مجروحة اوي.. ليه عمل معايا كدا وانا قدمت كل حاجه؟

Question

جماعة هو ليه عمل معايا كدا وانا قدمت كل حاجه ف الاخر قاليي ماما مش موافقه وقالي ربنا يوفقك في حياتك انا مش هقدر اكمل حاجه جوايا بتقولي انه مغلوب على امره ومقالش لمامته اصلا بس علشان ظروفه صعبه شوية ف اختار انه يقول كدا وعملي بلوك من كل حته
والحاجه التانيه بتقوليي انسيه 
اعمل ايه مجروحه اوي اوي اوي وبقالي ٣ ايام مش بنام

Chilli_73606 🇪🇬 · Answer

انسيه

Coconut_74385 🇪🇬 · Answer

يعني مش ظروفه؟ انا محسيتش ومشكيتش للحظه في حبه او انه بيكدب

Sugar_62755 🇪🇬 · Answer

بصي يحبيبي ماما اي اللي مش موافقة! الراجل لما بيحب بيشقلب الدنيا حرفيا
هسالك حاجة كونك بتحبيه هل مستعدة تسيبيه لشوية ظروف هتقولي لأ، هقولك الراجل حبه اضعاف اضعاف الست واقسم بالله ممكن يفني عمره كله عشان اللي بيحبها متروحش لغيره،  ف عارفة انه صعب تتقبلي لكن هو محبكيش مش معنااها انك حد سئ بس ساعات ربنا بيعمي الناس الغلط عننا،  عارفة انك بتحاولي تبرريله وحقك والله لكن هو مبررش لنفسه ف تقبلي الوضع

Carrot_64861 🇪🇬 · Answer

اديكي شوفتي ليه بقى جواز الصالونات و الارتباط الرسمي بما يرضي الله هما الصح. عشان مفيش راجل حقيقي بيعمل ده

Coconut_74385 🇪🇬 · Answer

الموضوع كان رسمي والله وجه البيت وقرأنا فاتحه
والدنيا اتلخبطت شوية ورجع قالي اسف وانا عايزك وشاريكي ووافقت تاني
وقعدنا ٤ شهور ورجع يقولي كدا

Coconut_74385 🇪🇬 · Answer

انا قدمت كل حاجه تتوقعوها والله واتنازلت كتير  ومشكيتش فيه خالص والله لا انا كنت بقوله مش مهم الظروف المهم اننا سوا 
محبنيش؟ تصرفاته وعينه مكانتش بتقول كدا خالص والله💔💔

Carrot_64861 🇪🇬 · Answer

يا اختي الكريمة....واضح انكم كنتو على علاقة قبلها عشان كده انتي اتأذيتي و اتأثرتي...انما لو كان متقدملك و اول مرة يعرفك في البيت و بعدها تراجع مكنتيش هتزعلي و تتضرري كده....انا بقول الكلام ده عشان متزعليش نفسك اوي على حاجة من الأول متبنتش بشكل صحيح...و لو أنا فاهم حاجة غلط صححيلي و شكراً

Sugar_62755 🇪🇬 · Answer

حقك عليا والله 
هوني ع نفسك بس النظرات بقت بتتمثل عادي ف لازم تتقبلي الموضوع عشان تقدري تتخطي 
عموما هو هيرجع لان مفيش حد بيكون معاه حد كويس ومشافش منه حاجة وحشة الا وبيرجعله 
عارفة انك م هتصدقيني دلوقتي بس لو فعلا تخطيتي هتبداي انتي ترفضي وجوده  والله يغالي الرجاله مبتنمش عشان تاخد اللي بيحبوهم م يتحجج اللي يقدر ع بعدك يوم يقدر العمر كله يبعد ومفيش حاجة اسمها ظروف،  خدي وقتك ف الزعل

Coconut_74385 🇪🇬 · Answer

والله ولا كنت اعرفه ولا اعرف اسمه حتى انا مبحبش يبقى ليا علاقه بالولاد اصلا
 هو شهرين وكانت مامته مكلمه مامتي والموضوع جد
بس انا صعبان عليا مجهودي بس ونفسي

Coconut_74385 🇪🇬 · Answer

واسمحلي اقول لحضرتك هي صالونات كدا كدا
حضرتك عايز تقنعني ان مفيش متجوزين بيعملوا اكتر من كدا؟ واوسخ واوسخ؟
شكل حضرتك مش معانا على الكوكب

Coconut_74385 🇪🇬 · Answer

والله ما عارفه اقولك ايه
شكرا لكلامك

Carrot_64861 🇪🇬 · Answer

أولا اعتذر على سوء الفهم....ثانيا يبقى مدام أخدتي بكل الاسباب في موضوع ما و متمش يبقى هو مش خير ليكي و ربنا هيعوضك بالاحسن....مرة تانية اعذريني

Coconut_74150 🇪🇬 · Answer

هو عمل كده علشان حضرتك ليكي حظ افضل منه بكثير جدا عامه ده غير ما ابكي عليه وصدقيني ما حبكيش ولا قصه مغلوب على امره ولا حاجه انت بتحاولي تلتمس الاعصار بس الواقع اللي انت مش قادره تصدقي هنا ان الراجل ما حبكيش اصلا 
وجواز المواصلات معمول عشان لما يطلع شخص متردد عديم الشخصيه مش واضح يقول في 60 الف سلامه

Banana_71275 🇪🇬 · Answer

عمل كده عشان ربنا رايد كده وكاتبلك الخير وانه ميستهلكيش و كاتب ليكي شخص احسن منه هيكون معاكي طول العمر لان ربنا هو عالم الغيب يعني عارف لو كنتي كملتي معاها كان هيحصل مشاكل كتير بعد الجواز ف ربنا بعده عنك عشان كاتبلك الخير