مش عارفة أبدا حياتي وحاسه إنى خايب وضايع

Question

صباح الخير انا مش عارفه ابداء حياتى ازاى ٢٥ سنه حرفيا انا مش بعمل حاجه غير البيت واخواتى طبعا اهلى منفصلين وانا الكبيرة بس من كتر ما انا بحس انى خايبه بخاف اتعامل مع الناس بس حسه انى خلاص بجد واقفه مكانى مش بعمل حاجه معنديش شغلى الخاص وعلاقتى كلها فشله واغلب الوقت بقابل ناس مش كويسه نهائى بسب عدم خبرتى فى الناس  اى الحاجات الى ممكن ابدا منها احس انى  عايشه  وازاى حتى أواجه ولدتي با انى كبرت ولازم يكون ليا حياه خاصه او على الاقل خوفها عليا ده مبقاش ينفع حسه ان معنديش هويه وضايعه بجد

Banana_66684 🇪🇬 · Answer

انتي مش خيبه ولاعدم ثقه كل الفكره اللي حواليكي لسه شايفينك صغيره وخاييفين عليكي وحولي اشغلي نفسك بحاجه بتحبيها اكتر عسان يملي التفكير اللي مسيطر عليكي بس

Carrot_61991 🇪🇬 · Answer

اخرجي مع اصحابك حولي تشغلي وقتك

Orange_67483 🇪🇬 · Answer

كل ده عادي جدا ونظرا لكون ان اهلك منفصلين وعايشه مع الوالده فغالبا هيبقى خوفها عليك كبير جدا ومش هتعترف بانك كبرتي غالبا غير لما تتجوزي وساعتها تعرفي بقيمه محافظتها عليك حاولي تتصرفيها في اطار كونك الكبيره وتثبتي لها وان شاء الله الوضع يكون افضل

Pistachio_66936 🇸🇦 · Answer

ربنا يحفظك مامتك اولا 
اولا محتاجه ترجعي ثقتك لنفسك وابدءي شوفي نفسك بشكل مختلف 
حد متحمل مسؤوليه فالبيت واخوات مش حاجه سهله 
وابدءي فكري ورتبي لحياتك لسه العمر قدامك ومتخافيش وجمدي قلبك ولو بديتي شغلك الخاص ومنجحش عادي كملي ولو قابلتي ناس مش كويسه ف حياتك سيبيهم وكملي المهم تكوني اتعلمت الدرس من كل موقف لان دا اللي هيقوي شخصيتك

Kiwi_67505 🇪🇬 · Answer

ممكن تشغلي نفسك باي حاجه زي انك تنزلي شغل ويكون قريب من مؤهلك وساعتها كتكسري الملل

Orange_67514 🇪🇬 · Answer

انتي انسانه طيبه ودا شعور طبيعي لانك عايشه في عزله عن الناس والوحده بتغذي الشعور ده
حاولي تشغلي وقتك بحاجه مفيده