انا نزلت من كام يوم اني قفشت جوزي بيكلم واحدة وواعدها بالجواز وقريت الشات بينهم ف انا واجهته وكلمته قولتله مين دي اتوتر كدا ومعرفش يرد وفضل يقول مين دي معرفش حد بالاسم دا قولتله انا شوفت الشات كله وانت بتكلمها والمفروض زي مامكتوب فالشات انك بتحبها وهتتجوزها راح قعد ساكت قولتله ليه عملت كدا طب انا مقصرة معاك في حاجة برضو كان ساكت قولتله لا متقعدش ساكت ورد عليا انا مقصرة معاك ف اي قالي مش مقصرة ف حاجة قولتله طب مقصرة فالبيت ف العيال ف اي حاجة قالي لا قولتله طب ليه تعمل كدا وكنت متمالكة اعصابي والله هو بقا قعد يبرر لنفسه كالطبيعي زي اي راجل مش عايز يطلع نفسه غلطان وف الاخر قال انا نازل ونزل وانا مخدتش اي إجابة منه ولا اي رد فعل منه غير انه كان بيبرر لنفسه وبجد مش عارفة اعمل اي ومخنوقة ومش عارفة اعمل اي حاجة من خنقتي

7

0