الصدمات بقت عادي.. خلّي عشمك في ربنا بس

Apple_77505 🇪🇬

منذ أسبوع واحد

شعور ضائع

سلام هو ف شعور اسواء ممكن يقابل شخص تكون سافرتا عشان ظروف صحيه مع والدك وبتتكلم مع الشخص شريك حياتك والمهون عليك الدنيا وقساوتها وبالذات الايام دي وفجاءه وأثناء م انت بتتكلم معاهو تعرف بالصدفه من شخص قريب منه انو عرسو بعد يومين وتقبل الموضوع بكل أريحيه لانو الصدمات بقت عادي بالنسبه ليك لأنك إنسان اسمه صدمات مستحيل يمر شهر من غير م أتصدم ف زول او اتخذل حمدلله كلو لخير بس عايز اقول ليكم انو م تتمسكو ف حد وخلو عشمكم ف ربنا هو الوحيد المنجيكم من ظروف الحياه دي والتحديات

وقعت في حب واحدة متزوجة وخدعتني

اتعرفت على واحدة من أحد التطبيقات اتكلمنا حوالى اسبوعين واتعرفنا على بعض ومن كلامها أنها منفصلة وانا كنت داخل متحمس في اني عايز اتجوز زوجة ثانية بعد اسبوعين ثلاثة من الكلام والسهر من ٩ بالليل للصبح الساعة ٦ لظروف شغلى وتليفونات وصور لي وليها اعجبت بطريقتها وصعبت على وان هي مش عايزة تسيب ولادها حتعيش علشانهم عرضت عليها الزواج العرفي وبالفعل سافرت ليها ومش حقول المدينة ولا المحافظة و اتجوزنا عرفي وقعدنا فى مكان علي البحر لساعات وحصل علاقة وحوارات وانا بوصلها حاجة في شقتها باظت ولازم تتصلح واديتها مبلغ معنديش مشكلة ونزلت للقاهرة والدنيا تمام وبعد كذا يوم هي بتنزل للقاهرة لظروف خاصة بأحد ابنائها وبقابلها و بكون معاها في فترات كتير وكنت بدفع مبالغ ليها ماليش دعوة اصلا بيها ولا لي علاقة اني ادفعها و شراء تليفون جديد بمبلغ حوالي ١٠ آلاف وده عادي كنت جايبه هدية ليها واتضح أنها باعته ولم تستخدمه بالإضافة إلى عدم وجود علاقة زوجية لمدة تجاوزت الشهرين وبعدها تم حجز الابن في المستشفى لعمل عملية وتأتي الحقيقة أنها لازالت متزوجة وعلى ذمة الزوج الاول الورقة العرفي معاها لرغبتها تم إنهاء علاقتي بيها تماما و طلبت منها تسديد المبالغ التي قمت بدفعها ولم يكن لي اي سبب في تسديد هذه المبالغ وبالفعل تم تسديد جزء وباقي مبلغ اخر. ... بس بصراحة أنا حبيتها جدا و حتى الآن بفكر فيها ومنشغل بيها وبالتفكير فيها ...عرض المزيد

0 الدعم

2 نصيحة

ضحيت بكل حاجة وبعدين خذلني واستغلالي

محتاجه رايكم انا اتعرفت على شاب بس كنا اصدقاء وبدأ يحكيلي كل حاجه عنه أنه مدمن مخدرات وانه عمل كذا علاقه غير شرعيه مع بنات وأنه دخل السجن في قضيه زور وان البنت اللي كان بيحبها خانته مع قريبه، فضلت جنبه وساعدته يبقى احسن ويبطل مخدرات وسمعت كل حاجه عن الماضي وبعدين حبينا بعض وبدأت احن علیه اکثر وادعمه اکثر واکثر واصلح معاه ماضيه أنه يتوب وينسى ويبقى انسان ناجح ومحترم ويبدا يصلي و يعامل اهله كويس ويشتغل ويكون ليه حياه ويبعد عن اي حد وحش وسلفته مره عشان أطلعه من موقف وحش ورجعهم وكمان كنت عرضت عليه ان باباه ومامته يعيشوا معانا وانا اخدمهم طول عمري وطلعت مره نمت في عز البرد عالسطح عشان اعرف أكلمه لانه قالي متسبنيش لوحدي ومره كنت متجبسه وطلعت بردو لأنه كان زعلان ، انا كان والدي ميت في فتره بدايه كلامنا كدا ، المهم كل دا مكناش اتقابلنا ف اتفقنا نتقابل يوم عيد ميلادي وكنت مجهزه كل حاجه بس حصلي مشكله كبيره مع اهل بابا وكلمته عشان اعتذر له اني مش هعرف اجي قالي هتحرجيني قدام اهلي وزعل وانا من حبي فيه وتضحيتي سبت كل حاجه ونزلت مبهدله ومعيطه ورحت محافظه تانيه عشان اشوفه ، لما شافني سلم عليا وانا كنت مرعوبه عشان عمري ما خرجت مع ولد في حياتي ، وركبت العربيه قالي انا حاسس اننا مش هنكمل ، انا اتكسرت وزعلت عشان جيت عشانه وعشان مفكرش فيا ومشكلتي وقلتله طب نزلني هروح قالي خدي الهديه بتاعتك رفضت عشان كرامتي وبعدين نزلني وسابني لوحدي في مكان معرفوش فضلت اعيط وخايفه قلتله ارجع انا مرعوبه قالي لا انتي كسرتيني وبعدين بعتلي عالواتس كان المفروض تلبسي وتحطي ميكب زي البنات وتعملي جو رومانسي لاننا اول مره نتقابل وعاملني وحش اوي وقسى عليا واتهمني بالمرض النفسي بعد كل اللي عملته عشانه وكنت كل ما ابدا اشوف حياتي وانساه يبعت يكلمني بس مش اعتذار دا بيكلمني عادي بيسأل عليا وارجع لنقطه الصفر تاني واجري وراه لحد ما خطب من فتره وانا بقالي سنه بتعالج نفسيا بسببه ...عرض المزيد

0 الدعم

33 نصيحة