بجد انا عايزه اسمع رأي كل الناس و بلاش حد يهاجمني ونبي اتكلمو معايا انا مرتبطه بواحد و بحبه جداً بس انا باخد منومات انا و اختي من ورا اهلي بقالنا فترة كبيره ف المهم الي انا مرتبطه بي دا عارف بس بيحاول يخليني اوقف و كدا المهم هو كان بيكلمني امبارح بليل متأخر و قالي اجيلك و كدا و انا قولتله بس ان الباركينج عندنا ضلمه جدا و جدا مش فاتحين في النور خالص ف انت هتشوفني انا مش هعرف اشوفك بس كنت بقوله تعالي بردو المهم و هو بيكلمني بيقولي اجيلك امتي قولتله دلوقتي حالا براحتك قالي بس انا موبيلي هيفصل و كدا هو كان وقتها الفرق بيني و بينه ١٠ دقايق بالعربيه ف هو موبيله فصل و عدا اكتر من ساعه و هو كان تعبان جداً ف انا خوفت عليه جداً لأن كان عدي و قت كبير و انا واقفه مستنياه و مبيجيش كلمت اخوه قولتله هو اخوك في البيت قالي لا قولتله طيب هو كان تحت البيت ممكن بس تشوفو عشان هو كان تعبان جداً احسن يكون نام والا حصله حاجة في العربيه المهم ايه فضلت اكلم اخوه و اخوه قالي انه مش في الباركينج بعدها عرفت ان اختي طالبه اوردر و كدا مع بتاع ديلڤري هو بتتعامل معاه من زمان اوي هو عيل بنسبلها ياعني ف كانت حكياله موقف بيني و بين حبيبي دا بالصدفه ياعني عشان كنت بحكيلها و هو معاها علي الخط المهم الي بحبه دا جيه و بتاع الديلڤري جيه الي بحبه كان جايبلي حاجات كدا انا فضلت احدفله في سلوك شواحن و هو في العربيه و مش راضيه اخد الحاجة عشان يفتح موبيله اقوله ان في ١٢٣ بيحصل و ان بتاع الديلڤري و اختي عايزه تاخد الحاجة و كدا و هو موبيله مفتحش و شافه و انا فضلت اقول لأختي خليه يمشي دلوقتي خليه يمشي ونبي وهي مرديتش و الي انا بحبه دا راحله ف الولد بيتكلم بعشم و بيقوله دي بتحبك دا حتي و قام حاكيله الموقف الي حصل بيني و بين حبيبي و بتاع المهم حبيبي قام اداني الحاجة الي كان جايبها و مشي مع العلم انه عارف اني تعبانه بقالي فترة جامد و هو كان عايزنا نروح لدكتور ف و هو بيتخانق معايا امبارح انا تعبت جدا و فضلت اقوله ونبي افهمني و براحه انا تعبانه انا والله مكنت اعرف و حاولت اقولك معرفتش اعمل ايه و هو يشتم بس و بعد كدا و احنا بنتكلم قولتله انا هحجز الدكتور بكرا و نروح و هو مردش عليا و انا كنت حجزته فعلا و بعدين هو قفل و انا تعبت جدا جدا و كنت بموت بجد طول الليل و اختي كلمته قالتله حقك فوق راسي و انا اسفه و اني مكنتش اعرف و حلفتله و بعدين لما انا تعبت مكنش في عيره يلحقنا ف اختي فضلت ترن عليه و تبعتله مسدچات كام قافل موبيلههو موبيله ممكن يكون فصل شحن من كتر الرن و بعدين رن عليا مره رجعت كلمته مردش وبعدين رجعت كلمته بعدها بكتير قولت يمكن نايم رجع هو كلمني بعد كتيير اوي فضل يقولي روحي كلمي بتاع الديلفري قولتله انا عايزه اشوفك و فضلت اتحايل عليه ساعة و نص اني اشوفه و اني محتجاه معايا او حتي اشوفه قبل الشغل ولو هشوفه و هيرجع شغله موفقش ابداً مع العلم هو بيرجع من شغله بعد شهر انا بجد مش عارفه انا غلطت في ايه حتي الدكتور انا مش هعرف اروح لوحدي و مكنش ينفع بنسبالي غيره يجي معايا :) معلومه هو بيشتغل مع خاله ياعني كان ممكن يحاول بس هو حتي محاولش :) ولا حتي وافق اني اشوفه ٥ دقايق تحت البيت مع العلم تاني هو مش هيرجع غير بعد شهر .. 💔

4

3