انا روحت كلية بعيدة عن صحابي بقعد من الفجر للساعة خمسة برة البيت برجع تعبانة جدا وبنام مش عارفة اعمل ايه بعدت عن صحابي جامد بيكلموني بس مش زي ما كنا بنتقابل ايام ثانوي شلتنا لسة بتتجمع لانهم في نفس الجامعة بس انا الي روحت بعيد مش عارفة ااتخطى واتعود اني لوحدي اتعودت انهم يبقو معايا مبقتش لاقية حد اتكلم معاه الايام بتعدي وفي مشاكل كتير بتحصلي بس مبقتش لاقية حد اتكلم معاه لما كنا بنشوف بعض كانو بياخدو بالهم من زعلي دلوقتي بقيت بنزل واروح واجي وانام من غير ماوحد ياخد باله من حاجة حتى في البيت عندي بنزل من بعد الفجر وبرجع الساعة خمسة ومحدش بيكلمني يطمن اني وصلت حتى بعد ما برجع بلاقيهم بيسألوني كنت في الجامعة ولا خرجت مش هعرف اعمل صحاب لان اكترهم اصلهم من ارياف وتفكيرهم غريب مش عارفة اتعامل مع حد ومش عارفة اعمل ايه حتى فكرت اخد سكن بس خوفت من الي بسمعه دة غير اني حاسة اني لو اخدت سكن هبعد اكتر بس الطريق متعب اوي اوي والمكان الي بركب منه كله عمال ورجالة ببقا انا البنت الوحيدة واوقات بيدايقوني مش عارفة اعمل ايه ولا عارفة اخد قرار وتايهه ومش عارفة اتكلم مع مين

6

1