لا مش راضي.. تحولت ١٨٠ درجة من شخص مميز لمكتئب 😔

Question

لا مش راضي ، للاسف انا اتحولت ١٨٠ درجه من شخص مفيش حد شبهه و كل الناس بتحكى و بتتحاكى بيه لشخص مكتئب معظم الوقت ، دماغه مليانه افكار و من كترها الكلام مبيخرجش ، شخص مش عارف يحقق اى حاجه مجرد واقف و بيتفرج ع الحياة من بعيد و نفسه يعيش بس .. ربنا يصلح الحال 😔

Pineapple_26871 🇴🇲 · Accepted Answer

ايه المشكله ؟! عاااادى انك تتحول لنسخه تانيه بحكم ظروف الحياه اللى احنا فيها 
عاوزة اقولك حاجه ( محدش هيقف جنبك غير نفسك ) لا أهل ولا أصحاب والله عن تجربه 
هات دفتر واكتب فيه كل اللى جواك وشوف ايه الشيئ اللى تاعب نفسيتك وواحده واحده فصصه وعالجه 
ابدأ انهارده قبل بكره استغل الوقت قبل مايضيع منك ..كلنا والله نفس الدوامه بس لازم تقاوم وتطلع منها اللى طلعوا مش احسن منك

Pineapple_27778 🇪🇬 · Answer

المشكله ان مفيش حاجه من اللى قولتيها دى بتنفع ،لان الفكره مش ف ان فى شئ معين هو اللى تاعبنى ، او حتى عدم معرفتى ان مفيش حد هيقف جمبي دى برضو اللى مضايقاني فحد ذاتها ، اظن انى كبير كفاية و اتعلمت الدرس ده ، الفكره انك مره واحده اصطدمت بالحياة بكل جوانبها بقي دراسة شويه و انك لوحدك دى شويه و انك المفروض تلاحق الناس اللي قدك وتبقي زيهم دى شويه ، الفكره مش فحاجه معينه الفكره ان مفيش مسانده و انت لوحدك

Pineapple_26871 🇴🇲 · Answer

ياعمى أنا لوحدى 😂💔🤷بنت فضلت عمرها كله لوحدها عندى ٣٤ سنه وكمان خد الكبيره سافرت وقاعده بره مصر لوحدى فضلت اعافر ٧ سنين علشان اطلع من البلد دى بعد ما خلصت جامعه ولا لقيت حد ساندنى بل بالعكس كل اللى حواليا كانوا بيحبطونى حتى اهلى حتى ابويا 😂😂 مكنش فيه اى دعم من اى نوع لكن قولتلهم بكره اشاورلكم من الطياره وقد كان ..
أنا بنت وعملتها ونجحت ف حاجه ...انت ولد واقوى منى وقدامك فرص اكتر منى ..اتحرك ياعم

Pineapple_27778 🇪🇬 · Answer

حلو والله و رسالتك جميلة ربنا يكتبلك الخير يارب .. نحاول و مالو احنا خسرانين حاجه

Avocado_27807 🇪🇬 · Answer

الحل الوحيد انك ترجع لشخص اللي انت عايزه بجد والله هو قيام الليل وتوكل امرك ع الله وتشكيله همك انا كنت زيك بالظبط وعانيت من نفس المشكله دي فتره من حياتي وحلها الوحيد( الذكر-قيام الليل-القراءن)