خناقات

Strawberry_77778 🇪🇬

منذ 3 أيام

شعور مكسور القلب

انا مش حاسه بالامان، جوزي لما بكلمه في مشاعري من ناحية آذية مامته ليا الموضوع بيتقلب خناقة و كل مره يقولي انه هيصلح الموضوع ده و انه هيتكلم براحة بس مش بيحصل. شوفت رسايل بعيني من موبيله غلطت فيا انا و مامتي معاه و قولتله يحط حدود معها في علاقتنا بس هو مش عايز. الموضوع بقي متعب نفسيا لدرجة كبيرة.

Coffee_25647 🇪🇬 انا جايالك ومن المستقبل وبقولك لو محاولتيش تاخدي موقف منه مامته هتتمادي في اذيتك جداً وهتظلمي نفسك اوي، حاولي تاخدي موقف و متتراجعيش عن قرارك غير لما يتعدل

عرض الكل 6 نصيحة

Avocado_62037 🇪🇬

منذ 3 أيام

شعور منزعج

سؤالي للبنات لأنهم هيفهموني اكتر بس عايزة نصيحة من الكل طبعا جماعة بتعملو ايه لو عندكم اخت فرق السن بينكم وبينها 10 سنين قليلة الادب وأسلوبها كله هجوم عليكم وتريقة ومعايرة سواء ب عدم الجواز أو ب تجارب شغل فشلتو فيها ( الشركة هي اللي مشتني بسبب مشكلة مع عميلة ) وده وقت الخناقات بالنسبة للوضع العادي

Sugar_33326 🇪🇬

منذ 6 أيام

شعور متوتر

عبّر عن شعورك بشكل مجهول

انا عمري محاولت علشان حد دايما الترف التاني هو اللي بيحاول علشاني وفي وسط كل ده حبيت واحد بس كان بيكلم بنات وأنا اصلا مش بتفرق معايا كتير المشاعر سبته وعادي لي احاول واللي بيحاولوا علشاني كتير وانا اللي مش عاجبني عديت كتير بس معرفتش انسه مع أن مفيش مواقف كتير بينا ولا حتي كلام كتير بس دايما بحس في حاجه شاداني ليه وبعدين فكيت البلوك قولت اسبوع لو  مش ملاحظ اني شلت البلوك خلاص هعمل تاني وعادي لقيته بيرن عليا بعدها بيوم وقعد يقول انتي اقفلي فجأة وبتاع رجعنا بس حسيت ان في سرعه يعني مش بنتكلم كتير بس عايز يكلمني كول دايما وأنا اكيد مش هتكلم كول 24ساعه عندي حاجات كتير اعملها قال نتقابل وكده رفض قعد يتغط عليا وافقت قعد يكلمني في العربيه هو قدام وأنا في الكرسي اللي ورا كلامه كله عن المشاعر مفيش انتي عملتي اي طول الفتره دي خليته ينزلني وبعدين تاني يوم بردو عايزني أقابله مرضتش وقولت لا ومتفتحش الحوار تاني لما اجي انزل بينزل يشوفني وبعدين حصلت مشكله مع وحده صحبتي وأنا كنت بحل الموضوع هو ادايق وقال انتي مالك انا اصلا كبرته وحكتله علشان يكون عارف قال كنتي قولتي الاول واتخانق معايا وفجأة عملي بلوك انا مش عارفه اصلا انا حاسه بأي دلوقتي بجد يعني اسمه اي ده هو في كده وبعدين انا عمري محد اتعامل معايا كده!!!!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_61278 🇪🇬

منذ أسبوع واحد

شعور ضائع

أنا من شهرين اتعرفت علي واحده وكان في انجذاب بينا كبير لدرجه ان اليوم كله كنا بنقضيه مع بعض وديما كان في اهتمام متبادل وحب مشترك بين الطرفين وعلاقه جميله معداش كتير واعترفنا لبعض بعد تلميحات وارتبطنا وبعد الارتباط بدأت الأمور تبوظ اكتر واكتر ونتخانق كتير ونرجع دا بسبب أن اختلاف الشخصيات واختلاف الرأ

Strawberry_80405 🇪🇬

منذ أسبوع واحد

شعور مكتئب

موضوع:

اكتر موقف من حد بتحبه خلي حبك ليه يتغير

عبّر عن شعورك بشكل مجهول

بصو يا جماعه انا كان عندي بنت خالتو أقرب واحده ليا في الحياه كلها حرفيا بحبها جدا جدا وكنا مش بنجيب بعض وعلاقتنا مفيهاش اني اوصلها او تبصلي في نجاحي او كده المهم انا كان حلمي اني اكون دكتوره وكنت بموت نفسي كل يوم علشان ادخل طب بس يشاء القدر اني مدخلتش طب وطبعا هي كانت بتقنعني بكل الطرق اني مدخلتش طب لانها بيني وبينكم كان نفسها تدخل بس علشان متعملش زي ما أهلها بيقولو انها تدخل طب راحت دخلت كلية تانيه بس وحشه وخاص كمان المهم هي راحت مدينه جميله اوي وانا كان نفسي اقعد غي مكان زي ده و كانت بتقنعني بكل الطرق اني ادخل اي كلية وخلاص المهم الكليات اللي كانت بتقنعني بيها كانت جمب المدينه اللي انى عايشه فيها وانا جالي اكتئاب و كده وبابا دخلني كلية جمبها وهي أول ما عرفت زعقت وقالتلي انتي مش بتحبيها قوليله لا بلاش احسنلك ادخل كلية كذا وانا والحمدلله كنت مكتئبه وقتها ومش فارق معايا سمعت كلام بابا و  بعدها لما كنت ابقي قاعده فتجمع عائلي كان في ولد قريبنا وكده هي بتحبه جدا بس بتمثل انها مش بتطيقه المهم هو لما بيتعامل معايا بيتعامل معايا كويس وبلطف جدا علشان انا أصغر واحده في العيله ده غير اني عندي اكتئاب هي بقا بقت تتخانق او لما حد يسألني تتكلم هي بصوت عالي علشان تخلي محدش ينتبه ليا و بقا مبقتش ترضي انها تخرج معايا خالص كل ما اقولها تقولي لا مش هينفع رغم أنها فاضيه وحتي عيدميلادي لما انزل ستوري كانت تشوفها ومتردش ومن وقتها واحنا مش بنتكلم حتي في التجمعات

Strawberry_69683 🇪🇬

منذ أسبوع واحد

شعور محبط

ياريت يا جماعه تقروا للاخر قبل رايكو انا خاطب بنت الحمد لله محترمه و كانت خاتمه القران وهي صغيره بس نسيته المهم انها مؤدبه و عارف اخلاقها كويس جدا بس المشكله اننا مش متفاهمين نهائي لسه عقلها صغير و عاطفيه جدا عشان مخرجتش ول ااحتكت بالناس برا و رومانسيه زياده علي اللزوم لكن انا مش كدا انا اصلا مكن

Avocado_78920 🇩🇿 لا ممكن هي تكون محتاجة اهتمام و انا بنت و مرت عليا نفس الحالة بس لازم انك تهتم فيها و تدللها و تعاملها كأنها بنتك و هيك رح تخلص الخناقات و المشاكل اساسا هي مبين انها تحبك و ميتة عليك لو كانت ما تحبك مستحيل تاخد منك موقف

عرض الكل 7 نصيحة

Sugar_49832 🇪🇬

منذ أسبوع واحد

شعور مرهق

عبّر عن شعورك بشكل مجهول

دلوقتى انا عندى اخين 14 ، 11 سنة 
الطبيعى ان هيكون بينهم خناقات الاخوات العادية ، لكن للاسف محدش عرف ينهى الخناقات دى صح ، وصلت انهم بيدعوا على بعض او بيقولوا انهم بيكرهوا بعض عادى وقدام اى حد 
ممكن يتفق مع ابن عمه مثلا عشان يضرب اخوه 
بيضربوا بعض فى الشارع 
ولما الخناقات دى بتحصل قدام امى او حد منهم يروح يشتكيلها بتقوم بردو وتضربهم 
الموضوع بقى بالنسبالهم انتقام 
انا عارفة انهم صغيرين وان لما هيكبروا الوضع هيختلف لكن مش عايزاهم يشيلوا فى قلوبهم من بعض خصوصا ان لو مكنوش سند لبعض مفيش حد هيسندهم 
الحمد لله مؤخرا بدات امى تقلل الضرب عن الاول لكن ابى اللى بدا يركز معاهم اكتر وبردو بيضرب جااامد 
المشكلة التانية ان امى بتشجعهم يفتنوا على بعض ودة واحد من اسباب كرههم دة اكيد 
امى خايفة يعملوا حاجة غلط من وراها فبقت بتخليهم هما يفتنوا على بعض ومش فى السر حتى لا قدام بعض وبتضربهم قدام بعض 
لدرجة انهم بقوا يدوروا على غلطات بعض 
واحد منهم راح لاصحاب التانى يسالهم لو اخوه بيشتم او بيعمل حاجة غلط وقالوله انه بيشتم رجع لامى وقالها وضربته يومها قدامه بالخرطوم وقالتله اخوك اللى بيقول انك ودة حرفيا مخليهم بيكرهوا بعض 
ولو سمعتنى بقولهم الاخوات ميفتنوش على بعض ولما تشوف اخوك بيعمل حاجة غلط تنصحه مش تفتن عليه امى بتزعقلى اناا وهما بياخدوها تحدى سوا 
كلمت امى نفسها ان مينفعش وانهم بقوا يكرهوا بعض قعدت تقولى لما يكبروا هينسوا عادى 
مع ان انا مش شايفاهم هينسوا خالص بجد بيضربوا بعض جامد وممكن يخنقوا بعض 
وانا مش عايزاهم ينسوا وبس ويبقى كل اللى بينهم سلام كل فين وفين وخلاص عايزاهم يحبوا بعض عشان يبقوا سند بعض 
لو كلمت امى فى الاخر باخد على دماغى 
واخواتى اول ما اجيب السيرة كانى بخنقهم كدة 
كل ما اكلم حد يقولى انتى اللى مثالية بزيادة ، خايفة اكون اوفر وتاعبة اعصابى على الفاضى وفى نفس الوقت حتى لو هينسوا لما يكبروا ليه بدل ما يعيشوا طفولتهم حلوة وبيحبوا بعض تبقى حرب بالشكل دة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_32968 🇪🇬

منذ أسبوعين

شعور متعب

استفدتي اي بجد لما وريتيني وشك تاني جات تسلم عليا وتقولي عايزاكي قولت ممكن عايزه نرجع صحاب سمعت منها كميه كلام واكتشفت أنها عايشه دور الضحيه🙂قالت كلام غريييب قعدت تقول انا مخنوقه منك عايزه اقول لمامتك كان نفسي اقولها تعالي قوللها بالله عليك عشان تهزقك انتي ازاي كده وصاحبتنا التالته راحت تقولها

French Fries_71759 🇪🇬

منذ شهر واحد

شعور متعب

ي جدعان هو غلط انى ابقى لوحدى و انى محبش ابويا ليه دعوه بيا انا طول عمرى لوحدى ومبحبش حد ليه دخل بيا لدرجه انى ف مره قعدت فيها تلات شهور ف البيت مش عشان مكتىب و الكلام دا لا بحب اقعد لوحدى اكون لوحدي ومحبش حظ يتدخل ف امورى هو ماله بقا احنا لسا متخانقين و عل فكرا الموضوع كبير وانا بشيل من زمان عل ف

Biscuit_76441 🇪🇬

منذ شهر واحد

شعور مكسور القلب

*بقول اي رد لي ع دي ضروري* حصل وكنا مسافرين ورجعنا كنت انا وتيتا بس المهم تيتا سألت اكم من واحده من اللي راكبين هم من فين قالوا لها راحت قالت لهم طبعا عندكم اخلاق كش زي عديمه الاخلاق دي عليا بالمناسبه انا بحسن الألفاظ الفكرة انس معملتش حاجه اصلا المهم هي هتنزل عند بلدهم وانا قبلها بيوم كنت في الجيم

عبّر عن شعورك بشكل مجهول

*بقول اي رد لي ع دي ضروري*

حصل وكنا مسافرين ورجعنا كنت انا وتيتا بس المهم تيتا سألت اكم من واحده من اللي راكبين هم من فين قالوا لها راحت قالت لهم طبعا عندكم اخلاق كش زي عديمه الاخلاق دي عليا بالمناسبه انا بحسن الألفاظ الفكرة انس معملتش حاجه اصلا المهم هي هتنزل عند بلدهم
وانا قبلها بيوم كنت في الجيم وايدي وجعتني عشان انا لسه بادئه وكان معانا بتاع ٨ شنط سفر وايس بوكس نزلتهم من ال ٥ وبيت تيتا دور ٣ واخوالي فوقها المهم قعدت طول الطريق ١٩ ساعه تنشر غسليلي قلت معلش ست كبيره بقي عيب انطق المهم انا كنت عايزه اروح باريس مش عايزه ابات عندها عشان بالمره يعني اخلص المهم 
ملقيناش عربيه ف هرجع ابات عندها قعدت تكلم اللي قاعدين وابوها مربهاش عايزه تروح ليه
انا مش عايزاها عندي المهم قلت لها خلاص يا ستي الله يهديكي قعدت تزعق وتقول لي هو انا هخاف منك ولا اي الفكره اني قاعده شبه علامه الاستفهام مش عارفه فيه اي المهم
اول ما وصلنا نزلت وواقفه عشان اسندها تقول لي روحي شيلي الشنط للدور ال٣ عشان عيال الاولاد اللي هم ولاد وبنات خالي ميتعبوش المهم اخدت شنطه وطلعت فوق واخولاي ب أولادهم وبناتهم قاعدين قال اي انزلي انتي جيبي وانا كنت ايدي شاده عليا اصلا ولحد دلوقتي مش عارفه العضلات كده مشدوده من ساعه الجيم والدور ٥ المهم طلعت وتاني يوم روحت كلمت ماما تقول لها بنتك مش عايزه تسندني طيب انا كنت واقفه وقالت لي امشي مش عايزه وشك وشيلي الشنط وكمان بنتك سابت عيال أولادي يشيلوا الحاجه اكمني بنت البنت وكده يعني نكره ما علينا كل شويه ترن ع ماما تسخنها عليا وماما تدب معايا خناقه ودلوقتي بتقولي روحي اعتذري انا معنديش مشاكل اعتذر بس انا في اي عملت اي المهم اعمل اي قولفيه تطورات حصلت دلوقتي مده السفر كانت اسبوعين عانيت فيهم من الكلام السئ والشتم من جدتي راحت تستكي لامي لاني كنت مكشره امي ما خلت لي سب ولا دعوه الا ودعت ليه اكشر لما هي تسبني وتشتمني بس المفروض ازغرت يعني ولا اي مش فاهمه وهروح اعتذر لها مجبره انا بجد مش عايزه اعمل كده انا خايفه جدا ومش عايزه اتذلل وفي الاخر متوافقش انا اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_76149 🇪🇬

منذ شهر واحد

شعور مكسور القلب

انا فركشت امبارح😅 كنت بحب واحدة وهي بتحبني جدا كدبت عليها في حاجة كنا المفروض متفقين ان والدتي متعرفش موضوعنا بس انا كنت معرفها عشان تقف معايا في الموضوع ومبقاش بكدب على البنت واضحك عليها هي عرفت زعلت بعدين جت اختي وقعت بيننا وصاحبتها كذلك وبقت تصدق كل حاجة يقولوها عليا لحد امبارح صدقت برضه اني قول

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_76011 🇪🇬

منذ شهر واحد

شعور مهتم

Banana_63629 🇪🇬 دة نسف مبدأ المشاركة ف العلاقات من اساسة 🤔

عرض الكل 5 نصيحة

عبّر عن شعورك بشكل مجهول

أنا مرتبطه وكل شويه نتخانق بدون سبب مع انه شخص كويس وكلم مامتي وكلم بابايا وناوي يخطب بس ساعات بحس انه غير ناضج عاطفيا يعني مش بيعرف يحتويني ولا يحتوي اي زعل يحصل بينا ودايما دايما سواء انا غلطانه او لا يقول انت الغلطانه وانت السبب مع ان كلنا عارفين ان حتى لو البنت اللي معاك غلطانه المفروض انت بتتأسف وعلى الاقل متحسسهاش انها غلطانه ما بالك لو مش غلطانه اصلا!
امبارح اتكلمنا فون وكننا بنهزر وقال حاجه كنا بنهزر بيها عني "أنني زمان وانا صغيره كنت بسمع bts وأغاني كوري" راح قال سلام احنا اخوات انا اتقفلت منك سلام قولتله ده ماضي حقير متفكرنيش بالهبل ده وكننا بنهزر راح قعد يقول سلام سلام سلام قولتله استنى وبتكلم راح مكمل وقالي طب سلام استأذن أنا فقولتله سلام راح قال سلام روحت قولتله سلام اعملك ايه يعني انت مش عايز تسمعني راح قال سلام وقفل في وشي وقفل التلفون وقفل الواتس وبعد كدة فتح الواتس وقعد يقول انت مش طايقاني وبتكلميني وحش وممسكتيش فيا لما قولتلك سلام مع اننا بنهزر كدة كتير معرفش ماله راح قالي لا امبارح كنتي تكلميني بقرف ومش طايقاني مع أنني كنت سهرانه ومستنيه عشان نتكلم لانه بيكون بره مع صحابه كل يوم ومعرفش ماله كل يومين يطلعلي بخناقه جديده على تفاهات وانا حقيقي بتخنق وبتضايق من كتر الخناقات وبحس بقبضة في قلبي وبفقد الثقة فيه اكتر وأكتر مش عارفه اتصرف ازايي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_64545 🇪🇬

منذ شهر واحد

شعور غاضب

ماما لما بتتنرفز بسبب اخواتي ضغطها بيعلى ولما بكلمها تقوم تقلي عاوزه تخلصي عليا كاني انا السبب في مشاكلها وتعد تقولي اني السبب واني مش مقدره أن عندهم مشاكل هوه المفروض اشم ع ظهر ايدي من غير ما هيا تحكي أن عندهم مشاكل المرات اللي فاتت كانت تتخانق معايا كمان بأي سبب وتطردني المرادي حسيت وهيا بتحاول ت

Carrot_71203 🇪🇬 الكلام مش واضح بصراحه ، بس الافضل ان تتجنبى مناقشتها فى حاجه واختارى الوقت المناسب ، وربنا ييسر لك امورك

عرض الكل 2 نصيحة

Apple_75487 🇪🇬

منذ شهر واحد

شعور غبي

انا لسه مفركش بسبب مشاكل حصلت مقدرتش تتحملها حاولنا كذا مره نقرب وجهات النظر معرفناش نعرف بعض من فتره وكانت الدنيا حلوه كل ده حصل في اخر فتره بس هي قفلت من كتر المشاكل ومشافتش حاجه حلوه عملتها قبل كده قولت ناخد فرصه بس رفضت طلعتني بره حياتها في يوم شالتني من كل حته زي ما يكون مفيش عشره بينا ولا حاج

Donut_72014 🇪🇬

منذ شهر واحد

شعور مكسور القلب

أنا بجد تعبت من حياتي، كل يوم في خناق جديد، كل يوم في كلمة تخليني أحس إني ولا حاجة. بحاول أضحك وأبين نفسي عادي قدام الناس، لكن الحقيقة إني من جوايا منهار. بحاول أتحمل وأقول يمكن بكرة يبقى أحسن، بس كل مرة برجع أكتشف إن الوجع أكبر. أنا مش ضعيف، بس خلاص بقيت حاسس إني محاصر ومخنوق في سجن مش بإيدي. الناس

Blueberry_78247 🇪🇬

جوزي بيضربني وواهله بيحسدوني.. أنا فاشلة وعايزة حل

انا فاشلة ف كل حاجة فاشلة اني اكون زوجة واكون أم.. انا متجوزة من 8 سنين وعندي 30 سنة معايا بنتين. جوزي بيسافر وسايبني قاعده ف بيت لوحدي بربيله العيال.. بينزل اجازات شهر فالسنه واحيانا شهر كل سنة ونص لو سنتين.. بارد ف مشاعره معايا عمره مسمعني كلمه او طيب خاطري ومع ذلك محافظة ع نفسي وبيتي واولادي.. مفيش حد من اهله بيسأل علينا ولا بيرفع سماعه التليفون وعمرهم ماتصلوا يسألوا ع ولادي وهو متقبل ودايما يغصب عليا انا اروح بالبنات ومقابلتهم بتكون اوسخ مقابلة وممكن يقوموا ويسيبوني قاعده لوحدي ومينفعش انا اشتكي يااما هبقي بكرههم ووحشة.. كان بيبعت مصروفي عليهم وحاجة ولادي عليهم يفتحوا ويتفرجوا وبعدين يبعتولي عملت مشكلة ومفيش حاجة اتغيرت بروح امد ايدي ليهم اخد حاجتنا منهم.. جه فترة حوش فلوسه فالدهب وعان معايا جزء ومع اخته جزء.. جيت مسافراله من شهر ونص قالي ابعتي الدهب عند اختي انا رفضت وقولتله داري ع نفسك يلاش تكشف كل اللي معاك قدام حد الواحد ممكن يحسد نفسه.. رفض وصمم اني اودي اللي معايا عندها وبعتلي عيل عنده 18 سنه ياخده مني ويحاسبني بالورقة والقلم ويقولي خدت منك كذا.. زعلت وحسيت بالاهانه قولتله اني زعلانه والموضوع ده هيشيلني منه وانا مسافرة.. سافرت والله والله كنت بحاول انسي اني زعلانه واعدي ايامي بس هو اللي واخد عالوحدة دايما ماسك الفون وبيزعق للبنات لما يلعبوا بصوت عالي وبدا يشتكي من المصاريف ومش هتكملوا معايا هتنزلوا بعد 3 شهور مع انه كان واعدني انه واخدني سنه.. كلامه اتغير المشاكل زادت ضربني وبدأ كل يون يضربني لحد مخدت علقة موت كسرلي فيها ضهرى.. وهو عمره ماامد ايده عليا.. بدأ يتصل ع اهلي يشتكي مني واني منكده عليه بسبب الدهب وان دي فلوسه هو وهو حر فيها.. واتصل ع اخوالي فضحني بصحيح العبارة شغل قلب ترابيزة وكدا.. عيشتنا طول الشهر ونص هم وغم وعياط وقرف ومكنتش لا انا ولا بناتي مبسوطين.. جه قالي انه حسد واصحابه بيحقدوا عليه بكلامهم.. جاله سفر ضروري الرياض شغل هناك حجزلي بعد شهر و 17 يوم بالظبط ونزلت مصر ف نفس اليوم اللي هو سافر فيه.. نزلت تعبانه جدا جدا وبقالي 10 ايام مريضة مش بتحرك وهو كل يوم بيتصل وهو مقموص ومش بيكلمني كويس من تحت ضرسه.. جيت النهاردة نتناقش اتفتح فيا وقالي كلام صعب اوي وبردو اني ماديه وبتكلم فالفلوس ودي فلوسه ومش هيرجعلي الدهب عندي.. مع انه كان قايلي قبل مااوديه اني هنزل اخده هو عاينه عندها بس عشان انا مسافرة.. غير كلامه وقال مش هبعتهولك وشتمني وقال اني روحت بوظت السفرية عليه وعليا طلبت الطلاق وقولت متنازلة عن كل حاجه بس سيبني لاني اتبهدلت معاك.. رفض وقالي لما ابقي انزل مصر وراح متصل ع بابايا وقاله كلام كتير محصلش.. بابايا مش برضي ادخله ف اي مشاكل بينا وميعرفش اي حاجه هو بقي دخله.. ونص كلامه كان كذب اقسم بالله مامتي كلمته وقالتله كلام كتير واني عايزة اطلق ومش هناخد منه حاجة هو رفض.. اهله دول بالنسباله احسن مني ومن عيالي.. مع ان والدته متوفيه انا بتكلم عن اخواته البنات.. بابايا طالب مني اسيب بيتي واروح اقعد عندهم لحد مانشوف هنعمل ايه وانا رافضة عشان مدارس عيالي ودروسهم وبصراحه بالرغم من كل ده الا اني بحب جوزي ومش عايزة اخسره هو بس محتاج يتغير وهو والله تعبني كتير اوي وجه عليا هو واهله.. فكرة ان اخته هي تعينله حاجة انا اللي بدفع تمنها من صحتي وشبابي وانا لوحدي ومفيش كلمه حنينه دي وجعاني اوي.. اسفة طولت عليكم بس بفضفض لان عيني ورمت من العياط تنصحوني اعمل ايه ...عرض المزيد

1 الدعم

28 نصيحة

Chocolate_85180 🇪🇬

مخنووقه أوي وحاسه بوجع فقلبي قاتل

مفيش جوايا حاجه معينه بس مخنووقه اووي احساس بوجع فقلبي قااتل اكن روحي بتطلع بالبطئ ديما حاسه اني هموت ف اي لحظه غير اني ديما لوحدي نفسي افوق لحيااتي موقعه نفسي ف مشكله ملهااش حل ديما تعبااني مش عارفه اتصرف عاوزه ارتبط واحب واتحب ديما حاسه اني متحبش معن كل اللي حواليا بيقولو اني حلوه بس انا بجد حااسه اني عاايشه عسان انام واصحي اكل واتزل الشغل واعيط وانام ...عرض المزيد

3 الدعم

26 نصيحة

Strawberry_84757 🇪🇬

نفسي أبطل مقاطع غير أخلاقية وخايفة أموت

السلام عليكم ورحمة الله وبركاته اسفة لو كان الموضوع حساس شوية بس انا نفسي ابطل وهو سماع المقاطع الغير اخلاقية وحاولت كتير وارجع تأتي انا الحمدلله لله ملتزمة شوية لكن الجانب دا مش عارفة اتوب منه وخايفة اموت وانا لسة ماتوبتش بجد ساعدوني انا فكرت كتير اقول لحد مثلا اختي او كدا تساعدني بس اخاف انزل من نظرهم لاني ان شاءالله هتوب في يوم لكن اكيد دا مش هينسوه مش عارفة اعمل ايه انا بجد قرفانة من نفسي جدا انصحوني ب اشياء مجربة لاني بدعي ربنا ...عرض المزيد

0 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع