كره الأم

Mango_76530 🇪🇬

منذ 3 أسابيع

شعور مكسور القلب

عايزه حل انا حصل معايا موقف صعب اوي من اهلي وبذات مامتي لاني كنت بتعرض للضرب كل يوم علي حجات تفهه من سن 5 سنين لحد سن 12سنه كل يوم ضرب وبعدي لدرجه وصلت ان بقيت بسكت ومش بصوت عشان الجران بقو يسمعو صوتي كل يوم لكد ما جت في مره وعيرتني بنظري وقالت اي عاميه عششان اظا زتقت في اخويا وبصيت لبابا واختي الك

Ice Cream_29052 🇪🇬 مش قادره اقلك زي ما بيقولوا ان اهلك بيحبوكي مش كل اهل اهل ولا كل ام ام ولا كل اب اب ...مش معناه انهم بيكرهوكي كذلك بس اكيد انتي فرد من اسرتهم ف متعودين ع وجودك ميقدروش يفقدوكي ك نوع من انواع ان دي قوانين ك اسره...طيب تتعاملي معاهم ازاي ما كده كده هتبريهم ع الاقل تسمعي كلامهم كل اللي يضايقك تجاهليه اسعي لسعادتك و كوني انانيه بس متدافعيش عن نفسك الا لو حاجه كبيره هم مش هيسمعوكي و اسفه اني بقول ده كد

عرض الكل 12 نصيحة

Broccoli_48362 🇲🇦

منذ شهر واحد

شعور ضائع

مرحبا، انا من لما كنت صغيرة كنت بشوف كيف ماما بتكرهني من جواتها ، لما كنت صغيرة كنت بتعاقب على اتفه الاشياء حتى لما كنت لسا بيبي كانت بتضربي و بتحرقني. صراحة لقلة ادراكي ما كنت بشتكي بس كنت ابكي . بابا بيكره يشوف حدا يبكي لهيك كنت كلما بكيت كان بيضربني و يرميني برا البيت. اتعلمت اخبي مشاعري، تعلمت

Apple_64348 🇪🇬

منذ شهر واحد

شعور مستنزف

يا جماعة انا بكره امي اوي هي طول الوق بتزعق انا عارف انها بتحبنا بس هي لسانها سليط ووحش اوي وبتقعد تشتم وكانت بتضربني زمان هي عملت حاجات وضحت كتير عشانا بس انا مش قادر احبها انا مش بحب ولا اتكلم معاها عشان هي اصلا مش مريحة ف الكلام ولا بحب اسال عليها بجد عايز ابعد عنها ومشفق عليها اسيبها عشان هي بتح

Lemon_72109 🇪🇬 مريت بأكتر من اللي إنت مريت بيه وفاهم إحساسك بس صدقني إنت لو شوفت المشاكل اللي شافوها في حياتهم و قد إيه كانوا بيحبوك ويخافوا عليك وإنت صغير هتستحمل أي حاجة منهم إنت لو بس شوفت فرحتها بيك و هي شايفاك مبسوط دي بالدنيا وما فيها

عرض الكل 8 نصيحة

Blueberry_29908 🇪🇬

منذ شهرين

شعور لا مبالٍ

عبّر عن شعورك بشكل مجهول

اختى الصغيرة عندها 2 سنة  اختي، و فى مرة كانت بتعيط، وأبوها كان شايلها لكنها كانت لسه بتعيط. كنت سمعاها بس ما طلعتش عشان بلوزتي كانت في الصالة ومش مناسب اطلع بلبسى ده . بعدين ماما سألتني ليه ما طلعتش، فقلت لها: "أنا مالِي"، بدل ما أقول السبب. ولقيتها ردت وقالتلي: "إنتي خسارة فيكي كباية الميه، وكنت أتمنى لو خلفت كلبة بدل منك. ده الفرق بين الإنسان والحيوان، المشاعر، وإنتي معندكيش. ياريت موتي، ياريت ربنا ياخدك. خسارة فيكي تربيتى. حسبنا الله ونعم الوكيل فيكي، يا شيخة، إنتي باردة، وقلبك قاسي، قاسي جدًا، وعندك تبلد مشاعر، ومش بتحسي بحاجة حواليكي. أول مرة أشوف بني آدم زيك وطبعًا ماما مش بتسيب أي مشكلة من غير ما تتكلم على جسمي. لقيتها بتقول لي: "بقيتي زي الجاموسة على الفاضي. إنتِ جسم على الفاضي أصلاً، من غير عقل. ما بتفكريش في الكلام قبل ما تقولي، بترمي الكلام اللي بيجرح الناس وبس." ملاحظه انا مش تخينه بس جسمى مليان شويه على سنى والفكرة أنه مش بمزاجى كمان انا عندي حاجه عامله فيا كده وبعد ما عملت التحاليل شاكه فى مرض مناعى بس التحاليل عملتها من ورا اهلى وبفلوسى ومش عارفه اجبها لهم ازاى 
، المهم ". وأنا كنت باكل، لكن كان الأكل مش راضي ينبلع، لكن عملت نفسي عادي وكملت أكلي، رغم إن جسمي كان بيرتعش من قوة الكلام. وبعد كده كنت هقولها السبب، لكن ما قدرتش.

قلت لها: "يا ماما، أبوها كان شايلها وأنا بلوزتي كانت بره"، لكن ردت وقالت لي: "ما عتيش تكلميني، ولا ليك دعوة بيا." ولما كنت هتكلم تاني، قالت لي: "آخرسي." كملت أكلي، قمت وضبطت الأوضة، وقلبي كان مقهور ودماغي بتوجعني. بعد ما خلصت، قلت لها: "أنا عايزة أروح للخياطة عشان أظبط هدومي وأفتح معاها كلام، وفي نفس الوقت عايزة أنزل أشم هوا"، قالت لي: "ربنا ييسر." عرفت إن المفروض أقعد دلوقتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_57181 🇪🇬

منذ 3 أشهر

شعور مرهق

أمي بتتخانق وبتشتم بأقذر الشتايم عشان جينا نتغدا فقولتلها تاكلي ؟ وبعد الأكل سألتها تشربي شاي ؟ عامله حوار كبير بجد واعتبري امك ماتت طيب ياريت والله ياريت كانت ماتت من زمان ماكنش هيبقي عندي كل الامراض النفسيه دي بسبب افعالها الغريبه مش متخيله اني ممكن اعيط عليها لو حصلها حاجه انا بقيت ادعي عليها في

Potato_58453 🇪🇬 امك لو بتعذبك كل يوم مينفعش تقول عليها كلمه غلط بالعكس ربنا امرك تطيعها في كل شيء عدا الشرك به يمكن هي غلطانه اه بس ميديكش الحق عارف انك مجروحه ربنا يقويكي بس مينفعش برضو للاسف في اهل كتير كده بس مينفعش نقول كده انا حاسس بيكي بس ده ابتلاء ودايما قولي يارب كل متعاملك وحش قولي يارب اهديها يارب خليها حنينه

عرض الكل 3 نصيحة

Apple_57810 🇪🇬

منذ 3 أشهر

شعور مكسور القلب

انا عندي 17 سنه وكان والدي بيروح شغل سفر يعني كان ممكن يجي كل اسبوع مره وساعات بينزل اجازات بس اغلب الوقت مش في البيت ، انا عندي امي من وانا صغير كانت بتضربي بطريقه بشعه تقريباً من عمر 7 أو 8 كنت بضرب ضرب مش يستحملوا طفل ولا مراهق حتي لدرجه انها خطبت دماغي في الأرض واتفتحت ولما اجي ابويا ووريتوا الج

Blueberry_57442 🇪🇬

منذ 3 أشهر

شعور محبط

Pistachio_56152 🇪🇬 هي اسلوبها وحش فانتي بتردي باسلوب وحش فهي ترد باسلوب وحش وانتي تردي عليها تاني باسلوب وحش وكل واحده مستنيه التانيه تتغير ولا انتي عجبك اسلوبها ولا هي عاجبها اسلوبك ... فكرتي تروحي تتعاملي معاها وتحضنيها وتغيري اسلوبك معاها؟

عرض الكل 25 نصيحة

عبّر عن شعورك بشكل مجهول

مساء الخير 
ملحوظه قبل ما ابدأ انا بنت عندي 16 سنه و اسفه اني طولت عليكوا بس اتمنى تكملوا للآخر و تنصحوني ♥ 
انا عندي مشكله مع امي انها مش بتحترمني قدام حد خالص و مش بهزار يعني ممكن يكون ضيوف عندنا و يطلبوا مايه تقولي قومي يا كلبه هاتي مايه و بتضربني من غير سبب و دايما متخانقين بسبب طريقتها دي و تجيب اللوم عليا و تقولي طريقتك في الكلام وحشه بصراحه انا غصب عني من طريقتها بتضايق و ممكن اكلمها بأسلوب مش كويس لكن مش بغلط فيها بس و الله اسلوبي معاها دا بسبب انها بتدور على اي حاجه تعمل معايا مشكله بيها و لو عدى علينا اسبوع مش متخانقين تخلق مشكله و بتضربني قدام مرات اخويا و انا دلوقتي بتحرج ابص في وشها و الله من اللي امي بتعمله و ساعات بحس انها مش بتحبني و انا بابايا مسافر السعوديه بس هي كل ما تكلمه تقوله بنتك عملت كذا و كذا و هي ساعات بتجود من عندها و بتزود كلام علشان يزعقلي 
بابا معاملته كويسه معايا و بيزعق لماما انها بتضربني قدام مراتات اعمامي و قدام الناس و كدا يعني انا كبرت و مينفعش كدا قدام الناس بس بابا بردو ساعات بيصدقها و بيزعقلي من غير ما يسمعني انا و الله بحاوا اقرب منها و ارجع مثلا من برا احكيلها يومي في الدروس و كدا و بتسمعني و بعدها تتخانق و تزعق على اتفه حاجه انا حاسه ان ثقتي في نفسي قليله جدا و حاسه اني قليله و مش كفايه و الناس كلها مش بتحبني و معنديش صحاب و حتى لما اتصاحبت على بنتين كانت بتضربني بردو قدامهم و هما كمان حسوا اني قليله و بعدوا 
حد ينصحني اعمل ايه و اعاملها ازاي علشان تقرب مني و تبطل تضربني علشان بجد بتكسف منها قدام الناس و بحسهم بيشمتوا فيا  
هي مفكره انها لما تضربني كدا اسلوبي هيتحسن معاها و متعرفش انه بيجيب مفعول عكسي معايا و بدأت اكرهها و احس انها مبتحبنيش 
انصحوني اعمل ايه ونبي علشان تعبت و الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_50969 🇪🇬

منذ 4 أشهر

شعور محبط

Apple_53540 🇪🇬 بصي انا معاكى ف كل الي بتكلمى ف بس الاهل استوعبهم غيرنا مش هقولك غلط تكرهي امك بس هوا ممكن خوف عليكى بدون وعي منها ان دا ممكن يكون بيازيكى وبيجي بناتج عكسي بس ف الاول والاخير هيا ام وانتي بنتها لو عيزه نصايح تتعملي بيها معها مككن اقولك واسعدك تكسبيها بجد

عرض الكل 8 نصيحة

عبّر عن شعورك بشكل مجهول

هحكيلكو بصراحه انا بكره امي أو مش دايما انا اوقات مش ببقي حباها انا عارفه أن مينفعش اقول كده بس امي شكاكه بطريقه وحشه اوي اوي يعني مثلا احنا امبارح كنا مسافرين بالعربيه ف انا شغلت اغاني عادي واحنا ف الطريق ودلوقتي انا قاعده بحاول اذاكر اي حاجه وغصب عني عيطت من الضغط عليا وكنت مشغله اغاني عادي لقيتها داخله الاوضه وبتقولي ايه حكايه الاغاني الي عماله تشغليها دي وراحت واخده الفون وتقولي اقفل الاغاني ف قفلتها راحت قالتلي افتح الفون وفتحته فضلت تقلب ف الاشعارات وتدور وانا مش مخبيه حاجه قولتلها انا بحب اشغل اغاني وانا بذاكر راحت مزعقالي وتقولي اسكتي بدل ما اخد الفون ده منك وفضلت تزعقلي وانا خلاص كنت علي اخري ف عيطت تاني راحت مزعقالي وتقولي بتعيطي علي امك ودايما هي بتفضل تزعقلي لدرجه اني بقيت بكرهه وجودها مش بطيق حتي لو مسكت ايدي مش طيقاها ودايما اتجنبها ومش بحب اسمعها وهي بتتكلم ولا بحب اتكلم معاها لأنها عمرها ماحاولت تفهم قصدي أو تكلمني بطريقه حلوه هي دايما بتزعق وتقول لا وتشك فيا لو شافتني ماسكه الفون تيجي مره واحده وتقولي بتكلمي مين وتشوف شتات صحابي وفي بنات صحابي بتعمل الشات انو يتمسح بعد 24 ساعه هي تفضل تزعقلي وتقوم مغيره السيتنج وتخلي الشات ميتمسحش وتدخل تشوف شتاتي مع اخواتي وتقلب ف الصور ولو لقت صوره واحده ليا علي تلفوني تزعقلي وتمسحها وتفضل تقولي انتي مش متربيه انا وصلت لدرجه لما صحابي بيتصورو انا بقف فجمب علي ما يتصورو عشان مظهرش معاهم وامي تزعقلي خلتني ضعيفه الشخصيه مش بعرف اخد حقي من كتر ما هي دايما متحكمه فيا مبقتش بعرف اتكلم مع الناس وكل كلامي مش منطقي ومش مترتب ولا مفهوم جابتلي حالات نفسيه زي اني بتعلق بأي حد عشان يعوضني حنان الام لاني كده من وانا صغيره كانت بتهددني انها ت*حرقني بال*نار أو تك*هربني ولسا هي شيفاني طفله عايزه تلبسني وتاكلني علي مزاجها ده حتي حاجتي بتقلب في الكتب والدفاتر وخدت دفتر مذكراتي اجبرتني اقطعه قدامها بعد طبعا ما قرأته كله بتدخل تقلب ف حاجتي لو لقت عندي خاتم زياده مثلا تعملي تحقيق مع انه بيكون بتاعي مثلا وكان ضايع انا اكيد مش هسرق حاجه حد ووصلتني اني ببقي ف الشارع حاسه اني مبهدله أو لبسي في حاجه مش مظبوطه كل شويه اعدل الطرحه أو اعدل لبسي وبتحاسبني علي اي حاجه بعملها وتزعقلي وسايبه اخواتي الولاد يبقي ليهم سلطه عليا حتي اخويا الصغير انا بتحاسب علي الكبيره والصغيره ده غير لما عرفت اني كنت مرتبطه انا كنت هسيبه بس هي عرفت وفضلت تشتمني بأسوء الألفاظ الي ممكن حد يسمعها في حياته فضلت تهددني ولا كانها ام المفروض تنصح بنتها لما تغلط علمتني اضيع حقي ومعرفش اتكلم انا وصلت لمرحله اني مش عايزه يبقي عندي بنات عشان مطلعش عليها الي كان بيحصلي ف طفولتي وعشان مظلمهاش معايا لاني مكنتش سويه نفسيا ف ازاي هطلع اطفال سويه نفسيا ده غير تنمرها علي شكلي لاني انفي كبير  بتفضل تتريق وبتسمح لأخواتي يتريقو عليا وانا مش بقدر اتكلم أو ادافع عن نفسي مليش خصوصيه ومليش حريه التعبير أو الرأي مليش حق اني اتكلم أو أطالب بحقي مليش حق اعيش زي ما باقي البنات صحابي عايشه اقسم بالله بشوف صحابي ببقي هعيط صحابي امهاتهم بيحبوهم وبيعاملوهم حلو جدا ما شاء الله ودايما علاقتهم باهلهم حلوه بس انا مش هقدر احب امي مش هقدر اكلمها مش هقدر خلاص انا اتعودت علي كده وهي كانت السبب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_51380 🇪🇬

منذ 9 أشهر

شعور محبط

بكره امي بسبب أفعالها ليا دا أبرزهم لاكن تلقائيا بحن بس بردو بتقسو عليا وانا بنت واكبر واحدة وكنت يساعدها كتير جدا بس بتقولي بشكل غير مباشر أنها مش عايزاني في حياتها لاني هتجوز في سنة من السنين الجاية واللي هيساعدوها اخواتي الأصغر مني بتدلعهم جامد عشان لما امشي يرضوا يخدموها وانا جوايا شعور أن ياري

Mushroom_37399 🇪🇬

منذ 9 أشهر

شعور محبط

جماعه هو فعلا ممكن ام تكره بنتها كلو بيقلى لا طبعا طب ازاى لاء وفى امهات الى بيرمي عياله والى يقتلهم وكتير انا شايفه انى مش مهمه بالنسبه لامى دايما بتميز اخويا عني او خايفه من المشاكل لو حصلى حاجه بس انا فعلا شيفاها مش بتحبي

Strawberry_42567 🇰🇼

منذ 9 أشهر

شعور مكسور القلب

عبّر عن شعورك بشكل مجهول

سوري لو هطول بس انا بجد محتاجه حل ... انا من يومين كنت متفقه مع صحبتي نخرح و نجيب حاجات و انا كنت محتاجه كام حاجه و كده ف لما  جه اليوم ده يصادف ان ابن عمتي يجي هو ومراته بس انا قولت لا انا متفقه مع صحبتي و يبقى يوم تاني او لو انا رجعت قبل ما هما يمشوا ف انا وصحبتي خرجنا كده على 8 ونص كانوا الضيوف خلاص شبه وصلوا بس انا خرجت و هي اليوم  ده انا و هي كنا متفقين ان احنا هنمشي و كده الصراحه هي كانت السبب في ان احنا نتاخر ف لما طلعت وكده ماما كانت كل دقيقتين تتصل و تقول تعالوا و انا كنت لسه مخلصتش ف كنت بقول ليها احنا لسه مخلصناش اعمل ايه يعني ف هي كانت بتتضايق لما بقول كده وانا كنت واخده كرت البنك بتاعها هي عارفه و كنت واخده من بابا فلوس بس مقولتلهاش كام بالظبط ف لما  روحنا وكده و على ما جبت الحاجه قولتلها ربع ساعه و هكون عندك بس تاحنا بنمشي لقينا ان عدت نص ساعه نش ربع يش ف لما وصلنا صحباي طلعت معيا و كده  وقعدنا مع الناس في اخر 10 دقايق كده ف لما رواحوا ماما قعدت تزعق على ان ازاي انا اخرج و احنا جايني لينا ضيوف وان انا بسمع كلام صحابي وهي لا وان ازاي انل مش بوفي بي وعودي و بدات تجيب مواقف قديمه بتقول فيها الحجات الوحشه بس كل ده قدام صحبتي و كل ما صحبتي تتحاول تتدخل  اني كانت توقلها مش انتي الغلطانه و ان انا الغلطانه و جابت سيره ان انا هسقط بي مستوايا ده مع ان والله في تقدم ملحوظ في مستويا بس هي مش بتشوفني وانا بذاكر وقعدت تمن عليا بي حجات ان هي بتشتغل عشان توفر ليا عيشه و ان اقدر اذاكر و كل ده و ان هي جابت ليا دهب و انا مقدرتش و في الاخر قالت انتي مش بنتي ولا اعرفك واعتبري ان ملكيش ام طبعا كل ده قدام صحبتي ولما كنت هعيط قالت عيطي عيطي ما هو ده الي انتي فالحه فيه  و بعدها عي دخلت تنام الصراحه صحبتي ما مشيتش غير لما قعدت تهون عليا و تضحكني و كده و دلوقتي انا غصبن عني بدات اكون مشاعر كره لي امي بسبب طريقتها و احنا دلوقتي متكلمناش بقلنا يومين و انا معتش عارفه انا المفروض اعمل ايه .... سوري لو طولت بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_44417 🇪🇬

منذ 10 أشهر

شعور مرهق

أنا عندي ابتلاءات كتير معًمعر الابتلاءات دي ماما جاء لي حالة من ناحيتي بالتفرقة مبيني ومبين اخواتي ولما بدأت أغير منهم جات ليها حالة بالكره الجامد اللي مش طبيعي ليا لدرجة ان كانت بتدعي ربنا إنها بعد ساعة تبقي في عزايا دلوقتي ماما تحسنت وبدات تحسن معاملتها بعد ست سنين بس أنا اللي مش قادرة اتخطي أنا ب

Strawberry_41527 🇪🇬

منذ 10 أشهر

شعور مرتبك

عبّر عن شعورك بشكل مجهول

انا مش بحب ماما مش بحب اتكلم معاها ولا اقعد معاها، مش بحب احكيلها اى حاجه عني او ايه الي بيحصل فى حياتي، مش باخد رأيها في اي حاجه، حتى لما بتتعب او بتدايق مش بحس حتى اني متدايقه عشانها او اني عايزه ابسطها لا انا بجد مش بهتم نهائي مفيش حاجه جوايا بتتحرك لوح تلج
مش بحب طريقتها ولا حركاتها اي كلام منها بالذات بكره اسمعه
وكل ده بيحسسني بتأنيب ضمير بس مش عارفه المفروض اعمل ايه انا حتى مش عايزه علاقتي بيها تتحسن لأني مش بطيق اصلا اتكلم معاها كلمتين
ببقى نفسي ابصلها بقرف واقولها كل الكلام الي يدايقها بس طبعا انا في الحقيقه بعاملها كويس اوي ومقدرش اقولها كلمه تزعلها لكن بتجنبها تماما، بطمنها على دراستي وبس مش بكلمها في حاجه عني.
ولو متدايقه عمري ما احكيلها حاجه ولا اعيط قدامها او ابينلها ضعفي
بحسها انانيه وده باين في معظم تصرفاتها واهم حاجه هي بتاخد ايه ولو بتدي حاجه بتبقى عايزه تشوفه مردود ليها عكس طبيعة الام والاب الي المفروض بيعملوا كل حاجه يقدروا عليها عشان ولادهم من غير مايشوفوه مردود ليهم
لكن رغم كدا انا بحب جدتي ربنا يرحمها
كنت بحب اقعد معاها واقضي وقت حلو معاها واتكلم واهزر معاها
واخاف على زعلها واحب اعمل عشانها اي حاجه
لأنها كانت طيبه وكانت بتعمل كل حاجه بحب وعشان بس تبسطنا مش اكتر
اكيد في مواقف وحشه حصلت معاها لكن انا مسامحاها لأني عارفه انها بتحبني وده باين في مواقف اكتر بكتير احلى والي بتغطي على الوحش
عكس ماما انا معظم ذكرياتي معاها وحشه ومش قادره اسامحها على اي حاجه هي عملتها
وبدل ماتعتذر تقولي انتي قلبك اسود اوي!.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_30858 🇪🇬

منذ 11 شهرًا

شعور متوتر

انا الحمد لله ربنا انعم عليا بأنى ابر امى جدا وبعملها كل اللى هى عيزاه وبريحها ف شغل البيت ولما تقولى حاجه برد عليها بطريقه كويسه ويمكن انا دلوقت اكتر واحده بتحبها ما بين اخواتى علشان انا بس اللى عايشه معاها دلوقت بس انا مش قادره احبها حاسه دايما انى م جوايا يكرهها وبحس دايما لما تيجى تتكلم معايا ان

Lemon_32050 🇪🇬

منذ 11 شهرًا

شعور غاضب

موضوع:

اتعملتوا مع انفصال او طلاق اهلكم اهلكم ازاي

Tomato_30792 🇪🇬 بصي انا عارف الاحساس ده وعشته بس بطريقه مختلف بصي لمستقبلك اهم من اي حاجه وارفعي راس ابوكي وخليكي انتي احسن من اي حد وكل ده اختبار من ربنا بيقيس في مداي ايمانك بيه لازم تكوني واثق انك هتعدي كل ده عارف انو صعب بس هياخد وقت ويعدي وربنا هيعوض بحاجات احسن منها وده وعد مني

عرض الكل 3 نصيحة

عبّر عن شعورك بشكل مجهول

مش عارفه اتقبل فكرة انها سابتني ومشيت واختارت نفسها طول عمري من وانا صغيره وانا بحسها تكرهني من نظراتها وتعليقاتها عليا ومواقفها ضدي من كلامها اني دايما وحشة عيشت حياتي كلها بحاول اثبتلها اني حلوة اني كويسه مش شيطانه دخلت كلية مش عايزاها علشان تحبني بقيت اركن مشاعري علشان ابسطها لو زعلت بزعل ومبعملش اي حاجه لحد ما ترجع تتبسط وتتكلم واخيرا دخلت الكلية اللي هي عايزاها علشان تنبسط مني وبقت تشوفني جميلة واخيرا بقيت احس انها شايفاني حلوة واني طيبه و شخصيتي حلوة حتي لو انا من جوايا عارفه انها بقت تشوفني كده بسبب تعليقات الناس حوالينا اني قد ايه محبوبة وحلوة وانه كله عاوز يتعامل معايا علشان فجأة تعمل مشاكل مع ابويا وقتها سألتها انتي عايزة تطلقي ليه عاوزة تتجوزي؟ قالتلي لا وانا كنت اسألها علشان لو عايزة اقف جنبها لانه حقها حتي لو هيجرحني بس هي اختارت تكذب علشان محدش يتكلم عنها انها هتسيب عيالها علشان تتجوز علشان بعدين الاقي ليها شات مع واحد متفقه معاه تتطلق علشان تتجوزه وبينهم كلام سافل وقعت من نظري و حسيت قلبي اتكسر وفقدت الامان فجأة حسيت وقتها بابشع احساس في حياتي ودخلت في حالة من الاغماء وحسيت ان حد خلع قلبي من مكانه بس وقتها مقدرتش اعمل اي رد فعل غير اني اواجهها بجحت في وشي في الاول وانه هي مغلطتش ولما لقت نفسها معندهاش حجه قعدت تعيط وقتها وعدتني انها هتقفل الموضوع وانا سكت علشان اخواتي الولاد علشان بعد اقل من شهر تسافر بره البلد كلها وتسيبني وبعد 8 شهور كاتمة السر في قلبي بيعذبني كل يوم كل ما افتكر انه شفتها تقول لراجل نفسي البس قميص نوم واحط برفيوم سيكسي وانام في حضنك و احس بقرف يوم عن يوم تعبت وعملت عملية وكنت فيها لوحدي وهي مش جنبي ولا حتي كنت عايزاها تعرف بقيت بكرهها كل يوم عن اللي قبله لحد ما مبقيتش قادره اتكلم معاها وقطعت منغير ما اقول لحد اي اسباب فجأة بقت تقول للناس اني مريضه ومحتاجه علاج علشان تسبق بالاحداث علشان لو اتكلمت محدش يصدقني وكرهت اخويا فيا وفعلا لما اتكلمت محدش صدقني بس كان في الاول بس من صدمتهم الا بابا صدقني من اول ما نطقت واخويا الصغير وبسبب المشكلة دي اخويا التاني كارهني وبقي يدعي عليا اموت زي ما تدعي عليا الست دي دمرتلي حياتي وبقيت ادعي لو ربنا مش هيبعدها عن حياتي ياخدها

بس انا مش عارفه اتخطي فكرة انه ماما مش موجوده في حياتي واحساس ان معنديش ام وهي موجوده حجتها قدام الكل اني 22 سنه مش صغيره بس انا مشبعتش من حنانها وانا صغيره وكنت فرحت لما كبرت انها ممكن مثلا تكون كبرت وفاقت وممكن تعوضني
انا بتقهر كل ما اشوف بنت وامها والتعامل بينهم حلو ازاي وافتكر انه معنديش ماما بعد ما افضل متغربة للجامعه بالشهر والشهرين ارجع الاقيها في البيت واحضنها واشتكيلها انه قد ايه انا حياتي وانا لوحدي من مشاكل بقابلها لضغوطات كلية صعبه تعملي اكل علشان بقالي شهر باكل معلبات و اكل من بره او جبن علي الاقل الاقي سريري نضيف انام عليه هي حتي تهي موجوده مكانتش بتقدملي اي حاجه بس انا كنت مكتفيه انه ارجع البيت الاقيها موجوده كنت برتاح دلوقتي انا حاسه اني لوحدي تماما بابا بيحاول يعوضني بس مش قادر خارج عن طاقته انا في اشد الحاجه لوجود ام وامي عايشه بس مش موجوده كل يوم بكرهها اكتر وسخطي بيزيد من ناحيتها ومبقيتش عايزاها في حياتي حتي لو رجعت بس احتياجي لام في حد ذاته انا في امس الحاجه ليه

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع