بيتنا دايما ف توتر بسبب ان امي عصبيه ودايما صوتها عالي ومتوتره وعايزه الحاجه تتنفذ فنفس اللحظه وكلنا نمشي زي ما تقول بس احنا كبيرنا احنا مش اطفال اصغر اخ عندي ف تانيه اعدادي احنا بقينا كبار وبنختار نعمل ده ولا لا وبنعرف نتكلم ومن حقنا نعبر عن رأينا ومختار حياتنا بس مفيش كده خالص عندنا انا بقا عندي توتر بزعل من اي حاجه اي صوت عالي حواليا ممكن اعيط يعني لو ف الدرس وفي صوت عالي ممكن اعيط بجد وببقي زعلانه جداً ومخنوقه ولو حد كلمني حرف مش عاجبني بزعل وبعيط ويبعد بس المشكله دول اهلي هبعد اروح فين دايما يزعقولي ويكلموني بطريقه وحشه ومفيش خصوصيه ولا رأي ولا حاجه حتي الكتب بتاعتي بيتفتش فيها ولبسي وكل حاجه بقيت مش عايزه ارجع البيت وبحب ابقي بره طول الوقت بس خلاص الاجازه جايه ف لازم ابقي ف البيت والصوت العالي والكلام الي يضايق غير انهم بيخلوني خدامه حرفيا عندهم ف الاجازه وامي تفضل تزعقلي اني اغسل الاطباق وافضل اشتغل وانضف ولو اتكلمت ربع كلمه بتلجا للضرب لأن دي وسيلتها المعتاده ف اقوم انا اكرهها اكتر ومبقاش عايزه اشوفها تروح تقول بابا وبابا يكمل زعيق عليا ف اكرهها اكتر واكتر لحد ما وصلت لمرحلة انا مش عايزه اتكلم معاها مش عايزه ارجع البيت ولا عايزه اتكلم مع حد عموماً هو ربنا يشهد أنها مش حرمانا من حاجه بس المعامه نفسها والله بتزعل انا لو حد رفع ايدو يسلم عليا بفكره هيضربني وبخاف ومن كتر محو الشخصيه الي بتعرضله من اهلي ف أنا دلوقتي مفيش ثقه خالص مش بعرف اتكلم مس بعرف اعبر بخاف ابقي موضع اهتمام الناس والكل يبقي باصص عليا بخاف اشارك ف المسابقات مثلا او اتكلم قدام حد مبعرفش اتكلم ولا اعبر اذا كنت متضايقه أو لا انا بس بكتم ف نفسي لحد ما ارجع اوضتي وافضل اعيط لحد ما احس اني خلاص مش شايفه

4

13