أنا عندى قصة صعبة جداً وللأسف مفيش حد أحكيلة أنا تقريباً بقيت لوحدى فى الدنيا من حوالى ٥ سنين مليش أصحاب ولا أخوات ولا أهل يسألوا عنى , أهلى خانونى أنا ووالدتى و استولوا على نصيبنا فى الورث وهى اتوفت من القهرة لدرجة إن جالى اكتئاب وبقيت بروح لدكتور نفسى وسبت البلد كلها بالى فيها و انتقلت لبلد تانية ، اشتغلت كتير الفترة دى وعملت فلوس كويسة جداً وعايش مرتاح مادياً بس فى نفس الوقت مش مبسوط ، مفيش إلى أتكلم معاة واشكيلة همى يا دوب قاعد فى البيت مش بتحرك ومش بنزل غير لو فية عميل جايلى فى مجال شغلى ، أنا دايما بحس انى مكتئب وكتير فكرت فى فكرة إني أخلص على نفسى قبل ما أروح للدكتور بس اتقربت أكتر بعدها من ربنا وشيلت التفكير دة من دماغى ، أنا خسرت والدتى وأنا ٢٦ سنة وحسيت الفترة دى من ساعتها إني كبرت ١٠٠ سنة ، أنا بقول الكلام دة لأنى حسيت إنى عاوز أتكلم وملاقتش حل غير على الابليكيشن دة على الأقل محدش يعرفنى بس محتاج دايما نصايح ليا اية إلى ممكن اعملة ميحسسنيش دايما إني لوحدى ومكتئب

9

11