انا عندي مشكلة وخايفة اكون انا اللي وحشة او انا اللي اوفر اخويا انا بحبه اوي بس انا بحسه مبيحبنيش! معاملته معايا بجد وحشة وانا مببقاش فاهمة ليه مثلا لما انكشه اساله رايح فين اساله اي سؤال رده واحد ملكيش دعوة انا عادي باخدها هزار بي هو بقا كده دايما عمري م اساله حاجة عن اي حاجة ف الدنيا وبيرد عليا لازم يقلل من كلامي لازم يتريق!! بيقعد يتريق علي شكلي كتيررر جدا ف الرايحة و الجاية وانا مش غبية اكيد اعرف افرق بين الهزار و بين الكلام المقرف مع ان انا مش وحشة! او مفيش فيا حاجة تدعو للتريقة قليل اوي لما نقعد ونهزر وانا بيبقي نفسي ف كده ف بنساله كل اسلوبه بحسه دايما متجاهلني لما مثلا نبقي قاعدين ع السفرة كلني مبتكلمش قاعد ف وشي اقسم بالله بيتجنب يبصلي او بيبص بقرف انا بستغرب اوي!!!!!!! وعنده استعداد يقلب عليا ف ثانية كأني عدوته ومن اقل حاجة هو حنين مع ماما بس مبيشوفش غير ماما مش بيصيح الصبح غير علي ماما حتي لو انا قاعدة قدامه بيجي من برا مش بيسلم عليا سافرت مدة شهر انا وماما لما رجعت كاني عادي كنت موجودة ومسلمش عليا ،لما كان بيتصل واحنا مسافرين بيتصل علي تليفون ماما ف لو انا رديت مش مثلا يقولي ازيك اول م رديت فين ماما انا والله ما بعمل حاجة ل ده كله والله والله ما بعمل اسلوبه وطريقته بشعين ومعلمين جوايا اوي وده اخويا الوحيد علي فكرة!!!!! وكمان مليش صحاب خالص واصلا علي كل ده بقا انا اكبر منه بسنتين بس بحسه قالل مني دايما بتوصل حتي قدام قرايبنا مرة عمري م هنساها اتريق علي شكلي كنت وقتها مركبة تقويم وخلي ابن خالتي يزيط عليا!!!! ومهموش اني عيطت او زعلت امي اللي كلمته قالتله يعتذر!!!!!! وبيقعد كانه بيتباهي قدام خطيبي انه كان بيضربني فعلا و احنا صغيرين لما كان بيحصل اي حاجة كان بيضربني ومش بيضربني عادي كان بيضربني بعنف وغل كذا مرة جسمي وجعني وكذا مرة اتعورت! انا زعلانة اوي ولو اتكلمت ف البيت محدش هيفهمني مرة فضفضت لامي لان كنا مسافرين سفرية عائلية وعاملنيرفبعا اسوء معاملة… هي كل اللي عملته وكتر خيرها يعني انها حاولت تقوله سلم علي اختك صبح علي اختك متزعقش لاختك بس اقول ايه لا حياة لمن تنادي…

4

4