قررت أتغير حتي لو محدش مهتم - رحلة التغيير من نفسي

Marshmallow_21857 🇪🇬

منذ شهر واحد

شعور متوتر

أنا قررت أتغير حتي لو محدش مهتم حتي لو محدش هيبص المهم أنا عايزة أتغير أنا عندي ٢٦ سنة بس مفيش إنجاز عملته في خلال السنين دي كلها ف أنا قررت من النهاردة لحد يوم ٢١/٩ لازم اعمل حاجة مش لازم تكون ملموسة المهم أنا أحس بيها و افتخر بيها حتي لو كانت مش مهمة عند حد أنا قررت ان مش معني اني سبت الشغل و قعدة في البيت ابقى معرفش حاجة خلاص و ابقي فاضية ا ان شاءالله بكرة هنزل الجيم و النهارده بدات حاجات بسيطة كان اول يوم دايت و مضعفتش و قراءة قران و سمعت الأخبار و عرفة أهمية مضيق هرمز و زكرة الكورس الي انا عايزاه ابدا فيه و الحمدلله صلاة الفروض كلها مع السنة اه في حاجات معرفتش اعملها بس مش مشكلة لسه في بكرة و ان شاءالله هكمل💪🏼

بضيع نفسي وحيرتي ومحدش ملاحظ

السلام عليكم عايزة اقول حاجات كتير بس متلغبطة مش عارفه كل اللي اعرفه اني بضيع نفسي بتضيع حلمي بيضيع علاقاتي بصحابي بتضيع علاقتي بأهلي علاقتي مع ربنا ودي اكتر حاجه مؤذياني اني بضيعها بعد ما فضلت كتير اوي بحاول اني اظبطها انا حرفيا تعبت ومحدش ملاحظ مش مطلوب منهم انهم يلاحظوا بس كان نفسي حد يلاحظ دا يلاحظ وجعي ويلاحظ حيرتي وتشتتي هما مش ملاحظين غير اني مبقتش افتح وامسك الموبايل طب مفكرتوش تعرفوا ليه مجاش في بالكم اني مبقتش قادرة فكرة اللوم انتي ليه مش بتفتحي او ليه مش بتردي دي اول خيار عندهم ما علينا يعني اتمنى تدعولي واللي عنده حل بخصوص ازاي احاول اقرب من ربنا اكتر تاني وارجع احس بصلاتي وارجع قران واقول اذكار ياريت يفيديني بجد وشكرا ليكم انكم بتسمعوا بجد اسفة اني طولت عليكم 🤎 ...عرض المزيد

11 الدعم

8 نصيحة