ماما بوظت حياتي ومش عارفة أتحمل

Cookies_51283 🇪🇬

منذ يوم واحد

شعور ضاق ذرعًا

وصلت لمرحله وحشه ف علاقتي بأهلي خاصه ماما داخله ع مرحله كره ليها استحملت كتير اوي وكنت بقول عادي هي مش فهماني بس بتحبني ومش لم هتكره عيالها بس هي بوظت حياتي وشخصيتي وكل حاجة فيا مكانتش جمبي لما احتجتها وبتفرق وبتيجي عليا علشان ترضي اختي الدنيا كلها متقفلة ف وشي ونفسيتي مدمرة بسببها مش عارفة اعمل ايه بقيت كئيبة وببعد عن كل الناس مش قادرة احكي مشاكلي معاها ولا عارفة ابقي كويسة كل حاجة بتنهار قدامي وانا قاعدة بتفرج مش قادرة اعمل حاجة ولا حتي اعيط ولا اتكلم

بكره أمي بسبب المعاملة الظالمة مع اخواتي

دايما بحس انى بكره امى جدا لان هى بتعاملنى غير اخواتى تماما يعنى مثلا انا اللى بعمل كل شغل البيت وشايله مسؤوليه المصاريف ده غير ان انا لسه فى 2 ث وعندى 15 سنه يعندى عندى روس ومذاكره وليا حياه خاصه بيا المفروض ورغم ان انا اكتر واحده ببرها وبتقعد تقولى ان انا اكتر واحده بتحبنى فى اخواتى وانها بتحكيلى على كل حاجه كده ،بس فى النقيض الاخر اخواتى فى مكانه وانا فى مكانه تانيه خالص دايما تفضلهم عليا فى كل حاجه فى الاكل واللبس والمصاريف وكل حاجه حرفيا فبقيت اكره كل حاجه هى بتعملها معايا حتى لو بتهزر معايا معنتش بقبل هزارها ولا اى حاجه من ناحيتها وبدأ اتعصب دايما لما بقيت اتكلم معاها ومعنتش عارفه اتعامل معاها ازاى ...عرض المزيد

6 الدعم

4 نصيحة

بكره أمي ومخاصمتها 3 شهور وحاسس اني جبت أخرِي

انا وصلت ل مرحله اني بقيت بكره والدتي والله حاليا مخاصمها بقالي تقريبا 3 شهور عايشين ف نفس البيت و مش بطيق اكلمه علطول ظنا فيا ظن وحش وانا معملتش حاجه غير كدا 100 مره تفتش التليفون و مش بتلاقي حاجه و بقول عادي دي امي ف فمره انا بكلم صحابي براحتي زي اي صحاب راحت واخده الموبايل و مسكت الشات من اولها ل اخرها لقتني كاتب شتيمه تروح تزعقلي و مش عارف اي و تعمل موال وانا كل ده ساكت فالخر قلتلها حاضر انا اسف قامت قايلالي انت بتهاودني و متكلمنيش تاني فاللحظه دي انا حسيت اني جبت اخري اقسم بالله و فكرت كذا مره فالانتحار لحد ما فالاخر قلت مش هكلمها تاني ...عرض المزيد

8 الدعم

13 نصيحة

مش عارفه أعمل إيه مع أمي وطرقها المؤذية

سوري لو هطول بس انا بجد محتاجه حل ... انا من يومين كنت متفقه مع صحبتي نخرح و نجيب حاجات و انا كنت محتاجه كام حاجه و كده ف لما جه اليوم ده يصادف ان ابن عمتي يجي هو ومراته بس انا قولت لا انا متفقه مع صحبتي و يبقى يوم تاني او لو انا رجعت قبل ما هما يمشوا ف انا وصحبتي خرجنا كده على 8 ونص كانوا الضيوف خلاص شبه وصلوا بس انا خرجت و هي اليوم ده انا و هي كنا متفقين ان احنا هنمشي و كده الصراحه هي كانت السبب في ان احنا نتاخر ف لما طلعت وكده ماما كانت كل دقيقتين تتصل و تقول تعالوا و انا كنت لسه مخلصتش ف كنت بقول ليها احنا لسه مخلصناش اعمل ايه يعني ف هي كانت بتتضايق لما بقول كده وانا كنت واخده كرت البنك بتاعها هي عارفه و كنت واخده من بابا فلوس بس مقولتلهاش كام بالظبط ف لما روحنا وكده و على ما جبت الحاجه قولتلها ربع ساعه و هكون عندك بس تاحنا بنمشي لقينا ان عدت نص ساعه نش ربع يش ف لما وصلنا صحباي طلعت معيا و كده وقعدنا مع الناس في اخر 10 دقايق كده ف لما رواحوا ماما قعدت تزعق على ان ازاي انا اخرج و احنا جايني لينا ضيوف وان انا بسمع كلام صحابي وهي لا وان ازاي انل مش بوفي بي وعودي و بدات تجيب مواقف قديمه بتقول فيها الحجات الوحشه بس كل ده قدام صحبتي و كل ما صحبتي تتحاول تتدخل اني كانت توقلها مش انتي الغلطانه و ان انا الغلطانه و جابت سيره ان انا هسقط بي مستوايا ده مع ان والله في تقدم ملحوظ في مستويا بس هي مش بتشوفني وانا بذاكر وقعدت تمن عليا بي حجات ان هي بتشتغل عشان توفر ليا عيشه و ان اقدر اذاكر و كل ده و ان هي جابت ليا دهب و انا مقدرتش و في الاخر قالت انتي مش بنتي ولا اعرفك واعتبري ان ملكيش ام طبعا كل ده قدام صحبتي ولما كنت هعيط قالت عيطي عيطي ما هو ده الي انتي فالحه فيه و بعدها عي دخلت تنام الصراحه صحبتي ما مشيتش غير لما قعدت تهون عليا و تضحكني و كده و دلوقتي انا غصبن عني بدات اكون مشاعر كره لي امي بسبب طريقتها و احنا دلوقتي متكلمناش بقلنا يومين و انا معتش عارفه انا المفروض اعمل ايه .... سوري لو طولت بجد ...عرض المزيد

7 الدعم

7 نصيحة