تيك توك

Croissant_66979 🇪🇬

منذ يوم واحد

شعور محبط

بفكر جديا ابعت للاكس باكونت فيك واتكلم معاه عشان عايزه نرجع واموف اون منه وانا معاه عشات بقالي سنتين مش عارفه اموف اون منه (هو خاين )بس الفكره انو لو عايز يكلمني هيكلمني هو الي عامل بلوكات من كل حته بس التيك توك لا مش عارفه اعمل اي اخليني زي ما انا احسن مش عارفه انساهومش عارفه احب غيره ولا ارجعله ا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

النهارده مبسوطه على الرغم من التعب الجسدى بسبب قله النوم إلا أنه مرتاحه قبل كدا نزلت مشكله ليه وان فى حد معجبه بيه وأنه كان اتقدملى ومحصلش نصيب وكدا بس دلواقتى احنا بنتكلم بنتكلم من بعد حجات من ترتيب ربنا بتحصل ملناش يد فيها أنه يفك البلوك من على تيك توك ويعم لاف على حاجه منزله وبعدها تانى يوم لما انا معملش حاجه يرجع البلوك تانى بس ساعتها مكنتش عارفه اعمل اى بعد يومين بعتله ادد على فيس بوك قبله وسألته على إلى عمله ده ومن ساعتها حاسه أنه ربنا كاتب لنا ترتيب معين بقينا نتكلم كتير لدرجة انى خلاص معتش عاوزه انام أو اقفل وابعد بس امبارح كان يوم مختلف اتكلمت فيه بصراحه قولت كل حاجه جوايا من يوم ما شوفته وجالى بيتى قولتله انى عمرى قولت ولا اعترفت أنه فى حب بجد من اول كلمه ولا فى حد بيخطف قلب شخص من اول مرة ولا شخص يوقف كل حاجه فى حياته ويكون على يقين أنه هايجى يوم ويكلم الشخص ده قولت
مشاعرى ولى كانت باينه فى لهفتى فى كلامى فى كل حاجه بقولهاله قولتله أن عمرى بدعيت ربنا بشخص وكنت ديما القويه إلى مش بيفرق معاها حد بس دلواقتى انا البنت إلى بتحب وبتموت على كلمه منه إلى لو زعل الدنيا تكون مش احسن حاجه عندى بس مع كل ده فى مشكله حسه انى ضعيفة وان اتنازلت عن كرامتى معاه وخايفه لو كان لينا نصيب قولى حاجه بعدين مش عارفه اعمل اى وعلى الرغم من كل ده هو اصلا عنده مشكله فى حاجه لدرجه انى انا إلى بقيت بدور على حلها لانى عاوزه يكون كويس فكره أنه يكون تعبان أو حد مضايقه بتوجعنى انا اوى واخر بعترفى انا حبيت ونسيت كل كلامى عن أنه الحب مش حلو وأنه مش موجود وحجات كتير اوى مستنيه نصيحتكم لينا اعمل اى وهل ممكن ابنا من وجهت نظره وحشه وكل الكلام ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_19911 🇪🇬

منذ 3 أيام

شعور آسف

عبّر عن شعورك بشكل مجهول

هاي 
النهارده ولا المفروض اقول امبارح المهم يوم الجمعه كان فرحتنا المنتظر كان عزال اول بنت في عيله بابا او اول واحده ربنا ينصرها وتتجوز وصح كان عزال وكتب كتاااب بعيدا بقى عن الدجي اللي محتاج هو محتاج حاجه وخلاص بس ده كان احقر حاجه حصلت يعني بعد ما قعدت على تيك توك شهرين واحفظ اغاني وتريند واسمع احمد سعد واخرج من مود ابله نظيره اللي مش حافظه اغاني دي وصراحه قولت استغل العزال وانهي على حوا الرهاب الاجتماعي اللي عندي ده بس بجد الديجي الحقير الله يسامحه شغل اغاني مسمعتهاش قبل كده تعب الشهرين راح على الفاضي وانا خدت بعضي وروحت وقفت في كورنر على جنب اسقف وابتسم وخلاص اممممم في منظور كل اللي حواليا انا شبه صنم بيستقف وراسه في الأرض وخلاص اممم عندهم حق الصراحه لسه اخويا الصغير بيقولي هو انتي محطتيش ميكب مع البنات لييييه اماااا جيل قليل الادب بحق بس خلاص عاوزه احكي من منظور انا بقى

كانت عروسه شكلها تحفهه الوقت بيعدي بسرعه موتت وهي بترقص وبتغني مع صاحبها حسيت اني بدمع للحظه مش متخيله اني كنت هعيط علشانها كأننا كنا صحاب اويي ده يادوب بنسأل على بعض كل فين وفين كل حاجه فيها كانت مظبوطه ماشاء الله يعني لحسن تولع دلوقتي بس بجد لفه الطرحة والفستان وصراحه بيني وبين نفسي فرحت اوييي للمه صحابها حواليها وصح انا شربت علبتين عصير تفاح من الليله دي كلها وشوفت ولد صغير قمور بشكل فضلت ارخم عليه في الكورنر اللي بسقف فيه ده وبعدين ربنا رزقني بتالت علبه عصير وانااا اديتها لهذا الطفل بس لأجل وسامته الطبيعيه غير كده انا مبحبش الاطفال والسماء من فوق والشجر حواليها كان احلى من زحمه الناس والرقص والعرق تحت حسيت اني عاوزه اهرب واقعد في بلوكنتي او اطلع السطح وخلاص وأفضل ابص للسماء والشجر والشمس اللي بتلمع ورق الشر والبيوت العاليه بطوبها الأحمر والعشش بتاعت الحمام وعمو وهو ماسك علم وبيرفرف بيه والحمام بيطير حواليه لحد ما فوقت على كف على ظهري من ماما اني انزل لساحه المواهب بتاعت البنات دي وارقص او اسقف حلو بدل تسقيف تحيه العلم دي بس كده وصح خمنوا  حاجه اليوم خلص 
وبعد بكره مش عارفينه والنهارده مجهول فااا تمام 
باااي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_72867 🇪🇬

منذ 4 أيام

شعور مكسور القلب

عبّر عن شعورك بشكل مجهول

انا بكلم بنت وبحبها اوي 
كنا ٢٤ ساعه مع بعض لمده ٨ شهور ومره واحده اتغيرت معايا بقت باردة في المعامله فضلت وراها شهر بحاول اعرف في ايه 
قالتلي انها حاسه بتأنيب ضكير عشان علاقتها حرام وابوها بيصعب عليها انها بتغفله وكده وقولتلها خلاص اكيد دي حاجة هتبسطني انك كده كويسة ومعرفتنيش من زمان ليه وبعدنا فعلا 
بس انا فضلت شاكك انها ممكن تكون بتكلم غيري وبعتلها اكتر من مره اشتكي وهي كانت بتطمني ونقعد نتكلم ونحب في بعض وتقولي كلام كتير اوي كان مطمني جدا وكنت كل فتره بحب ادخل ابعتلها اخد الجرعه دي 
لحد ما جه عيد ميلادي ومن يومها اتغيرت خالص اسلوبها واعاتبها ترد وحش وببجاحه وتقولي مش انت لوحدك الي تعبان وكلام من ده 
المهم اننا لما سيبنا بعض بسبب انه حرام هي حطت بروفايل اكتر من مره على السوشيال وكنت بدخل اتعارك معاها كل مره 
لحد ما من اسبوع من كتر خناقتنا وانها مبقتش تطمني زي الأول اتفقت معاها اني مش هيعتلها تاني خالص واستنى لحد ما اتقدم واتفقنا على ده 
المهم انا جيت بعد ده بإسبوع بقا لقيتها حطت بروفايل على التيك التوك للمره التالته او الرابعه ومعرفتنيش وحطت نفس الصورة الي اتعاركت مغاها قبل كده بسببها وكمان عملت اكونتها بابلك 
ولما عملته بابلك لقيتها عامله ريبوست لحاجات كلها اغاني وكده
اه حاجة اخيره هي انا كنت عندها تيك توك قبل كده وقالتلي اخوها شافني وهتشيلني عشانه وكده و انا وافقت وقالتلي متزعلش هعمل اكونت ليك انت بس تبقا فيه ووافقت وهي معملتش وعاتبتها اكتر من مره قالت مش عاوزة تعمل عشان متعمليش ريبوستات فيها اغاني مع ان اكونتها لما بقا بابلك لقيته كله اغاني وكمان منزله بوست اغنيه وفيه كلام حب من ده وكده 
طب ازاي اخوها شاف البوست ده  و عادي يعني بس  انا قالها تشيلني؟؟؟
 انا دلوقت بموت وبعت عاتبتها امبارح طبعا بقت بترد في العتاب على حاجات وحاجات لا ومش بتعترف انها غلطانه والاسلوب الي قولت عليه من شوية انها بقت مش حلوة فا المهم قالتلي انا برا مع اهلي لما اروح هكلمك واتفقنا على ده والكلام ده من الساعه ٣ الفجر امبارح عدى عليه حوالي ٧ ساعات وهي لحد دلوقت قافلة نت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_66883 🇪🇬

منذ 6 أيام

شعور متوتر

عايز اخد رايكم ف حاجه وف نفس الوقت تفهموني بما أن هنا دايما بطلع كل حاجه معايا انا خطيبتي الأولي كانت كل شويه من ساعه م فشكلنا تخش علي اكونت التيك توك وبيظهرلي وكنت مكبر دماغي واحنا داخلين علي سنه ونص مفشكلين المهم انا الفتره دي بعد بعدي عن كل حاجه انعزالي مبقاش عندي غير تيك توك وكمان مسحت كل حاجه م

Cookies_72215 🇪🇬 امسح المسدج والباب الي تقفله متفتحوش تاني نصيحه من اختك

عرض الكل 11 نصيحة

Strawberry_71981 🇪🇬

منذ أسبوع واحد

شعور مستنزف

عبّر عن شعورك بشكل مجهول

مبكلموش علشان حرام ونقل مدينة تانية بعيد وبقى متابع بنات كتير وهما كمان متابعينه من نفس المدينة اللي هو نقل فيها كل تواصلنا كان في ريبوست التيك توك بس بعد ما شوفت البنات دول مبقتش اعمل اي ريبوست يخصه وهو عمال يعمل ريبوستات ويكتب في البايو بس انا مش برد عليه خالص قلبي بيتقطع بس هو خلاص مش مكتفي بيا وبيصاحب بنات تانين حتى لو هو مش مرتبط بيهم يكفي انهم صحابه وبيتقابلو واصلا المجتمع هناك كدة والصحاب وحشين اوي هناك انا خلاص هبعد ومش هرجع تاني اوقات بفكر لو مكنش الموضوع حرام كان زماني انا اللي بكلمه ومش هيبص لاي بنت تانيه انا حرفيا  معرفش عنه حاجة غير هو عايش فين معرفش حاجة عن حياته اصلا والفكرة اننا لسة صغيرين هو تانية ثانوي وانا اولى ثانوي متدايقة اوي ان هو بعد كل ده مطلعش بيحبني بجد ومكتفي بيا وعاتبته بس مبينتش صراحة أنه على الموضوع ده معرفش اصلا هو فهم ولا لا بس بردو مشالهمش حتى لو شالهم انا عارفة أنه ممكن عادي جدا يعمل اكونت تاني ويضيفهم عليه أو يقابلهم في الحقيقة غير بردو أنه متابع بنات كتير اجانب لبسهم مش حلو هو على التيك توك متابعني انا بس وبنتين تانين قرايبه اكبر منه ومؤخرًا تابع بنت كمان اعتقد انها من نفس المدينة بردو بس هي مش متابعاه وهو متابعني على التيك توك بس انا مش متبعاه بس التلميحات اللي بيلمحها ليا انا وهو عارف ان انا لما كنت بلمح كان ليه هو بردو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_71981 🇪🇬

منذ أسبوع واحد

شعور لا مبالٍ

عبّر عن شعورك بشكل مجهول

لما كنت في تالته اعدادي في ولد ظهر في حياتي فجاه ما كنتش اعرفه ما كانش من نفسي قريتي هو اكبر مني بسنه وكان بيروح لبعض الدروس اللي انا بروحها اعجبت بيه قوي ما كنتش اعرف اسمه ولا هو منين حتى وكان بينا نظرات والكلام ده كان في شهر 11 اللي فات بعدها بشهر بعتلي طلب صداقه على فيسبوك وشالوا على طول تقريبا كان الهدف اني اشوف الاكونت بس يعني عرفت اسمه وطبعا شفت الانستجرام بتاعه وبعدين لقيت اكونت  التيك توك بتاعه ودخلت على الاكونت وكنت فاتحه زيارات الملف الشخصي علشان يبانله الاكونت بتاعي ووقتها كنت بعمل ريبوست لاغاني رومانسيه هو ما كانش بيلمح بس من وقت للتاني كان بيدخل يعمل ريبوست على حاجه انا عامله لها بوست من الحاجات الرومانسيه وكان بيكتب حاجات في البايو بالانجليزي مش فكراهم كلهم بس منهم مثلا I wanted to tell you something but I can't

وبايو تاني بردو انا فكراه just sending me a message. I don't tell anyone
طبعا انا ضايقت جدا من البايو ده بالذات وحسيت ان هو بيلعب بيا وكده فطبعا ما ردتش عليه وما اديتش اهتمام بالبايو ده عدد الشهور وجه شهر 4 في الاخر يعتبر اول خمسه بدا ان هو يلمح صريحا كنت بحسب ان هو يقصد حد ثاني بس لا كان بيلمح لي انا وتابعني وكنت انا البنت الوحيده اللي هو متابعها على التيك توك غير مثلا اثنين قرايبه تانيين اكبر منه تعرفي ساعتها ان هو بيلمحلي فابتدي اعمل انا كمان ريبوستات وفي مره دخلت على الانستقرام لقيته متابعه بنات كتير اجانب ولبسهم وحش فانا عملت ريبوست بلمح فيه ان انا شفت اللي هو بيتابعهم وان انا متضايقه وبعدها دخل مسح كل البنات اللي هو بيتابعهم ساعتها اتبسطت تعدي الشهور واحنا مكملين وخدنا الاجازه وما بقيناش نشوف بعض خالص بعد ما كنا بنشوف بعض يومين في الاسبوع بس وكنت عارفه اني هشوفه تاني في شهر 8 مع بدايه الدروس ف من شهر من بدايه شهر 7 قلت انا هتقل ومش هعمل ريبوستات ليه تاني لمده شهر وهشوف هل هو فعلا بيحبني وهيستحمل ده ولا هيسيبني وخلاص فطول الشهر كان عمال يعمل ريبوستات ويحاول وانا كنت قطعت اني اعمل كدة ريبوستات لفترة فقلت انا مش هعمل ريبوست خالص لحد ما اشوفه على الحقيقه في اول شهر 8 مع بدايه الدروس لكن اتفاجئت في اخر شهر 7 انه نقل وما بقاش عايش في القريه اللي جنبي وعاش في مكان ثاني بعيد واني كده مش هشوفه تاني خلاص زعلت جدا 
دخلت اشوف اللي بيتابعهم لقيته متابع بنات بس المره دي بنات من نفس المدينه اللي هو راحها وفي سننا واكيد كده هو بيقابلهم وبيكلمهم وان دول كده صحابه حتى لو مش مرتبطين بس هما اكيد صحابه والمجتمع في المدينه اللي هو عايش فيها دي مش كويس ومن اول شهر تابع بنات وهم متابعينه مع اني لما كنت قاطعه من فتره اني اعمل له ريبوست كنت مقررة اني هعمل ايه بوست ليه تاني ونرجع زي الاول وكنت مبسوطه انه ما سابنيش وزهق لمده شهر فعملت ريبوستات فيها عتاب وكدة وهو برده عمل ريبوست بيقول والله لو قدامي عيون الدنيا كلها مش هبص غير لعيونك بس طبعا انا مش مصدقه اي حاجه من اللي هو بيقولها وعمل ريبوستات  تانيه غير ده وانا قفلت جدا منه وما بقتش ارد عليه بأي ريبوست وكتب في البايو امبارح you don't understand and I can't explain 🙄 بنفس الايموشن ده 
انا عامله نفسي مش واخده بالي من اي حاجه بيعملها ولا حتى ناويه اعاتبه لان حتى لو لو هو عملهم ان فولو ممكن يعمل اكونت تاني ويضيفهم عليه وممكن برده يقابلهم في الحقيقه عادي وانا مش عايزه اضيع وقتي ولا مشاعري مع حد غلط وللمعلومه انا مش بكلمه علشان حرام ولو الدنيا اتقلبت عمري ما هكلمه علشان حرام 
وعرفت كدة ان عينه مش مليانة ومش بيحبني بجد 
سبحان الله ربنا جعلني ما اعملش اي ريبوست الفتره اللي فاتت وده خلا تعلقي بيه يقل بكتير عن الاول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_66883 🇪🇬

منذ أسبوع واحد

شعور مرتبك

سؤال ومحتاج عليه اجابه منطقية وتفاصيله.. دلوقتي انا خطوبتي التالته بقالي كده شهرين متفشكله تمام وكان اللي فشكلها البنت مش انا والسبب أن هي بتقول مش متفاهمين وطلعت فيا القطط الفطسانه المهم انا انعزلت عن كل حاجه بسبب اني دخلت ف دوامه اكتئاب واتغيرت جديا جدا وقفلت كل اكونتاتي علي السوشيال ميديا من فيس

Sugar_71625 🇪🇬 امها شرياك وزعلانه عليك وبنتها لا سيبك وريح دماغك واعمل لامها بلوك

عرض الكل 12 نصيحة

Nutella_60275 🇪🇬

منذ أسبوع واحد

شعور مكسور القلب

هتجنن يا جماعة بقالنا انا وهو اكتر من شهرين و نص قاطعين كلام خالص و آخر مرة فضلت اترجاه ميسيبنيش و سابنى بردو و قبلها ٤ شهور متواصلين بحاول أرجعه و مش عارفة و بعد ما قطعنا بحوالى شهر دخل على بروفايلى على تيك توك و عملى لايكس و بقى بيشوف كل ستورى بنزلها لكن مش بيتكلم خالص و شال بلوك الفيسبوك و الماسن

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

النهارده بفتح التيك توك بتاع الاكس لقيتو حزين فا قولت لي كدا يعني ده المفروض مبسوط معاها لي عامل ريبوست حزين كدا فا دخلت عندها لقتها هيا كمان نفس الموضوع المهم شكلهم سابو بعض 
انا فرحت فرحه علي حزنو  و كسرتو دي مش هفرحها لمه اجي اتجوز الي بحبو بجد فرحت من كل قلبي و افتكرت كل دقيقه كنت بعيط عليه فيها و كل مره اخش عشان اصلح و هوا يعملني وحش و اقولو بحبك يستهزء ب كلامي و كل مره كان يبق متخانق معاها و يجي يكلمني عشان عارف اني بابي مفتوح في اي وقت لحد ما عمل موقف خلاني مش ابطل احبو خلاني اكرهو اكرهو من كل قلبي بجد كرهتو لدرجة اني دلوقتي مبسوط اوي اني شيفاه كدا شيفاه مش مبسوط في حياتو و الي اتمنيتو لي حصل اتمنيت انو يحبها حب مش طبيعي يعشقه حرفين و ميبقاش معاها قبلو و عقلو معاها و هوا لا اتمنتيت انو يبق هيموت و يكلمها و مايعرفش و ده فعلا الي بيحصل و الي انشاء الله هيفضل يحصل طول عمرو يفضل يتعلق بحاجات و ميعرفش يطولها  مش بتمنالو الخير ابدا و انشاء يفضل كدا طول عمرو يا رب بحق حرقت قلبي و كل دمعه نزلتها عليه يتحرك قلبو و عشتو و كل حاجه بيحبها يتحرم منها.....  بجد مكنتش متوقعه اني اوصل  لي مرحلت اني اكره حد بي الشكل ده بس كرهت اكتر انسان حبيتو اكتر انسان كنت ممكن اعمل اي حاجه عشانو لو كان عوزني اموت نفسي و ده هيريحو كنت عملت كدا لكن دلوقتي مش بتمنالو والراحه ابدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_68195 🇪🇬

منذ أسبوعين

شعور متوتر

سلام عليكم كنت عايز اسئل سؤال هل لو ذاكرت في ٣ ثانوي كويس كده وراجعت وشديت نفسي هقدر اجيب كليه طب بشري او اسنان حكوميه اصل بشوف ناس كتير بتقول انها بتذاكر من اول السنه وواخدينها جد وبلاقيهم جايبين ٧٠٪ علي التيك توك فا انا خايف معرفش اجيبها انا كنت شاطر وجايب ٢٦٠من ٢٨٠ في ٣ اعدادي ومكنتش واخدها جد او

Apple_68654 🇪🇬 صلي على النبي مجموعك وكليتك دي حاجه مكتوبه من قبل ما تنولد انت سعي وربنا الأصلح والانسب ليك هيديهولك

عرض الكل 6 نصيحة

Banana_67558 🇪🇬

منذ 3 أسابيع

شعور مكسور القلب

دلوقتي الاكس مبلكاني ف انا ديما براقبها ف انا دخلت الاكونت بتاع التيك توك لقيتها عامله ريبوست ع اخر فيديو عندي الي انا عامله ريبوست ببص ف الاك الي مبلكاني عليه اسمها ظهر وصورتها وبعدين اختفو تاني معني كدا ايه وهي مبلكاني من كل حته انا بقا عايز افهم هل فيه فرصه ف الرجوع ولو رجعنا مين الي هيبادر علشان

Onion_67535 🇪🇬 جرب تكلمها فأي مكان مش عاملة عليه بلوك ممكن تليجرام مثلاً

عرض الكل 13 نصيحة

Mango_46147 🇪🇬

منذ 3 أسابيع

شعور مرهق

خذلت اهلي.. من "أول الدفعة" لـ "شلت مادتين"... ازيكم يا شوباب، نبدا في القصه على طول أنا طول عمري كنت البنت المؤدبة، الي بتمشي على العجين متلغبطهوش. طفولتي كانت عبارة عن مذاكرة، نوم، تنضيف، أكل، وهكذا دواليك. أكبر همومي كانت لو صحابي هيلعبوني في الفسحة ولا لأ، أو لو نقصت درجة في امتحان الدراسات ا

عبّر عن شعورك بشكل مجهول

خذلت اهلي.. من "أول الدفعة" لـ "شلت مادتين"...
 
ازيكم يا شوباب، نبدا في القصه على طول
أنا طول عمري كنت البنت المؤدبة، الي بتمشي على العجين متلغبطهوش. طفولتي كانت عبارة عن  مذاكرة، نوم، تنضيف، أكل، وهكذا دواليك. أكبر همومي كانت لو صحابي هيلعبوني في الفسحة ولا لأ، أو لو نقصت درجة في امتحان الدراسات اللي فات.

بعد سنين من التفوق، جات اللحظة اللي أهلي كانوا مستنينها بفارغ الصبر، مجموع طب بشري أول ضاكتورة في العيلة. و لاول مرة، احس ان اهلي فعلا فخورين بيا 
سافرت وقعدت في سكن، وأول شهر في الكلية كان عسول، البالطو الأبيض، الحصه اللي بقت "محاضرة" ، الميس اللي بقت "دكتورة"، مفيش درجات على الحضور، مفيش يونيفورم، والفصل بقى "مدرج" حاجة كده آخر جمدان! حسيت إني كبرت، ونضجت، وإن الحياة فتحتلي دراعتها.
لكن يا فرحة ما تمت... سرعان ما انتهت حلاوة البدايات ولقيت نفسي في المعمعه. محاضرات بتتراكم ، ومجرد إني أعيش بقت مهمة صعبة. مشاكل مع صحابي، ومع أهلي اللي بقوا بعاد عني، وفكرة إني مسؤولة عن الطبخ والطلبات والتنضيف والدراسة والتنقل، بعد ما كنت دلوعة أهلي... بقت مخلية مجرد فكرة إني أصحى من النوم، متعبة. 
بدأت حبة حبة، أتعب نفسيًا. في الأول كان على خفيف كده مش جامد، بعيط أحيانًا، بنام 16 ساعة بسبب المذاكرة المتراكمة، بختفي ومش بكلم حد، بقعد على التيك توك 10 ساعات، مبأكلش . الحياة كانت ماشية على استحياء، كإنها بتعمل عليا جميل.
جات نتيجة الترم الأول، اللي كنت بحسب إني سقطت فيها، بس لأ، جبت "جيد". مش حلوة، أهلي كانوا متوقعين أكتر، بس أنا كنت طايرة بيها، لأني فعلاً كنت بحسب إني شلت الترم كله. 
الترم التاني جه، وكان أتقل وأصعب، وجه بتعب نفسي أشد. خوف، تفكير زايد، والموضوع وصل لمراحل خطيرة لدرجة إني كنت بسأل نفسي "ايه الفايدة إني أعيش؟ ليه؟ أنا هنا عشان أعاني بس؟". الحمد لله إني كنت في الدور الأرضي ومقدرتش أرمي نفسي. اللحظات دي كانت كفيلة إنها تدمر أي حد، وكنت حرفيًا بحارب نفسي كل يوم عشان أقدر أكمل.
المهم، خلص الترم التاني، وفرحنا وهيصنا وحسيت إن العذاب انتهى أخيرًا. بس... أنا حليت وحش أوي. هل ربنا هيسترها معايا المرة دي وهينجحني؟ ولا لأ؟ قعدت أول شهر في الإجازة مش بعمل أي حاجة بالمعنى الحرفي، حتى الأكل مش بأكل، قاعدة على الموبايل وبس. لحد ما النتيجة نزلت: شايلة مادتين من أصل أربعة. أول مرة كلمة راسبة تتكتب جنبي. أول مرة أحس إني مش بس خذلت أهلي — أنا خذلت النسخة الصغيرة مني اللي كانت بتمشي على العجين ما تلغبطوش.

ماما لما سمعت قالتلي: «حسبي الله ونعم الوكيل فيكي ليه؟ ليييه؟» وقفلت السكة. بابا مردش عليا. قلبي اتحرق عليهم أكتر ما اتحرق عليا.

دلوقتي هم متقبلين اللي حصل وبيشجعوني أذاكر السمر وأقوم من هنا. مش نهاية العالم في نظرهم ، بس في دماغي أنا حاسة إني فقدت أعز حاجة كانت عندي: إني شاطرة. إني «الأولى». إني قد توقعاتهم.

أنا مش بقول إن أهلي وحشين ، والله كانوا ولا زالوا ظهر ليا، بس يمكن أنا اللي مخي ضلم عليا أكتر من أي حد.

حابة أسمع منكم ، حد حس كده قبل كده؟ إزاي الواحد يرجع يقف على رجليه ويذاكر وهو مش عايز حتى يقوم يشرب مية؟ إزاي تراضي النسخة الصغيرة اللي جواك لما تحس إنك خذلتها؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_64776 🇪🇬

منذ شهر واحد

شعور غير مكتمل

انا حبيبي خاني من ٦ ايام مع حد من التيك توك و نزل قابل الحد ده و قعد معاهم و مش عارفه حصل حاجه بينهم او لا بس انا عرفت بطريقتي و بدات اني اختفي و هو يسأل و عدي ٦ ايام ع الموضوع و انا اليوم بعت له كل حاجه انا عرفتها و سكرين شوت من صور له فى نفس المكان المقابله بس هو للحين ما شاف الواتس اب خالص و

Hazelnut_64540 🇪🇬 طلامه خان خلا اقلبي اقطعي علقتك بي

عرض الكل 17 نصيحة

Sugar_63358 🇪🇬

منذ شهر واحد

شعور غاضب

بجد بقيت لم بشوف تجارب الناس الاكبر مني وبنات الجيل الجديد وانا في ناس كتير مبقتش بتشوف ان الحرام حرام وبنات كتير بيكلمو شباب وبيتكلمو في كلام مينفعش اكيد عارفينه وبحسه انه بقا عادي وينزلو فديوهات هزار في الكلام دا علي تيك وانستا هو بجد الحاجات دي بقت عادي اومال احنا كا شباب هنتجوز مين يعني هنلاقي

Marshmallow_73514 🇪🇬

ايه العيوب الجسدية اللي ترفضوا بنت بسببها؟

سؤال للشباب ايه شكل فتاة احلامكم؟ انا واحدة مش عايزة اتجوز علشان مش واثقة ف نفسي ولا جسمي من كتر الكلام والكومنتس السلبية بتاعت الشباب على البنات وبنات كتير زيي يعني ايه العيوب الجسدية اللي ممكن ترفضوا بنت بسببها حتى لو هي شخصية حلوة؟ ...عرض المزيد

0 الدعم

1 نصيحة

Mango_70196 🇪🇬

أنا عايز شريك حياتي يبقى إيه؟ رأي واقعي

سؤال ايه مواصفات شريك حياتك؟ مثلا كشاب عايز بنت طيبه مثقفه طموحه عايزه تطور نفسها بتحب القراءه بحس أن فكره حد المواصفات في الشكل غير واقعية فعليا لو الطرفين متقبلين بعض الشكل مش هيفرق اوي انت/ي ايه مواصفات شريك حياتك؟ ...عرض المزيد

1 الدعم

9 نصيحة

Hazelnut_63122 🇪🇬

انا فاضي و نفسي اتكلم مع حد

انا فاضي لو حد عايز يتكلم او يفضفض تبتبتروتيتيتبتيتبتبتبتبتببترترترترتتررننرنررننننينينينينيتيتيتيتنينيتيتيب يتبتيترويترتبتيتبب ي بيبينيتيتيتيتبتيتيتبي ينينينبنبنينبنينبنبنينبنيهخحححححكيتيايتيورعرزرهؤزؤنؤنممؤمؤمزؤتخيكزرروور نينيعيوينؤهؤتؤ ...عرض المزيد

1 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع