انا حاليا عندي ٢٩ سنة، عمري في حياتي ما حبيت بنت أو حتي صاحبت بنت، دا لأني مريت بموقف كان أيام ثانوية عامة. باختصار كان في بنت باخد في بيتها درس والبنت دي كانت أول بنت في حياتي اتكلم معاها ونبقي زمايل، حسيت بشعور ناحيتها فصارحتها لكن قالتلي انا بحبك زي اخويا. وعرفت ان هي بتحب ولد تاني. واكتشفت بعدها بفترة انها كانت بتاخدني علي قد عقلي من ورايا تقول انها مش طيقاني ووقت الدرس تتكلم معايا عادي جدا وتهزر. بسبب الحركة دي انا تأثرت بيها وبالأخص وقت الجامعة بقيت شخص انطوائي واتعرفت في دفعتي بكدا اني مش بكلم حد ودايما بقعد لوحدي. وفي الشغل مش عارف اتعامل أوي مع البنات وبيحسوا دايما اني شخص مقفول أو بمعني أصح خجول جدا والخجل دا بيقلب بغشومية في التعامل ومش بيبقي قصدي خالص. وفي النهاية بقيت اخاف اصارح أي بنت. يعني لو اتعاملت مثلا مع بنت في الشغل أو في كورس والبنت دي عجبتني وحاسس انها ممكن تبادلني الشعور دا بخاف انه ميكونش في مشاعر وممكن الموضوع دا يسبب مشكلة اعمل ايه علشان اكسر الخوف دا؟

3

1