مش شاطرة مهما عملت.. محبطة وتعبت

Question

عندي أفكار عن نفسي اني مش شاطرة واني مش كفاية مع اني اكنت بذاكر وبجيب درجات عالية وفي الكلية طلعت قبل كدا من الأوائل ومتخرجة بجيد جدا الحمدالله بس عندي قلق اجتماعي مأخرني جامد وغصب عني وصلت أفكاري عن نفسي للناس اللي بشتغل معاهم وبقو بيشوفوني مش شاطرة فعلا ودا لأني لما بشتغل جمبهم بتوتر جامد وبتلخبط بس لما بشتغل لوحدي بشتغل كويس وحاولت اعدل أفكاري وفعلا اشتغلت كويس قدامهم اكتر من مرة بس حسيت ان دا مفرقش وان هما خلاص بقوا شايفني مش شاطرة مهما عملت ودا خلاني محبطة جدا ومبقتش قادرة ارجع احاول تاني حاسة اني تعبت بجد

Orange_67310 🇪🇬 · Answer

عايزه الصح غيري المكان وابدئي من تاني وهتلاقي نفسك

Carrot_65356 🇪🇬 · Answer

دا عشان انتي عملي حجم للناس اكتر من حجمهم حولي متفكريش في حد فكري في نفسك بس انتي بتعملي كدا عشان نفسك ولي عشان الناس سيبك من الناس الناس بتحب الكلام و بس

Donut_66644 🇪🇬 · Answer

اعملي الي عليكي ومتركزيش مع حد 
مش مهم هما شيفينك ايه المهم انتي شايفه نفسك ايه 
اشتغلي واتعبي على نفسك وربنا مش هيضيع تعبك

Apple_63604 🇪🇬 · Answer

في مهارات المفروض تكتسبيها قبل الشغل وليها كورسات حاجة اسمها soft skills دوري عليها ع اليوتيوب وكمان في فديوهات بتدى جراءة كتير علشان التعامل والثقة اتفرجت علي شوية منهم بس ناسي اسمهم علشان كان من فترة بس دوري علي فديوهات ازاى تقفي قدام جمهور وازاى تقدمي بريزنتيشن بشكل واثق واحترافي هيساعدوكي جدا انك تتخطي نقطة التوتر دي

Banana_67845 🇪🇬 · Answer

فين المشكله !!
كلنا هذا الشخص 
انتي معندكيش مشكله ف انك تعملي شغلك صح و ليكي اصدقاء و بتتعيشي معاهم و بتقدري تعدلي من اسلوبك عشان متحسيش بتقصير من قله تعملك بالناس 
فيها اي لما تكوني مش بتحبي كتر التعامل مع الناس عادي بس في ظروف بتخلينا لازم نتعامل معاهم ف نحاول نأقلم نفسنا ع كدا و دا الي انتي عملتيه فعلا 
انتي مشكلتك بس انك شايفه ميزتك عيب