متقوقعه علي نفسي ومش طايقه حد وبخسر الدنيا

Question

متقوقعه علي نفسي وكل يوم بكسل اكتر م اليوم اللي قبله مفيش طاقه ولا قدره اعمل اي حاجه ..مش طايقه حد ولا طايقه اتكلم وبخسر الدايره اللي حواليا و مم قله اهتمامي بيهم وبزعل الناس القريبه مني مخنوقه وصامته  ..مش عارفه افهم نفسي ولا افهم في ايه حاسه اني هنفجر

Ice Cream_34103 🇪🇬 · Accepted Answer

صدقيني نفسيتك هتتظبط لما تقربي من ربنا🤍🤍

Avocado_34144 🇪🇬 · Answer

اي الي وصلك لكدة ؟ دة اكتر من نص الحل

Banana_31937 🇪🇬 · Answer

انتي اكيد ف سن مراهقه وده طبيعي الواحد بتعدي عليه فتره بيحس ان كل حاجه ملهاش لازمه ومش لازم احاول بس شويه وبنرجع احسن من الاول لما بنفوق هما بيبقوا شويه زعل بس و ان شاء الله خير 🤍🙌🏼.

French Fries_34132 🇪🇬 · Answer

والى مش فى سن  المراهقة ونفس المشكلة لدرجة إنه بطل يتكلم مع أى وعمره ما فضفض لأى شخص عن الى جواه عشان معندوش ثقة فى حد ولا فى نفسه

Ice Cream_34103 🇪🇬 · Answer

ف البدايه فكري ف اسباب وصلتك للنقطه دي.. ولو حاولتي وملقتيش فكري ع الاقل الفتره اللي قبل الفتره اللي بتمري بيها حاليا دي كانت عامله ازاي وكنتي بتعملي اي بيخلسكي مبسوطه وراضيه عن نفسك فنهايه يومك
ثانيا بق والاهم.. واظبي ع صلاتك قربي من ربنا اكتر ادعيله اشكيله هو الحل الوحيد لكل واي حاجه.. بجد قدره ربنا انو يحل اي مشكله فحياه اي شخص تعجز.. حتي لو توصل انو يعملك معجزه مع انك بتطلبي منو حاجات بسيطه..