مقارنة

Marshmallow_55702 🇪🇬

منذ 6 ساعات

شعور مكسور القلب

عبّر عن شعورك بشكل مجهول

تعبانة اوى بجد ومحبطة 
انا من ارياف ، يوم ما اتخطبت انا وجوزى قالولى هنعمل فرحه هو واخوه قولتله لا وكنت هرفض فالاول وبابا اخد منهم وعد بكده جوم قبل الفرح وقاله لا مش هنعمل وهنخطب لاخوه والاتنين مع بعض  .. الكلام ده كان بعد سنة وكنت حبيته ولحد انهارده مقتنعة انه يستاهل الحب هو احن واحد فالدنيا 
بس قهرونى واستنيت ست شهور خطبو لاخوه وعملوا الفرح جماعى
ودى مش نهاية القهر .. بدأوا يغيروا من كليتى مع انى عمرى ما اتكبرت بيها او ذكرتها وانا اصلا مش بعرف اترسم واعمل لنفسي مكانة وبكره ده ف نفسي اصلا ونفسي يبقالى image كده بس انا عبيطة 
دايما يقارنونى بسلفتى اللى اتجوزت معايا دى وانها احسن منى مع ان بشهادة كل خلق الله انا الاحلى شكلا والافضل عيلة وتعليم  
بس هى اذكى منى فالتعامل فبيت العيلة وبتعرفهم تديهم على دماغهم وتمشيهم على مزاطها ويحبو تراب رجليها بردو 
المهم ان كمان هى ما شاء الله اللهم بارك حملت بعد الفرح علطول وخلفت بنت زى القمر ربنا يحميها وانا بقالى تلات سنين ربنا مرزقنيش وبحمد ربنا عادى بس هما فالسنين دول هما وسلفتى ياما قهرونى بالخلفة وانا بتماسك وبظهر انى مش زعلانة ومش فارقلى واجيب هدايا اعياد ميلاد للبنت واعاملها كويس بس انا بخب البنت يعنى بعاملها كويس ليها مش ليهم بس بتقهر لما اتجبر احضر مناسباتهم وهما متجاهلين شعورى انا وجوزى حضرت عيد ميلادها امبارح لانه صادف يوم العيد مكنتش عاوزة احضره صراحة ومعرفش ايه السبب 
المهم انا عملت تحاليل واشعة وكده عندى تكيسات بس والدكاترة كانو بيقولولى بسيطة وهخلف عليها ومحصلش واخدت منشطات بردو محصلش 
انا شايفة ان كله بسبب وزنى الزايد شكلى مش تخين اوى بس انا قصيرة وتخنى كله ف بطنى .. طول التلات سنين اعمل دايتات وتبوظ 
فانتو شايفين الحل ايه .. انا لسا ف اول سنة نيابة انا دكتورة واتجوزت فالامتياز فلسا ف اول خطوات كاريري وبتعلم .. بفكر فالحقن المجهرى بس حاسة انه مش وقته  انا طموحه ونفسي اخلص زمالة واسافر بريطانيا بس خايفة من سنى ٢٨ سنة خايفة يكون حلى الحقن ولما الجأله يبقى سنى كبر ونتابحه اقل معايا 
وف نفس الوقت حاسة ان سربعتى عالخلفة بسبب كسوفى واحراجى ماللى مواليا 
بقيت بين نارين نار شغلى ونار انى عاوزة محسش انى محرجة دايما وسطهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_54639 🇪🇬

منذ 3 أيام

شعور قلق

انا عندى ٣٦ سنة ومش عارف لحد دلوقتي انا بحب ايه ولا اشتغل ايه كل ماابتدى في حاجة اكتشف اني مابحب المجال ده بسيبه مش علشان صعب لا علشان مش شايف نفسي في .اكتر حاجة مديقاني العمر بيجرى وانا لسه في مكاني ولا كونت نفسي والناس من حوليا بتكبر في شغلها وكل واحد حدد طريقوا انا تايه مش عارف اعمل ايه

Strawberry_54080 🇪🇬

منذ أسبوع واحد

شعور مكتئب

حد عنده حل لواحد كان اشطر واحد في دفعته لواحد دلوقتي مش عارف يتخرج من الجامعه وكل اللي يعرفهم خلصو وبيشتغلو واصغر منه كمان ولا عارف يذاكر ولا قادر اصلا يذاكر وبقاله سبع سنين يقول كل يوم بكرا

Coffee_20403 🇪🇬

منذ أسبوعين

شعور غير مكتمل

عندي مشكلة ممكن تبان تافهه لكن مهمة بالنسبالي اوي انا في تانية ثانوي كلها شهرين ويكون عندي 17 سنة وقصير جداً بالنسبة للي معايا في المدرسة او زمايلي عامةً طولي تقريبا 165 وفوق كل ده ملامحي بيبي فيس و ده مأثر علي نفسيتي جداً بسبب اني قرايبي الاصغر مني اطول مني وبالذات الكلام اللي بيجي في النص ( انت ه

Hazelnut_52786 🇪🇬 متخليش طولك أو شكلك يأثر على نفسيتك. النمو مستمر (ممكن لحد 21 سنة)، و"البيبي فيس" دي ميزة. ركز على ثقتك بنفسك، وتطوير مهاراتك وشخصيتك. كلام الناس متسمعلوش، أهم حاجة أنت شايف نفسك إزاي. ثق بنفسك 👍 ولسه جسمك هايطول وتبقي اطول مننا باذن الله كمان

عرض الكل 7 نصيحة

Pumpkin_10776 🇪🇬

منذ أسبوعين

شعور ضائع

عايزه اعرف سبب علمي للشعور المفاجئ انك مضغوط و متأخر في كل حاجه رغم ان كل حاجه زي ماهي من 5 دقايق وانت طبيعي ومش حاسس بحاجه بس لازم الشعور ده يمسي عليك مره مرتين كل يوم وتحس ان انت مش لاحق اعمل اي حاجه وان الناس كلها راكبين طيارات وانت لسه بتحاول تتعلم المشي..................................

Waffle_52401 🇪🇬

منذ 3 أسابيع

شعور غير مكتمل

عبّر عن شعورك بشكل مجهول

الهروب نص الجدعنة، طب ازاي تبقي جدع مع نفسك وانت مش بتواجها بعيوبها
اغلب المشاكل الي انا فيها علشان لسه معتقد اني لسه الشخص الكويس المحترم الهادي الذكي
بس انا فعلا غبي و معتش هادي و مش كويس خالص  خصوصاً دلوقتي
في حد قالهالي صريحه انت مش مظلوم انت بتوهم نفسك انك كويس مع انك غبي و الناس التانية الي بتقارن نفسك بيهم هما فعلا كويسين بس حظهم كان وحش نصيبهم كده، انما انت الي فعلا وحش وانا كمان وحش ( قصده على نفسه) وفعلا علي ارض الواقع كلامه صح و الدلائل الي قدامي لاتعد ولا تحصي
كفايه ان الناس التانية دي من الأوائل علينا دلوقتى
وواحد كان بعيد الشر عنا و عنكم شال ماده
و ما شاء الله دلوقتي ال gpa بتاعه بقا اعلي مني في سنه ونص بس، ما شاء الله ربنا معاه هو بيتعب ويستاهل
انما انا انا فعلا مبعتبش و معتش بحس بالتعب ولا بالضمير ولا اي حاجة و عايش وسايب الدنيا زي ما تيجي تيجي
هل انا مبسوط كده...... لا 
هل عايز افضل كده..... لا
هل هقدر ادوس علي نفسي علشان احسن منها..... اتمني من ربنا دا بس حاليا لا
هفضل حاطط نفسي مظلوم لاني كنت قبل كده حد كويس
يارتني كنت زي الناس العاديه وانا صغير الي بيعمل اي حاجة و ميفرقليش حد ولا نصيحه ولا تعليق على اي حاجة كان بيعملها، علي الاقل كنت هحس بالذنب دلوقتي و اقدر اقول لا انا لازم اخد موقف وابقي انسان كويس
انما انا اعتقد ان الي كان كويس و مهما كانت الظروف او اي حاجة خلته يبقي اقل من الي كان فيه مش هيقدر يرجع بسهوله الا لما ياخد علي وشة جامد ويفوق
انا مش عايز اوصل للمرحله دي بس مش عارف افوق بدري برضو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_27604 🇪🇬

منذ شهر واحد

شعور ضائع

جماعه مش قادره احاول تاني مش قادره اتحرك من مكاني قولت يمكن محتاجه راحه من كل الضغط ده وافصل شويه بس بقالي كتير فاصله ايام بتعدي وانا محتاجه نفسي عندي امتحانات ومشاريع وابحاث وبريزنتيشن وحاجات كتير اوي محتاجه تتنفذ مش قادره انجز او اخلص حلو وفي ايام بتضيع في الجامعه وفي المشاكل وفي حاجات كتير بحاول

Strawberry_52341 🇪🇬 متركزيش على انك متاخره او سابقه لان ربنا حاطك في مكانك الصح و ده المناسب ليكي و هيترتب عليه حاجه كمان مستقبلا فا متشيليش ضغط انا متاخره لان مفيش حاجه اسمها متاخره انما دخ المكان المناسب ليا دلوقتي و فكي نفسك من الضغوط ده اعملي حاجه بتحبيها و تاملي في الحياه بدون اي افكار و متستعجليش لحد ما تحسي روحك هدت ممكن تصلي او تدعي او تقعدي ساعه مع ربنا تشكيله و هو هيحط الراحه في قلبك بس تأني ز خدي وقتك

عرض الكل 3 نصيحة

Popcorn_28628 🇪🇬

منذ شهر واحد

شعور لا مبالٍ

مش كل الناس اتربت في بيت بيحضنها في ناس وجعها الاساسي جاي من الي كان المفروض يطبطب عليها في اهل مش بيقصدوا الاذى بس بيعملوه من غير ما يحسو اهل بيقللوا بيقارنوا بيكتموا التعبير عن الكلمة الحلوة وبدل ما يبنوا الثقة بيهدوها بنظرة او بكلمة ولما ولادهم بيحاولوا يشرحوا لهم بيقولو جمل هجومية كنوع من انواع

Biscuit_31702 🇪🇬

منذ شهرين

شعور محبط

Sugar_44866 🇪🇬 حلي كم كبير من الامتحنات السابقه و كل سرال يوقف معاكي ارجعي للدرس وهاتي حلو وبس سهله الدنيا اهو

عرض الكل 2 نصيحة

عبّر عن شعورك بشكل مجهول

هو انا ليه بذاكر وبذاكر بجد وبحل وفي الأخر بجيب درجات زي الزفت ف الأمتحانات انا بجد باخد وقت كتير ومجهود عشان اعرف افهم حاجه بس مشكلتي في الحفظ انا مش حفيظه بفهم وحتي بعد ما بفهم انا ممكن انسي الي فهمتو وبعرف احل ولله بس معرفش ليه بجيب درجات وحشه الموضوع من وانا ف ابتدائي ديما درجاتي كدا انا مش فاشله انا بذاكر بس معرفش ليه النتيجه ديما بتبقي عكس كل المذاكره والتعب والمجهود ال ببذلو دا دخلت ف دوماً اكتئاب وكل يوم عياط لدرجه اني بقيت بسيب المذاكره واقول خلاص انا كدا كدا بذاكر ومش بنجح ملهاش لزمه بقي وامسك الموبايل انا دلوقتي ٢ ثانوي علمي علوم ب إذن لله والسنه الجايه هبقي ٣ محتاجه اعالج مشكلتي عشان السنه الجايه دي مفيهاش هزار ومش هيبقي عندي وقت اني اكتئب في عشان درجه امتحان في ماده معرفش دا مرض ولا دا ايه الي انا فيا بجد مش لاقيه حل ولا عارفه اعمل ايه غير اني بعيط وانا شايفه كل صحابي درجاتهم ماشاء لله مش هقول اوائل بس علي الأقل درجاتهم اعلي بكتير من القرف ال انا بجيبو دا حتي ف امتحانات الحصص ديمة المستر وهو بيوزع هما وراهم بيبقي في الأول وانا ديما ورقتي بتبقي الأخير عشان اقل درجه بقعد اهزر وبتاع بس بيئثر فيا جامد وفي نفسيتي محتاجه حل او علاج

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_50010 🇪🇬

منذ 3 أشهر

شعور متوتر

هو فيه ناس اكبر مني هنا ولا أنا اكبر واحد هنا ..ااااااااأااااااااااااااااااااااااااااااااااااااااااااااااتتااااااااااااااااااااااااااااااااااااااااااااااااااااااااااااا

Sugar_41367 🇲🇦

منذ 4 أشهر

شعور مكسور القلب

موضوع:

كيف هتربو اولادكم ؟

ابدا ما راح ربي ولادي ب طريقة ترباية اهلي كتير خلوني اكرههم ابدا ابدا ابدا انا من هلق قاعدة ب سجل الاشياء اي سووها معي ما راح سويها ل ولادي او شو ما صااااااار .. زي متلا اني ما اخليهم يعطو اهمية للتحصيل الدراسي المهم ناجحين و خلاص و اهم اشييي ما افاارنهم مع فلانة و فرتلانة ابدااااا

Peanut_42612 🇲🇦

منذ 4 أشهر

شعور مستنزف

أحيانا أشعر كأني الوحيدة التي لديها كل هده المشاكل التي تأتر علي كتيرا في حياتي و أستغرب كتيرا عندما أرا ناس فرحين و مستمتعين بحياتهم يضحكون و هنا أقول هل المشكل بي أنا لأني أتأتر بمشاكلي لدرجة أن أبين حزني و غضبي ولا أستطيع ان أخبأه متل باقي الناس أم أنه فعلا الناس ليست لديهم مشاكل بالحجم الدي عندي

Chilli_27912 🇸🇦

منذ 4 أشهر

شعور محبط

حاسس بإحباط شديد الآن أنا عمري ١٩ سنة ومش مستوعب قد كيف أنا ورا الناس البقية، مو بس بالانجازات لا وحتى الأمور البسيطة زي ازاي اتكلم وازاي أبني علاقات، ما عندي اي علاقات في حياتي كصحبة، أنا عارف إنو المقارنات تودي الواحد في داهية ومهو أفضل شي تسويه، ويمديني اتفهم الأمر إذا كان من ناحية الانجازات والف

Strawberry_48270 🇪🇬 طول ما انت حاسس بأحباط شديد مش هتعرف تفكر تحل الموضوع فكر فيها علي اساس انها مشكله دلوقتي انا معنديش صحاب ازاي اقدر احل الموضوع ؟؟ من رأيي انزل اي مكان أو نشاط جماعي تجبر نفسك تتعامل مع ناس لانو نشاط لفريق و من هنا هتبدأ المشكله تتحل متكونش شخص ممل حاول تتكلم عن اي حاجه سكوتك الكتير هو الي بيخليك حاسس انك مش عارف تتكلم خليك علي طبيعتك تماما و اتكلم مع الناس و اتعامل مع الوقت هتلاقي نفسك بتتكلم

عرض الكل 4 نصيحة

Strawberry_20568 🇪🇬

منذ 5 أشهر

شعور مرتبك

عبّر عن شعورك بشكل مجهول

في حوارات في دماغي اليومين دول هحكيها بس عايزة منكم كلام يهديني متبقوش عون للشيطان عليا ومحدش يغلط
انا الكبيرة و اختي اصغر مني ب 3 سنين بينا فرق في التعامل و الصفات وكده هي مرحة شويتين وانا هادية جدا حتى في التعامل مع اي حد حتى اهلي ولما مثلا بنطلبوا حاجة هي تفضل تزن لحد ماتاخدها وانا اول رد يقبله مش بزن ولا بتحايل والكلام ده و كمان بحكم انها في عز سن المراهقة حرفيا ف ممكن تكون بتتعامل مع اهلي بطريقة شوية مش كويسة و بتقاوح و الكلام ده ف ده خلاني انا اقرب لاهلي أو افضل عندهم وهي دايما بتذكر ده من باب الهزار اللي هو أيوة ما دي بنتكم حبيبتكم وهكذا ، تعمدت اذكر ده لان هيترتب عليه كلام تاني 
المهم في تعبي مثلا بحس بالنسبة لاهلي عادي بس بيهتموا بيا بردو فاهمين يعني خدي طيب علاج طب تعالي نروحوا لدكتور وكده الطبيعي يعني بس مش انا اللي بطلب، ده في المرض لكن مثلا جيت في فترة ثانوية عامة ضغط وبتاع ف بشرتي و شعري حرفيا باظوا و اترتب عليه أن نفسيتي تعبت قولت في الإجازة هعالجهم طلبت قالولي أن ده طبيعي وان بشرتي دهنية ف بيطلع حبوب كتير وبتاع و كمان هتعالجي يبقى هتصرفي كتير ف صرفت نظر و كمان هما شايفين ان حوار البشرة و الشعر ده مش حياة وموت مثلا عشان تروحي لدكتور مخصوص وكده  وانا شعري بيقع بطريقة مش طبيعية بس ماما بتقولي طبيعي وبتاع ف بكرف بصراحة لحد من فترة لقيتها بتقول لبابا دي فلانة( اختي) شعرها بيقع كتير انا خايفة عليها راح بابا قالها روحي اكشفي عليها و عالجي الموضوع بدري ف استغربت لأن ده مكنش ردهم على موضوعي و بقالهم فترة بيروحوا فعلا للدكتور و في كل مرة بتصرف علاج يدخل في الألف جنيه و كل مرة بسمع منهم مش مهم الفلوس بس تخفي و من اسبوعين كان عندي برد وانا اصلا عندي انسداد مولودة بيه ف لما بيجيلي برد بتعب بزيادة لاني مش بقدر اتنفس وبتعالج م الحوار ده بس لما جالي البرد بقول لماما البرد دخل فيا قالتلي خدي برشام طيب و اشربي حاجات سخنة وكده وخلاص الموضوع اتقفل ف تاني يوم اختي اتعدت مني و رجعت م المدرسة نامت بابا بيقولوا مالها قالتله ياعيني البرد دخل فيها مدوخها راح بص عليها و ملّس على شعرها و شد الغطا عليها و بردو لما اكون محتاجة كوتشي مثلا اقول لماما تقولي حاضر لما نبقوا نخرجوا ومش بنخرجوا في حين أنها لما تطلب بتزن ف بتديها الفلوس و تجيب بقيت بحس بفرق المعاملة مع أن في حتة تانية هما بيدعولي و دايما بيشكروا فيا قدام الناس اني يرضيهم و بسمع كلامهم وكده ف بقول يمكن ربنا ميزني في الحتة دي انه رزقني رضاهم عليا مش مهتمة بجد بحوار الفرق والمصاريف والكلام ده لأنهم بيصرفوا عليا في تعليمي كتير اوي بيودوني كورسات و دورات وكده ومهتمين بحتة تعليمي دي و بابا قالها في مرة أنه نفسه انا بالذات أتعلم واكون حاجة كويسة لما اكبر ف انا شايفة دي حاجة كويسة و بحمد ربنا عليها بس مش كل حاجة تعليم ف انا مش فاهمة لي فكرت في الموضوع ده انا مش بتكلم عشان اغلطهم أو كده هما يعملوا اللي عايزينه وانا استحمل وانا ساكتة بس عايزة حد يسكت دماغي م الأفكار الزفت دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_33763 🇪🇬

منذ 5 أشهر

شعور متعب

بجد حاسه بتشتت مش عارفه اعمل ايه اكتر من كدا مذاكره وبذاكر بس للاسف في الامتحانات بتاعت الدروس مش بجيب درجات بقول هما اللي قفلو عملو ايه زياده عني او احسن مني في ايه كل دا بيجي في دماغي حاسه بضغط كبير دا غير اني مراكمه والامتحانات قربت 😔

Strawberry_46882 🇰🇼 اولا الجأي لربنا متقوليش هما جيبين احسن مني انتي متعرفيش في حياتهم ايه فا قربي من ربنا واعملي العليكي وسبي الباقي لربنا♡

عرض الكل 7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع