت قليلة أدب، عارفة تحافظ على نفسها، وعمرها ما أذتني في عرض ولا شرف، وكانت دايمًا بتحاول تبين إنها قوية، رغم اللي جواها.

الفترة الأخيرة اعترفتلي إنها بقيت تحلف كدب بسبب الضغط اللي هي فيه، وقالتلي "مش عارفة بقول كده ليه". كانت دايمًا تقول إنها هتبعد، لكن عمرها ما عرفت تكمل في البعد، كانت بترجع ترن، أو تسأل عليا حتى لو بشكل غير مباشر.

آخر مرة كلمتني من رقم غريب وسألتني "كنت عايز تقولي إيه؟"، قولتلها: "إحنا بينا عشرة، انتي عايزة تكملي ولا لأ؟" قالتلي: "لا". قولتلها: "ربنا يسهل"، وقفلت.

لكن رغم كده، قبلها كانت بتقول لصاحبتها إنها لسه بتحبني، ومش بتكلم حد، وإنها مخنوقة وبتقول "نفسي أموت".و امي كلمت امها. 
(دلوقتي مكلمناش بعض بقلنا يومين تفتكرو هترن او هتسبني فعلا.. و هل هي تستاهل اني اشيل الموضوع من دماغي ولا لا افضل افكر فيها و هل فعلا ممكن تسبني 😞

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_61411 🇪🇬

منذ 3 أشهر

شعور مكتئب

موضوع:

تحت مسمى متغلطتش غلطتي ؟

" الناس أن يتركوا أن يقولوا آمنا وهم لا يفتنون " ادراك الايه دي متأخر اكبر غلطاتي انا ممكن اقعد معاك اقنعك ان في كل ذلاتي و عسراتي ضحيه مش جاني . بس و بعدين قدام ربنا هعمل ايه مهما كانت ضغوطك سيقاك ناحيه طريق غلط افتكر انك جاي تمتحن و تمشي . مهما بدا الغلط حلو كل لحظه ندم بعديها هتستمر العمر كله

Chilli_61269 🇪🇬

منذ 3 أشهر

شعور ضائع

بقالي فترة كبيرة مش حابب اتجوز حاسس انها مسؤولية كبيرة اوي اوي مع اني شايل مسؤلية اكبر من الجواز بس مش عارف في ايه المشكلة الموضوع بوخ وبقي ممل دا غير أن فكرة انك حابب تتجوز دي معطلة تفكيرك لأنها واحدة جزء كبير من وقتك تفتكر ايه الحل

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع