مش عارف أعمل إيه في حياتي وهجوم الناس مش فاهم سببه

Donut_67434 🇪🇬

منذ أسبوع واحد

شعور متعب

انا بجد مش عارف اعمل ايه في حياتي كل حاجه بتيجي بالعافيه مع اني بعمل اللي عليا بس دايما بلاقي هجوم من الناس و مش عارف اعرف سببه و للاسف حتي اهلي مش عارف اقرب منهم و علي طول قاعد في شقتي لوحدي مع اني مش عايز ابقي لوحدي بس في نفس الوقت مش عارف اطلع الكلام اللي جوا قلبي كنت بكتب كل اللي بيحصل في حياتي بس ندمت اني عملت كده

مشكلتي إنهم شايفينى كداب وخربو البيت

المشكلة انهم شايفينى كداب وبتاع حوارات وخربو البيت بناء على كدا ولو خدت فرصة واحدة هثبت للكل انهم هما الى عملو الحوارات وخلو الكلام كدب وصدقو دا هما السبب فى كل الى وصلناله وانا كنت السبب انى سمحت لكل دا من الاول اصلا من البداية كان لازم اتحكم فى دا مبقتش عارف اعمل ايه وكل حاجة شايفها بتضيع من قدامى وهندخل فى نزاع هيخرب الدنيا اكتر واكتر بجد والدنيا مش مستاهلة كل دا بجد مش لاقى حد يسمعنى كل الى بيتدخل بيصدق الكدب وبيتوهم اكتر من الكلام وبلاقى ان الى قدامى صدق الكلام لدرجة ان انا نفسى قربت اقتنع انى غلط وهما صح مع انى عارف كل الصح وعارف حقيقة كل حاجة ...عرض المزيد

0 الدعم

1 نصيحة

جوايا لخبطة كتير وحاسس بلا روح... مش عايش ولا ميت

جوايا لخبطة كتير و تعب بيستنفذنى. حاسس إنى عايش بلا روح (ميت اكلينيكيا) فالغالب مبقتش احس بحاجة لا حلوة ولا وحشه. دايما مجهد معنديش طاقة لأبسط الأشياء، بطلت ارد عالناس (حتى لو chat) و كتير ببعد و ده اكيد مزعل ناس منى … بس حقيقى مش قادر و مؤخرا ضغطى بقى عالى و دايما حاسس بنغزه و بنهج كأنى بأجرى. كتير بتمنى ادخل غيبوبة او حاجة فأفصل من الدنيا ديه جايز ارجع احسن و الاقى ناس البيقدرونى أو ليا معزة عندهم واقفين جنبى احس انى مش لوحدى و ان رحلة الحياة ديه فيها حد بيقدرنى فعلا او حتى وجودى بيفرق معاه. انا اه بغلط كتير و اخرهم انى بسبب ضغط نفسى بطلت ارد عالبنت الكان فى اعجاب بينا و هى مكانتش فاهمة ليه انا اختفيت و حقها طبعا و للاسف بسبب تصرفى ده ضيعتها من إيدى (كان هيبقى فى حاجة حلوة مابينا بس اكيد ده نصيب 😞) جوايا سكاكين بتقطعنى و مستحقر نفسى جداً و مش عارف اسامحنى و بجلد فنفسى كتير بسبب غلطاتى. يمكن ده كان درس ليا بس درس قاسى شويتين. نفسى ارجع احس انى عايش تانى، ان فيا روح، احس بفرح. اى حاجة حلوة تطبطب عليا و تقولى الدنيا هتتحسن و تشاورلى على اى حاجة كويسة فيا. أنا مش عارف ليه كتبت كل ده و بكل تلقائية و لا حتى عارف مستنى ايه لما اكتب هنا 😅 بس جايز علشان مش بعرف احكى لحد 🤷🏻‍♂️ يمكن علشان جايب اخر الدواسة بشوية حلوين 🤷🏻‍♂️ ...عرض المزيد

5 الدعم

1 نصيحة