ليه بنحتاج حضن من حد تاني عشان نحس بالأمان؟

Avocado_51778 🇪🇬

منذ يومين

شعور متعب

فيه سؤال محيرني من فترة… ليه الإنسان أول ما بيصحى من النوم بيكون عنده شعور إنه محتاج حضن واحتواء كده من غير ما يفكر؟ وليه ما نقدرش نطبطب على نفسنا كفاية أو نلم جروحنا من غير وجود حد تاني يحسسنا إننا مش لوحدنا؟ يعني مهما حاول الواحد يقوّي نفسه ويعتمد على ذاته، بييجي وقت بيكتشف إن فيه فراغ جوا محتاج يتسند ويتشال. هل ده ضعف فينا ولا هي طبيعة بشرية إننا نحتاج للدفا من شخص تاني؟ الموضوع مش شرط يبقى حب أو علاقة، ممكن بس إحساس بالوجود، بالراحة، بالأمان… ويمكن أنا أكتر واحد حاسس بده اليومين دول

ليه الحضن في الحلم أحلى من الحقيقة؟

حد حس قبل كدا ان الحضن في الحلم بيبقي احلي بكتير من الحقيقة وبيبقي مليان مشاعر وحب وامان وكدا يعني مثلا واحده صحبتي مشوفتهاش من زمان وكانت وحشاني جدا وحلمت اني قابلتها و اول ما شوفتها حضنتها وكان الحضن مليان امان وحب وسكينه بجد وقد ايه هي وحشاني وتحس انك شبعت فعلا من الشخص و احساس الوحشة ده اختفي وكأن الشخص كان موجود معاك بجد علي النقيض لما قابلتها في الحقيقه كان الحضن عادي جدا ومحستش بنفس الاحساس اللي حسيته في الحلم مع ان المفروض في الحقيقة الشخص بيبقي قدامك حاجه ماديه ف المفروض تحس بالاحاسيس دي واكتر في الحقيقة، ولا هي المشاعر في الاحلام بصفه عامة بتكون مركزه اكتر من الطبيعي سواء كانت كره او حب او حزن او فرح او غيرهم. انا مش فاهمه ده ازاي ولا ده عشان انا حد مبيعرفش يعبر عن مشاعرة في الحقيقة.. ...عرض المزيد

14 الدعم

5 نصيحة

الاحتياج مش ضعف… ده مشاركة وأمان

**“يمكن تكون دي أول مرة أكتب فيها كده، بس كان لازم أطلع اللي جوايا. عايزة أتكلم عن الاحتياج… مش احتياج لحاجة، لأ، احتياج لحد. حد يفهمك من غير ما تشرح، يحس بيك من نظرة، يكون موجود وقت ما تحتاجه، من غير ما تطلب. في وقت، كلنا بنحتاج حد، مش علشان إحنا ضعاف، ولا علشان مش قادرين نكمل لوحدنا، لكن علشان المشاركة دي في حد ذاتها قوة. نفسك تلاقيه جنبك وقت التعب، وقت الفرحة، وقت الحيرة، وقت النجاح. مش بس تسمع له، لأ… تحس إنك شايله جواك، وهو كمان شايلك. بس المشكلة؟ إن مش كل الناس بتفهم ده، في ناس بتشوف القرب مجرد تسلية، أو تواجد مؤقت، وخلاص. في ناس بتخاف من فكرة إنك تبقى محتاج لحد، يفتكروا إن ده تعلق، أو ضعف، بس الحقيقة إن ده أسمى من كده بكتير. الاحتياج مش ضعف… الاحتياج مشاركة، أمان، راحة، حضور حقيقي وقت ما الكل مشغول إحنا بشر، بنفرح، ونتعب، وننجح، ونتكسر، وكل ده محتاج يتشارك… علشان نكمل.” ...عرض المزيد

4 الدعم

14 نصيحة