Grape_41715 🇸🇦
منذ أسبوعين
.
شعور متعب
انا ما اقصد بكلامي هذا اي اسائه لامي او اني اقلل منها او اقل ادبي لاكن والله صارلي فتره ما اقدر اشوفها بنفس النظره حاسه أني كارهتها رغم اني عمري ما بينت ولا تكلمت واسلوبي نفسه بس من داخلي مو متقبلتها بعد ما شفتها بتكلم شباب اشكال وانواع ومختلف الاعمار الى بعمرها والى بعمري انا ما كان عندي مشكله ابدا وقررت ما اتدخل لين ما بديت احس انها صارت ترمي كلّ المسؤليه علي انا وصارت هي تتصرف كانها وحده مراهقه مو وحده مخلفه مراهقين ولما اتكلم عنّ المسؤليه انا اقصد انها مشيلتني حمل اخواني الاصغر بالكامل تسافر وتروح وتجي وما تقعد بالبيت وبس نايمه او عالجوال وتكلم وبعيييده عننا ما حسيت بالموضوع الا لما زاد علي التعب ولا عرفت اوزن بين حياتي واخواني وصرت ام بديله لطفل بعمر الاشهر وكبرته واعتنيت فيه لدرجه صار تصرفاته زيي وكلامه حتى اول ماما قالها كانت لي تعلقنا ببعض وكل ما حبني زياده زادت طلعاتها وروحتها ما كان عندي مشكله لين حسيت ان الوضع زاد صار بالرايحه والجايه هو معاي كل امور حياتي اسويها معه بدون استثناء حاولت اشغل نفسي واتعلم هوايات وانتبه لنفسي لاكن كل ما شافتني قاعده بالغرفه لحالي حتى لو اذاكر تجي ترميه عندي وتطلع بدون ولا كلمه سكت سكت وطول ذي الفتره ما تكلمت لين جا يوم وانفجرت بسبب التعب ظهري بدا يوجعني الدوره تتأخر وضغطي مرتفع امراض تجي لكبار السن جت لوحده ما جت العشرين ولما كلمتها بكلل ادب ومناقشه انفجرت علي وقالت محد يطلب منك هو متعلق فيك مالك دخل بطلعاتي وتبدا تقارني بالناس تعبت والله تعبت بفكر انهي حياتي باليوم الف مره لدرجه كرهي لها صار يجي لاخوي الصغير وانا اعرف ان ماله ذنب ومو بيدي والله انا هلكت ولا اعرف وش اسوي الله يخليكم الى يعرف يساعدني لا يبخل علي لاني والله ما استبعد اني ممكن اموت وانا بالحاله ذي وشكرا
0
10
