النهاردة كنت انا و صحابي مش لاقيين مواصلات ف واحنا واقفين جات واحدة قالتلي ممكن توصليني بالشنطة لحد باب السكن هي فعلا الشنطة كانت كبيرة و السكن كان بابه ورايا علطول بس انا اتوترت ف غمزت لصاحبتي و شاورتلها بأيدي انها تيجي ورايا يعني وروحت مع البنت و طلعت كويسة الحمدلله ف لما رجعت ملقيتش حد منهم خالص بعدين اتفاجأت انهم ركبوا عربية و العربية ماشية و هما بيشاورولي اروحلهم يعني (اللي حصل انهم لقوا عربية ف قالوا يركبوا و يحجزولي لحد مااجي بس العربية اتملت و مشوا لحد اخر الشارع بعدين اكتشفوا انها عربية غلط ف نزلوا) انا متكلمتش على حوار العربية وقولت عادي بتحصل لكن بعاتبها انها مراحتش ورايا لأني اول مرة اقلق من حاجة زي دي دايما بساعد وانا متطمنة مش بخوّن حد لكن المرة دي انا فعلا قلقت جامد ف لما قولتلها لفت وشها وانا مفكراها مش سامعاني و عمالة اعيد الكلام ف بصيتلها لقيتها بتضحك اصلا ف حاسة اني اتقفلت منها جامد و في نفس الوقت مش عارفة انا مكبرة الموضوع ولا ليا حق اتضايق

11

5