عاوز أنفصل بسبب عدم التقدير والتغيير

Question

أنا عاوز أنفصل لإنى شايف كل حاجه أنا عاوزها مش بتعملها ولا بتحاول تغيرها ولو حاولت مره تغير مش بكون حاسسها من جوايه ووصلت لمرحلة إن لو حصل أى تغيير فى يوم من الايام مش هكون حابب التغيير ده لأن كثرة الطلبات وعدم التقدير لطلباتى خلتنى أكره الاستمرار فى هذه العلاقة . إيه الحل ؟

Watermelon_68244 🇪🇬 · Accepted Answer

ليه تاخد واحده بتبذل جهد علشان تغيرها 
من الاول كان ممكن ترتبط بانسانه شبهك ومريحه بالنسبه لرغباتك ومتطلباتك من رائي المتواضع ان العلاقه دي بنسبه كبيره مش هتكمل لأنها هي حتي لو اتغيرت شويه صغيرين هيكون بالنسبالها دي تضحيه كبيره ليك لكن انت مش هتشوفها اصلا وهيفضل طول الوقت بينكم فاصل

Strawberry_68288 🇪🇬 · Answer

إلفت نظرها و ليس تهديد 
قولها الاحساس اتغير 
تعالى نحط خطة مع بعض و نحل الأمر

Strawberry_68144 🇪🇬 · Answer

تفرق لو متجوزين ف اكيد مش هتسيبها في نص الطريق علشان هي تبقي ع مزاجك مفيش حد كامل ولكن بالحب بنتقبل الطرف الثاني وبنقبله زي ما هو اتغير يبقي خير وبركه ما اتغيرش تتكيف معاه أما لو ارتباط خطوبه أو غيره ف الافضل تترك لأنك هتبقي شايف نفسك بتضحي وغلبان وف الاخر هتكون انت اللي مطلع عينها

Coffee_68284 🇪🇬 · Answer

الاختيار من الاول كنا مركزين على أساسيات معينه وماكناش فهمين الدنيا بالشكل اللى احنا وصلناله دلوقتى والطبيعى ان كل فترة  من العمر بنكبر وبنتغير وبتتغير طموحاتنا واحتياجتنا والطبيعى إن المفروض الانسانه المرتبط بيها بتفهم كده وبتتغير تبع اللى انت عاوزه وخاصة إنها أشياء مش حرام ولكن الطبع يغلب التطبع وفيه ناس مابتقدرش تغير الببئة اللى هى اتربت فيها .

Coffee_68284 🇪🇬 · Answer

للأسف حتى أنا معدش عندى رغبة التغيير ومش عاوزه منها لانى فعلا قفلت من نحيتها خالص

Coffee_68284 🇪🇬 · Answer

ليه يتحكم على اللى باقى من عمرى أقضيه بدون مشاعر بون هدف بدون سعاده بدون أنس بدون تعايش وحياة فيها حوار وفيها تلاقى للرؤى ووجهات النظر . إحنا كشعوب شرقية بنضطر نتجه للحرام عشان محكوم علينا بالثقافة دى إننا نكمل الطريق حتى لو الطريق مش مناسب . ولذلك بتكتر الخيانات والمشاكل وعدم الاستقرار

Watermelon_68244 🇪🇬 · Answer

جمله (بتتغير تبع اللي انت عاوزه) مش معاك فيها لانها انسانه وربنا خلقنا مختلفين فهي اكيد ليها رائ وذوق وتفكير مختلف عنك علشان كده قولتلك في الاول أن هيفضل بينكم فاصل حتي لو حد فيكم ضحي علي المدي البعيد الطرف اللي بيضحي هيحس بعدم موازنه للعلاقه دي وممكن لقدر الله يحدث انفصال 
في الاول والاخر دي ده قرارك لكن برضو من رايي أن دايما فيه حل وسط يرضي الطرفين 
وربنا يصلح حالكم مع بعض يارب

Coffee_68284 🇪🇬 · Answer

أنا مش بطلب طلبات تعجيزية . أنا بطلب مثلا حجات ممكن حضرتك تعتبريها حاجه مش مستاهله خلاف ولكن بالنسبة ليا ولشخصيتى بتكون مهمة جدا جدا زى مثلا طريقة اللبس ولف الطرحه والاهتمام بالمظهر العام والاهتمام الشخصى . يعنى مثلا بشوف استايل معين وحابب ان زوجتى تكون كده نفس الاستايل فطبعا بترفض . مثلا لفة الطرحة بتاعتها مابتتغيرش وفلاحى جدا وقلتلها كتير بردو مفيش تغيير . الاهتمام الشخصى بردو بالعافية .

Watermelon_68244 🇪🇬 · Answer

ثقافه تقبل النقد مش موجوده عند ناس كتير 
تاني حاجه في ناس منقدرش تخرج من zone البيئه بتاعتها حتي لو عوامل التغيير موجوده والتغيير كان احسن 
لو الراحه والتفاهم مش موجودين فالعلاقه بنسبه 100٪هتفشل 
لازم تقعد مع نفسك وتقرر لان زياده الوقت هتأثر عليك وعليها بالسلب

Coffee_68284 🇪🇬 · Answer

كلامك صح فعلا وطول الوقت مفيش سعاده حقيقية بحسها فى الحياة . مفيش انجذاب فى الحديث . لما ببعد برتاح فى البعد .

Watermelon_68244 🇪🇬 · Answer

ربنا يصلح حالكم ان شاءالله

Coffee_68284 🇪🇬 · Answer

تحياتى لحضرتك يافندم . شكرا عالنصيحه .

Watermelon_68244 🇪🇬 · Answer

العفو ده دوري

Sugar_60263 🇸🇦 · Answer

ولي تاخد حد وتجيبو تغيرو لي مخدتش حد زي ما انت عاوز من الاول

Coffee_68284 🇪🇬 · Answer

النصيب غلاب

Strawberry_68144 🇪🇬 · Answer

لا طبعا امال فين المشاعر دي وانت بتتجوز وتخلف اتخبرت ولا اي جربت تتكلم معاها وتحكيلها اللي مضايقك بطريقه كويسه جربت تفرحها وتجيبلها هديه حتي لو بسيطه صدقني هتلاقي المعامله اتغيرت تماما

Coffee_68284 🇪🇬 · Answer

وصلت لمرحلة المشاعر وقفت

Strawberry_68144 🇪🇬 · Answer

اتقي الله في ام اولادك وفكر ف اولادك اللي هيتشردوا بعد ما تسببها بين جوز ام ومرات اب ليه تعمل فيهم كده حاول ترجع المشاعر تاني جاهد نفسك

Coffee_68284 🇪🇬 · Answer

هى اللى وصلتنى للمرحله دى ومفيش من رجاء

Strawberry_68144 🇪🇬 · Answer

انت اللي بتلكك شكلك شايفلك شوفه 
ع العموم هي هتلاقي غيرك يحبها ويصونها وانت كذلك هتلاقي اللي تحسسك بالمشاعر المفقوده ف النهايه مش هيتظلم غير الاولاد اللي هيتشردوا طبعا بين جوز ام ومرات اب وانعدام الامان لأن امانهم بيدور ع امانه حط نفسك مكان اولادك تفتكر تحب تعيش وسط اسره مفككة زي اللي انت هتعملهملهم ولا تحب تعيش جو أسري جميل ومتحسش انك تقيل بجد فكر في اولادك وحط نفسك مكانهم يمكن ربنا يصلح حالك

Coffee_68284 🇪🇬 · Answer

كلامك صح . بس ليه احكم على نفسى بالاعدام واعيش حياة غصب مفتقدة لكل معانى الحباة الزوجية . الاولاد هيكونوا معايا او معاها حسب ماهى تختار . ولكن ايتحالة الحياة تكتمل بهذا الشكل .لابد من التغيير .

Strawberry_68144 🇪🇬 · Answer

انت اناني ومبتفكرش غير في نفسك مش مرتاح من الاول خلفت ليه كده الاولاد ولاهيبقوا مرتاحين وهما معاك ولا وهما معاها الصح أن يتربوا وسط اب وام ويعيشوا جو الاسره وتركز مع اولادك شويه لأنها واضح انها شايله المسؤوليه كلها عنك اتقي الله ومتخربش بيتك بايدك