انا تقريبا مالحقتش اعيش طفولتي كويس ابويا و امي اطلقو و انا عندي خمس سنين بس مش عشان اتأثرت من كدة بالعكس كنت مرتاحة اكتر و على الاقل ماكنش في زعيق بس دة في الفترة اللي عيشت فيها مع ماما و لما بقيت في رابعة ابتدائي بدأت تظهر المحاكم و بتاع و ان بابا عايز ياخدنا نعيش معاه دة حتى في المحكمة مايخروناش نعيش مع مين عشان بابا في الجيش و كدة معاه وسايط عشان عارف لو احنا اللي بنختار كنا اخترنا ماما مش هو و بعدين لما روحنا معاه روحنا محافظة تانية و هو كان متجوز ساعتها و كنت بكرها الست اللي اتجوزها دي حرفيا و هي كانت عمرها ما اتجوزت ولا عارفة ازاي تتعامل مع اطفال ف كنت بشوف ان معاملتها وحشة ليا بس بعد كدة عرفت انها طيبة و مانا اتصاحبت عليها عشان تطمن علينا بس المشكلة ماكنتش هنا المشكلة في بابا اللي كل معاملته اهانة ليا انا و اخويا و خصوصا انا عشان (بنت) يكلمني بطريقة وحشة قدام الناس او يشتمني و يضربني على وشي بردو دة في الشارع او في اي حتة بس المهم يبقا في حد شايفه عشان يبين انه اب مسيطر و كدة و يوم ما اتعرض للتح*رش ماعرفتش اقوله طبعا كان هيقتلني فيها و فضل يحصل فيا كدة لمدة تلت سنين اللي كان بيهون عليا اليومين اللي بزور فيهم ماما و اخويا ماكنش بيرضى يشوفها لانه ماكنش في صفها انا بس لغايت ما جت فترة بعد ما ابويا طلق الست اللي اخدت بالها مننا عشان امه و مش هقدر اقول على الشيطان دة جدتي الصراحة شافت انها متصاحبة على ماما و بتاخد بالها مننا ف وسوستله انه يسبها و يتجوز شيطان زيها و فعلا اتجوز بنت عمته و اللي كان عندها ولد صغير يطفش بلد بس الست دي شرطت عليه انه يرجعنا ل ماما عشان شايفة ان دة بيتها هي و مش عايزانا و فعلا رجعنالها تاني و قولت الحياة هترجع بقا بس لقيت ماما اللي انا وقفت معاها عكس اخويا بتاعملني اكني انا اللي كنت عايشة معاها و اخويا اللي ماكنش معبرها طول التلت سنين بتحبه و بتفضله عليا و بقت تعاملني هي كمان بطريقة وحشة و بسببهم دلوقتي مابقتش عارفو اتعامل مع اي حد غير في السوشيال غير كدة مابنطقش كل ما اروح في حتة باخد جمب و مع نفسي و اهو قربت ادخل الجامعة و لسة مش عارفة اتعامل مع الناس و مش عارفو ابر فيهم ازاي مش معتبراهم عيلتي اصلا

11

4