بضيع نفسي وحيرتي ومحدش ملاحظ

Q: اتعلقت بوجود شخص وحسيت إني مش موجود

عارف تروح فين روح لربنا هو الوحيد اللي بيفهم انت حاس بإيه وعايز ايه ومريت ب ايه كل شخص بيقلل من وجودك وقيمتك تخطاه بكل ثقة ومن دون تفكير لأنه اللي مش بيقدرك ما بيستحقكش انت اكبر من كده وقدرك عالي عشان كده اتمنى انك تكون بخير وتعطي وقتك لشبئ يفيدك فالمستقبل وتترك الناس اللي مش بتقدرك تلاقي ناس زيها مزيفة

Question

السلام عليكم 
عايزة اقول حاجات كتير بس متلغبطة مش عارفه كل اللي اعرفه اني بضيع نفسي بتضيع حلمي بيضيع علاقاتي بصحابي بتضيع علاقتي بأهلي علاقتي مع ربنا ودي اكتر حاجه مؤذياني اني بضيعها بعد ما فضلت كتير اوي بحاول اني اظبطها انا حرفيا تعبت ومحدش ملاحظ مش مطلوب منهم انهم يلاحظوا بس كان نفسي حد يلاحظ دا يلاحظ وجعي ويلاحظ حيرتي وتشتتي هما مش ملاحظين غير اني مبقتش افتح وامسك الموبايل طب مفكرتوش تعرفوا ليه مجاش في بالكم اني مبقتش قادرة فكرة اللوم انتي ليه مش بتفتحي او ليه مش بتردي دي اول خيار عندهم ما علينا يعني اتمنى تدعولي 
واللي عنده حل بخصوص ازاي احاول اقرب من ربنا اكتر تاني وارجع احس بصلاتي وارجع قران واقول اذكار ياريت يفيديني بجد وشكرا ليكم انكم بتسمعوا بجد 
اسفة اني طولت عليكم 🤎

Durian_52455 🇪🇬 · Accepted Answer

وعليكم السلام، انا عارف جدًا الفترة اللى انتى فيها دى وتأثيرها النفسى الصعب عليكى بسبب إن مفيش حاجة كويسة.
والمُبهر هو إنك عارفة كويس الغلط فين..
وبداية الإصلاح هى فعلًا علاقتك بربنا، لإن هو السبب الأول والأخير فى كل النِعم اللى احنا فيها،
ممكن علاقتك بيه تتحسن بالذِكر
وانتى فاضية حركى لسانك ولاحظى جدًا كرم ربنا عليكى رغم إنك بعيده عنه،
حركى إيدك، اتنفسى ببطء، فتحى عينك وغمضيها

Hazelnut_52503 🇪🇬 · Answer

وعليكم السلام... 
بالنسبه للسلام والأذكار و هكذا هو حضرته بتقطعي ف الضلاه ولا مش بتصلي أصلا 
بصي في بودكاست جميل 💕بيزوت الإيمان 
اللي هو تحسي بلذه الطاعه من صلاه و دعاء و هكذا

Durian_52455 🇪🇬 · Answer

هتحسى إن ربنا كريم ورحيم بيكى جدًا.. وهو يستحق الشُكر وإنك تقوليله "الحمدلله" من قلبك.. 
مع العلم إنك إنتى اللى محتاجه تقوليله شكرًا.. علشانك إنتى.. علشان علاقتك بأهلك تتحسن.. علشان تعرفى مين اللى يستحق يكون من صحابك ومين لاء
ربنا هو اللى بيتحكم فى كل حاجة فحياتك وقراراتك.
ولو انتى فاكرة إن بإيدك حاجة فـ ربنا بإيده كل حاجة
ادعيله انتى بس وقربى منه
ومتنسيش الحديث العظيم ده عن أشرف الخلق 👇

Durian_52455 🇪🇬 · Answer

حديث صحيح عن النبي ﷺ: قال الله: أنا عند ظن عبدي بي، وأنا معه حين يذكرني، فإن ذكرني في نفسه؛ ذكرته في نفسي، وإن ذكرني في ملإ؛ ذكرته في ملإ خير منه، وإن تقرب إلي شبرًا؛ تقربت منه ذراعًا، وإن تقرب مني ذراعًا؛ تقربت منه باعًا، وإن أتاني يمشي؛ أتيته هرولة هذا من الرب ☝🏽❤️

Lemon_34495 🇶🇦 · Answer

قال الله تعالى في الحديث القدسي:

> "من تقرّب إليَّ شبرًا، تقرّبتُ إليه ذراعًا،
ومن تقرّب إليَّ ذراعًا، تقرّبتُ إليه باعًا،
وإذا أقبل إليَّ يمشي، أقبلتُ إليه أهرول."

قربي يجبيبتي من ربنا و  وصليله حبك و هتلاقيه بيديكي طاقة كل مرة انك تقربي اكتر

Coffee_27429 🇪🇬 · Answer

شكرا ليكم على ردكم واهتمامكم بجد وان شاء الله كل حاجه هتعدي 
بصي هو انا بصلي عادي وبحاول مفوتش فرض الفكرة اني لا بقيت حاسة بصلاة ولا ملتزمة في اي حاجه بس بحاول بقالي يومين اكون اكثر خشوعا فيها اي دعاء يقابلني اقوله وبدعي كتير ان ربنا يتوب عليا ويقربني ليه اكتر ادعولي معاكم فضلا 🤎

Durian_52455 🇪🇬 · Answer

ربنا ينور قلبك ويقربك ليه
ويعفوا عنك فى كل تقصير 
ويجعلك سبب فى هداية الناس كمان

ان شاء الله الفترة دى تعدى على خير وتبقى كويسة وأحسن من الأول ❤️ وجميل جدًا تركيزك على الخشوع
ان شاء الله ربنا هيحققلك اللى بتتمنيه وحياتك هتتحول ١٨٠ درجة بسبب قربك ليه