محتاجه افضفض وتنصحوني لو مكاني هتعملو اي دلوقتي انا عندي 19 سنه طول عمري معنديش صحاب وكتومه ومبعرفش افضفض لحد ومحدش من اهلي قريب مني اني اتكلم معاه يعني حرفيا معندي صحاب ولا معارف حتي من حوالي 7 سنين كان عندي صاحبه واحده وكنت بحبها اوي زي اخواتي وكنا مع بعض ف كل حاجه وكنت واثقه فيها وبفضفضلها و ف يوم حصلت بينا مشكله بسيطه وتافهه جداً كنا عيال وقتها وخاصمتها كانت هي السبب ومع ذلك مجتش صالحتني وكانها كانت مستنيه اليوم اللي نتخاصم فيه مع انها والله كانت بتحبني زي مابحبها بس هي كابرت وانا كابرت ومتكلمناش تاني بقت بتشوفني وتمشي وتسيبني لحد دلوقتي نفسي نرجع نتكلم تاني بحلم بيها كتير جدا ومحتوي الحلم هو اننا بنرجع نتصالح ونتكلم تاني زي الاول واللي تاعبني اكتر اني شوفتها شغاله ف مكان قريب مني وبعدي من هناك كتير وبشوفني تبصلي بس بردو مبتكلمنيش انا بجد نفسي نرجع نتكلم بس كل مابفتكر انها باعتني بسهوله كده برجع اقول لا مستحيل اكلمها ممكن هي لو بدأت وكلمتني اكلمها عادي انتو لو مكاني هتعملو اي انا بجد مدايقه اني يوميا بحلم بيها وبجد نفسي نرجع صحاب تاني الموضوعمن وقتها عاملي تروما ومش عارفه اصاحب حد من بعديها واللهمعنديش حتي معارف ولا بكلم حد خالص انصحوني عشان بجد الموضوع تاعبني والله😔

11

0