بمر بفتره صعبه وخلافات الأهل بتوصل للطلاق

Strawberry_54272 🇪🇬's منشور

Strawberry_54272 🇪🇬

منذ 3 أيام

.

شعور متعب

بمر بفتره صعبه جدا علاقتي باهلي مش احسن حاجه كل يوم زعيق وانا بكره الصوت العالي وبدايق منه جدا علاقه فرق السن بين الوالد والوالده كبير جدا فا ممكن دا يكون سبب انهم مش متفاهمين مش خلافات عادي خلافات بتوصل للطلاق وحاسه اننا بنتظلم فالنص وحاسه اني اكتر حد مظلوم لان المشاكل والخلافات ازدادت في فتره صعبه بالنسبالي (ثانويه عامه) انا من النوع ال بحب اذاكر وبحب المذاكره بس مبداتش السنه صح وحاجات كتير متراكمه مش بعرف اذاكر خالص بمسك الكتاب مش بكمل خمس دقايق ع بعض اتخنقت من البيت عشان بقي مصدر الازعاج بالنسبالي مش عارفه امتي هيخلصوا مشاكل وخلافات المفروض الحاجات دي تبقي بينهم واحنا منحسش بيها بس لا كل واحد فيهم عايز يطلع التاني غلطان

7

4

Hazelnut_52786 🇪🇬

أفضل نصيحة

.

منذ 3 أيام

ربنا يقويكي يا حبيبتي، انتِ فعلاً بتمري بفترة صعبة، بس ركزي فـ نفسك ومستقبلك لإنه طوق نجاتك. حاولي تذاكري في مكان هادي برا البيت لو تقدري، أو حتى حطّي سماعات واعملي لنفسك جوك. خدي من اللي بيحصل ده دافع إنك تبقي قوية وتخرجي من ده كله ناجحة وتعيشي حياة أهدى وأحسن

12

0

Hazelnut_49757 🇪🇬

.

منذ 3 أيام

بالنسبة لاهلك رغم سنهم الا انهم معندهومش نضج كفاية يخليهم يخافو عليك في النص ومش مقتنعين ان دا ممكن يأثر فيك اصلا وجايز اوي يكونو اتعرضو لمشاهد من دي كتير ووهما صغيىرين ومحدش برضو كان مهتم انهم موجودين واتأثرو في الكام يوم الي فاضلين حاول تلاقي اي مكان تاني برا البيت تذاكر فيهم بص ركز علي مسقبلك اليومين دول وتجاهل اي حاجة حواليك

10

0

Apple_54263 🇪🇬

.

منذ 3 أيام

المفروض تتعايشي وتستغفري ربنا كدا وتخلي بالك من مذاكرتك السنه دي بس وهما ربنا يهديهم لبعض يارب ويخفو خناق وانشاء الله كل حاجه هتتحل وربنا يوفقك ف امتحاناتك وتعدي ع خير يارب 🩵🙏🏻

10

0

Popcorn_52587 🇪🇬

.

منذ 3 أيام

مشاكل الأهل مش مسؤوليتك، لكن تأثيرها عليك مفهوم. لو البيت مصدر إزعاج، حاولي تلاقي مساحة هادئة للدراسة أو تلجئي لطرق تساعدك على التركيز. عبّري عن مشاعرك بأي طريقة تريحك، واهتمي بصحتك النفسية. تستحقي الراحة والاستقرار رغم كل الظروف

11

1

التجربة أفضل عبر التطبيق

حمّل تطبيق توهيل على هاتفك لتجربة أسرع