بغير من أي بنت أحلى مني.. ده مرض ولا عادي؟

Question

مش بحب اشوف بنت حلوه وبغير من اي بنت شكلها حلو حتي لو كانت ممثله انا حلوه جدا ومش بحب اشوف حد احلى مني ولو فتحت التيك توك وشوفت بنت حلوه بضايق اوي وادخل ع الاكونت بتاعها وأفضل احقد واضايق اوي الموضوع بدأ من ساعت م اتخطبت وانا بغير عليه كده وحسيت ثقتي ف نفسي قلت ده مرض والمفروض اتعالج صح؟ انا مكنتش كده ومضايقه اعمل ايه

Orange_21595 🇪🇬 · Accepted Answer

كل البنات حلوين بطريقة ما في حاجه بتميز واحده عن التانيه طريقتها مختلفة الغيرة موجودة عند اي حد طبيعي لكن بدرجات انتي من نفسك تقومي بقي سلوكك وتشتغلي علي الحته دي فيكي وطالما انتي معترفة انتي كدا تخطيتي نص الحل اصلا برافو عليكي 🫶🏻

Sugar_21531 🇪🇬 · Answer

هو فعلاً مرض لازم تروحي لدكتور نفساني عشان الموضوع ميتطورش محدش هيقدر يفيدك قد الدكتور واتمني تكوني بخير 🤍

Croissant_21710 🇪🇬 · Answer

لازم تقتنعي ان ف بنات كتير حلوه وأحلي منك بس لازم تحبي وتثقي ف نفسك وتشوفي ان مفيش زيك بس تشوفي بنت حلوه تعترفي انها حلوه انتي محتاجه تحبي وتثقي ف نفسك انتي كدا هتتشخصي انانيه ومغروره ومريضه! الدنيا مش مستاهله كل دا ي حببتي

Orange_21595 🇪🇬 · Answer

ماتشخصيش انتي نفسك غلط  ممكن تروحي لحد مختص وهو يفيدك وتحلوا المشكلة سوا

Coffee_21727 🇪🇬 · Answer

هو بما انك حسا وعرفه ان اللي انتي فية دا حاجة غلط في دي في حد ذاتها حاجة كويسة وانتي مش مريضة ولا محتاجة للدكتور ولا حاجة انتي بس محتاجة تفوقي لنفسك وتحمدي ربنا على اللي انتي فية وهتبقى نفسيتك احسن بكتير

Chocolate_21731 🇪🇬 · Answer

انا بحب اشوف البنات الحلوه واوقفهم ف الشارع واقولها شكلك حلو اوي انتي عسوله وكلام من دا 
بس حلو انك معترفه ب الطبع اللي فيكي اللي ظهر عليكي موخرا دا وتشوفي اي السبب واي اللي وصلك انك تبقي كدد وتغيريه انتي جميله وكلنا حلوين بس بدرجات مختلفه ربنا مخلقش حد وحش♥️

Strawberry_21539 🇶🇦 · Answer

متحاوليش تقارني نفسك بحد ارفعي من استحقاقك لنفسك واعرفي ان كل  واحده جميله بطريقتها و باختلافها و الجمال مش بالشكل و زي ما الناس بتقول طول ما انتي معترفه بالمشكله ف دا يعتبر نص حلها و الغيره شعور طبيعي بس خلي ف بالك انك لما بتبيني غيرتك زياده عن اللزوم دا بيكون ضدك ف جميع الاحوال، ومتخافيش انك تخسري الشخص خليه هو يخاف يخسرك وربنا يسعدك