عايز حد جنبي يفهمني ويقولي "أنا معاك"

Cheese_66926 🇪🇬

منذ 18 ساعة

شعور مكسور القلب

"حد يفهمني أو حتى يحاول يفهمني… أنا عايز حد جنبي. تايه ووحيد ومبسوط بالحزن اللي بيحرقني من جوه 🔥😔 فاقد الأمل ومرهق وعايش في دايرة مفيهاش مخرج 🔇✋ اللي بحبه منصفنيش واللي كنت فاكِرهم صحابي اختفوا… وناس حواليّ موجودة بس مش معايا فعلاً 💔 مش بطلب حل، مش بطلب نصايح طويلة، بطلب بس حد يقعد معايا شوية، كلمة بسيطة أو رسالة تقول 'أنا معاك' تكفي تفرق معايا

مليش حظ.. مش هعرف اوصل للبنت اللي بحبها

صراحه انا مش كويس خالص 💔انا كل ما افتكر الموضوع ده عيني بتدمع و كتير ببكي في انسانه حبيتها اكتر من سنتين كاملين وكنت بحبها بيني وبين نفسي مصارحتهاش بأي حاجه جوايا بسبب خوفي من ابوها هو محامي كبير و ليه مركزو لو انا فكرت اتكلم مع بنته هيعملي مشاكل كبيرة زي مانتو فاهمين اكيد مش هقدر اقول الكلمه في البوست عشان متحظرش تاني زي كل مره المهم عدت سنتين كاملين وانا كاتم حبي ليها في قلبي مقدرتش ابطل احبها مع انه محصلش اننا اتكلمنا ولا حصل بينا اي موقف خالص كل القصة انها كانت ساكنه في بيت في نفس مكان شغلي وكنت في الاول معجب بيها جدا بس للاسف كانت هيا السبب في ده لاني كنت في حالي لكن هيا اللي بدات بالنظرات وكده بس بشكل مستمر يعني في الرايحه والجايه مركزة معايا وانا مش عارف ليه؟ بسأل نفسي هو انا فيا ايه حلو اصلا عشان البنت دي تبصلي بنظرات اعجاب المهم بعد فترة نفسيا اتعلقت بيها وحبيتها وفضلت سنتين كاملين افكر فيها و لو حسيت لحظه انها معديه رايحه تجيب حاجه مثلا اجري ابص من شباك عليها من بعيد مكانتش بتشوفني هيا لكن انا كنت بشوفها بس جيه يوم وصارحتها وعرفتها اني بحبها وعايز اتقدملها و لما سألتها لو جيت اتقدمتلك هتوافقي قالتلي مش عارفه صراحه ردها عليا مفهمنيش اي حاجه وخلاني محتار وتايه اكتر حاسس اني ممكن اتعب سنين عشان اعمل فلوس وفي الاخر بعد السنين دي كلها اروح اتقدم ليها هي ترفضني او ابوها يرفضني لان ابوها شخص غني جدا و مش هيرضي لبنته بشخص فقير زيي انا طبعا لاسباب معينه مشيت من الشغل والبنت مبقتش بتشوفني خالص انا خايف انها تكون نسيتني انا كنت دايما خايف اعبر عن حبي عشان متأذيش من ابوها وانا كنت بس حابب اعرف هيا عايزاني ولا لا 💔 بس انا شايف اني مهما عملت ف مش هعرف اعيشها في العيشه اللي هيا عايشاها كل يوم ابوهم بيأكلهم فراخ او لحمه او سمك وكل يوم فاكهه وكل يوم خروجات بالعربية و مش حارمهم من حاجه ده غير الشقة اللي هما قاعدين فيها و الراجل كمان عندو شقة تانيه وفيلا و كل ده بيحسسني اني ولا حاجه قصاد الراجل ده شعور بيصيبني بالعجز والحزن المستمر ان حتي الانسانه الوحيده اللي حبيتها بعد تعب السنين ده كله مش هعرف اوصلها ولا اخليها في حياتي حاسس اني فقدت الأمل انا حتي من شده حبي ليها اخدت قرار اني مش هحب ولا هرتبط من بعدها هعيش لوحدي طول عمري حتي لو هتعذب كل يوم مش مشكله 💔😭 انا حاسس اني مليش حظ في حاجه ولا من حقي احلم ولا احب ولا اتمني ا الفقير اللي زيي ملوش مكان في الدنيا دي 😭😭💔 ...عرض المزيد

1 الدعم

3 نصيحة