مش عارفة أذاكر ولا أحقق أي حاجة في حياتي

Question

مش عارفة أقول لحد الكلام دا خالص لان اي إجابة من حد يعرفني هتبقي مجاملة ومش هتقبلها أنا عيد ميلادي الايام دي ٢٢ سنة موصلتش لاي حاجة ف حياتي خالص وحتي الكلية ٣ سنين تقديراتي مقبول وباقي سنة ومش عارفة هعمل ايه ف التقدير التراكمي 
نسيت القرآن ومبقتش أصلي كويس ومش عارفة اعمل ايه 
حسة حياتي واقفة ربنا يعلم أنا ندمانة أد ايه علي الكلية بس حتي دلوقتي مش عارفة أنا محتاجة منكم ايه مش عارفة كتبت الكلام ليه ولا عارفة الحل

بس عندي سؤال إني ليه مش عارفة اذاكر خالص يعني امبارح كان عندي امتحان ولحد قبل الامتحان مكنتش فتحت الكتاب ومش حسة ب أي خوف ولا اي شعور وكل امتحاناتي كدا 
مش عارفة كل الناس كدا ولا انا متعرضة ل صدمة من الثانوية 
ولو صح تتعالج ازاي

Banana_59263 🇪🇬 · Accepted Answer

فتشي في نفسك وشوفي انتي بتعملي ذنب ايه عشان ربنا يعقبك العقاب ده واستغفري كتير واياكي وذنوب الخلوات فانها سببالفقر وضيق الصدر

Hazelnut_57557 🇺🇸 · Answer

بصي أنا كنت زيك في مرحلة ما و يمكن اسؤ شويه الي رحعني للصلاة هيه الاذكار متوقفياش مهما حصل هتلاقي الدنيا في خلال تلات ايام بالماير اختلفت بس التزمي بيها فجر أو لما تصحي و مغرب و اليوم الي يقع منك عوضيه بيوم كامل تاني و هتدعيلي

Apple_59722 🇪🇬 · Answer

هو واضح إن  ممكن يكون في تاريخ من التروما في الموضوع لكن مش معني إنك 22 سنه ومعملتش حاجه يبقي ده نهايه الطريق لا الحياه مش حتقف علي كده أولا لازم تسئلي نفسك يومك بيمشي إزاي في سيستم ولا لا و تحددي وتبحثي تجربي حجات تعلم مهاراه من علي النت تشوف حاجه محفزة كده يعني وجربي ده كده وشوفي أما موضوع الصلاة ف ده كبير شويه لأن مش عارف هل في تاريخ مساهم في ده أو لا

Popcorn_59602 🇪🇬 · Answer

بص اولا بعيدا عن عملت اي او الجامعه او فقدان الشغف اولا ربنا سبحانه وتعالى قال وما خلقت الجن والانس الا ليعبدون مش هيسالك عن جامعه وعن خوفك في امتحنات ولا عن اي حاجه اهم حلجه عبادتك وصلاتك دا رقم واحد وبعدين الصلاه هترجعلك نشاطنك 
وبعدين العمر مش مقياس للعمل مش شرد يكون عندك 22 سنه وتبقي ايلون ماسك مثلا تدابير الحياه دي بتاعت ربنا في اي وقت ربنا هيكرمك 
وفي السماء رزقكمم وما توعدون

Chilli_55515 🇺🇸 · Answer

والله يا خسارة انك سايبة صلاتك لو نفسك طيبةطول ما انت بعيد عن العبادات والصلوات هتبقي نفسيتك سيئةدائما لحدما ترجعي لربك وكمان نسيت قرآني يا ألله انها لكارسة حد بعد مايحفظ قران ويشقي ويتعب في حفظه  يسيبه بكل سهوله. زي رجل وجد كنز ثمين جدا. ثم ذهب الي البحر  ورماه وبعد ماكان غني بقي فقير جدا.نصيحتي يا اختي توبي الي ربك  واكثري الاستغفار فوالله فيه خير عظيم رزق واسع وصحه في البدن ومتاع حسن في الدنيا

Chilli_55515 🇺🇸 · Answer

وسألي الله الزوج الصالح

Mango_57337 🇺🇸 · Answer

طيب وحوار إني مش بعرف اذاكر دا

Mango_57337 🇺🇸 · Answer

أنا بقيت أصلي بقالي اسبوع علي المعاد ب الظبط ..بس مش عارفة  لو هي تروما ف المذاكرة اتعالج منها ازاي يعني مش عايزة أتعلم ومش عارفة

Apple_59722 🇪🇬 · Answer

التروما مش الصدمه الحصلت بل الصدمه الحصلت للجسم والعقل هل الدراسه مريتي بيها في مرحله دمرت نفسيتك دمار شديد حسيتي بالعجز وإن خلاص مفيش أي أمل وأي الصدمات الحصلت في الدراسه هل بسبب البيئه ولا الصحاب  ولا المنهج الدراسي أي هو السبب في ده لازم ترجعي بالذاكره و تحددي لو مش عارفه  اسئلي نفسك هل إنت شايفه نفسك في المنهج الاكاديمي ولا لا وشايفه نفسك في مكان تآني

Hazelnut_57557 🇺🇸 · Answer

المذاكره فيها اكتر من سبب و طريقه اولا 
بردو تاني الاذكار الصبح و بليل 
ثانيا أنا كنت برسم الماده بشخصيات صغيره بتعمل حاجات عشان افتكر كل براجارف استعملي GPT عشان يسهل الفكره ديه ليكي 
ثانيا وقت المذاكره مهم جدااا بعد الفجر وقت مثالي 
عدد ساعات النوم ديه بقي ملهاش حل عندي لازم تخليها انتي و بتخلي المذاكره في مكان تاني خالص لازم تنامي بالكتير اوي من ١٠ الساعه ٤ ملهاش دعوه بعدد ساعات

Hazelnut_52786 🇪🇬 · Answer

اللي بتمرّي بيه غالبًا اسمه “الاحتراق النفسي”، وده بيحصل لما تفضلي سنين تحاربي وتتضغطي لحد ما طاقتك النفسية تخلص.
الإحساس باللامبالاة مش كسل، ده نوع من الدفاع النفسي، جسمك وعقلك بيقولوا “كفاية تعب”، وده محتاج راحة وعلاج مش جلد ذات.
اعملي restart صغيرة، مش لازم تغيّري الدنيا، بس ارجعي لحاجة واحدة بتحبيها، وابدئي تروّحي لنفسك قبل ما تطلبي منها أي مجهود

Hazelnut_52786 🇪🇬 · Answer

الندم مش هيرجع الوقت، بس ممكن تتعلمي منه وتبدأي من اللحظة دي بخطوة جديدة مهما كانت بسيطة.
متقسيش على نفسك، إنتي مش فاشلة، إنتي تعبانة ومحتاجة حضن وهدنة مش محاضرة ومقارنة.
ابدئي بتنظيم يومك، حتى لو ساعة مذاكرة في اليوم، ومع الوقت هترجعي تلاقي نفسك وحدة وحدة

Mango_57337 🇺🇸 · Answer

أنت مش فاهماني أنا مشكلتي مش ف الفهم انا بفهم كويس جدا الحمدلله  بس انا مبقتش بذاكر ولا بعرف اقعد علي الكتاب عشر دقايق علي بعض يعني وبيبقي امتحاني بعد ساعة وماذاكرتش ومش حسة ب أي خوف ولا عارفة اذاكر فاهمة قصدي؟انا بجد نفسي احل المشكلة دي

Mango_57337 🇺🇸 · Answer

لو لقيت إني مش بعمل ..شوف انا والله ما بجمل نفسي كدا كدا محدش عارفني بس انا حد كويس وبحاول أبطل كل الذنوب