موضوع:

الفلاش باك الي بيجي فجأه

كل ما بشوف واحد بيتطلع على وحدة بحب، يجيني فلاش باك للمرة الوحيدة اللي شفت فيها هالنظرات طالعة منه، و لبنت تانية، قضيت سنين من عمري بدور على هالنظرة منه، سنين من عمري بتمناها و بعمل شو ما بده عشانها، و لما طلعت اخيراً، طلعت لبنت تانية مش لألي، بنت اقل مني بكل شي، بنت بالمواصفات اللي كان دايماً ينتقدها و يحكي انه بيكرهها، بنت كانت بتعرف اني موجودة بحياته بس ما همها و عرفت خلال ايام تطلع هالنظرة منه، انا ما بحبه هلأ، ولا اتمنى ارجعله بالعكس صار كابوسي اكون مع حدا متله، شخص مسيطر، متحكم، ضعيف شخصية بيلاقي قوته باهانة الناس اللي بيحبوه، سام و مهمش، و حتى امه ما بتحبه، بس بيحز بخاطري المشاعر اللي استنفذتها عليه، و المشاعر ما كان لازم تطلعله بس طلعت، و بيحز بخاطري كل نغزة قلب مع كل ذكرى، نغزة بتثبتلي انه الجرح اللي جرحني ياه عميق و مؤذي.

9

3