Grape_54185 🇪🇬's منشور
Grape_54185 🇪🇬
منذ 6 أيام
.
شعور محبط
قربنا من كتب الكتاب ولسا في خناقات كثيره عن انو مش بيشوفني في العلاقه ولا بيحس بيا وكل مره أنا الغلطانه وبرجع اقول لنفسي يا بت دي المره عشان نكمل ، وبيشتكي وأسمعه وهو بيختصرني ولو اتكلمت بيقول دراما وبطلي شغل الحوارات والدرامات ولما احتاجه مش بلاقيه وعنده أساسبه لازم أقدرها وهو بيعمل شغل جاااامد لازم أقدره واثني عليه وماينفعش اطلب منه حاجه اكبر من قدرته ، اعمل ايه يارب هل أنا بضيع في نفسي ولا هم الرجال كدا ، طيب الرجال الكويسين الي بيتكلمو عنهم فين ؟
5
8
Ice Cream_51335 🇪🇬
أفضل نصيحة
.
منذ 6 أيام
باينلك كل حاجه تقول انه شخص استغلالي ومش نافع وانت مكمله وبترمي نفسك في النار برجليكي امشي يا بنتي فسخ خطوبه ارحم مليون مره من طلاق
2
0
Coffee_54186 🇪🇬
.
منذ 6 أيام
كنت هقولك اهربي بس لا .. فكري انتي شايفة ايه وهل عيوبة مناسبة معاكي او لا من كلامك انها مش مناسبة.. وجهة نظري دايما في العلاقات اننا بنشوف العيوب اللي نقدر نعيش معاها ومتبقاش مشكلة كبيرة تأثر على العلاقة .. اختاري العيوب اللي تقدري تكملي معاها .. الناس بتتكلم على المميزات دا طبيعي محدش هيجي يقولك هو كريم بس عصبي مثلا .. الحب بيخلي الناس تعدي عيوب بعض و متفضحهاش مش اكتر ..
1
0
.png)
Mango_53793 🇪🇬
.
منذ 6 أيام
لا بتضيعي نفسك طبعا، اهربي لانك تستحقي الافضل…لو مش موجود وقت ما تحتاجيه يبقى مش سند، لو مش بيسمعك وانتي متضايقة يبقى مش بيحتويكي، لو بيقولك كلام يوجعك يبقى مش حنين ومش مجبرة خالص تثني عليه وانتي شايفاه مش بيعمل حاجة تستاهل ده…لو مش مبهر بالنسبة لك يبقى انتي شايفاه قليل ومش هترتاحي معاه
1
0
.png)
Avocado_53392 🇪🇬
.
منذ 6 أيام
بصي اكتر فتره هيكون في مشاكل هي الفتره دي لحد ما تدخلوا البيت وتكونوا مع بعض الشيطان مش عايز لحد الحلال هو هدفه الاكبر بنسبه ليكم دلوقتي ان حلال ربنا ميكملش عن تجربه واسالي اي حد اتجوز دي اكتر فتره بيكون فيها خناق و مشاكل عند كل الناس مهما كانوا متفاهمين غير ان برضه لازم من الاول حضرتك اصلي استخاره كل يوم
0
0
.png)
Strawberry_53517 🇪🇬
.
منذ 6 أيام
بعيش نفس المواقف ونفس الألم بالاضافه لحاجات تانيه كتير اوي، وحسه اني خايفه اتجوز وقفلت من فكرة الجواز ومش عارفه اتجاوز المشاكل الكتير اللي بتحصل عشان مبيفهمنيش، وبصلي استخاره عشان ربنا يحل أموري ويعرفني الخير فين، بس كفكره انا قفلت مبقتش افرح اما اشوف فرح ولا بقيت احس امتي هبقي مكانها وفقدت الشغف ف كل حياتي
0
0
.png)
Apple_53978 🇪🇬
.
منذ 6 أيام
ده واحد عايز يهرب من العلاقة اصلا ومش عايز يكمل
0
0
التجربة أفضل عبر التطبيق
حمّل تطبيق توهيل على هاتفك لتجربة أسرع
