السلام عليكم انا عندي ٢٥ سنه بقالي ٥ سنين ف الضياع كنت بحب واحده ٥ سنين وف الاخر قالتلي انت غريب عني واتخطبت قعدت فتره كبيره منعزل ومش بكلم حد بعدين اتعرفت علي واحده وكان في اعجاب مابيننا وحبينا بعض اخدنا فتره وحصل خلاف قولتلها خلاص نبعد كام شهر وعرفت انها اتخطبت قولت كويس موقفتش حالها يعني بعد فتره من خطوبتها بعتلها اني اسف لو الامور بينا انتهت بشكل وحش وباركتلها ع الخطوبه وبعدها اتعرفت علي واحده كانت اكبر مني سنه وحصل بعدها حوار كبير وبعد الحوار اتكلمنا اكتر واتعلقت بيها جامد وقالتلي انها بتحبني وانا حسيت اني ماصدقت وقولتلها اني بحبها اتكلمنا يمكن شهرين وبعدين بدأت تختفي لانها كانت مريضه جدا لحد ماختفت خالص وبقيت تظهر كل كام شهر مره وقالتلي عيش حياتك لو اتكتب ليا اعيش اكيد هكلمك تاني وانا والله بحبك ملحقتش اتكلم معاها واختفت نهائي لحد يومنا هذا بعد ماختفت عرفت ان الل كنت بحبها واتخطبت التانيه اتسابت رجعت كلمتها فضلت تحكيلي عن المشاكل الل كانت بتواجهها ف الخطوبه وانها بجد مرتاحتش معاه ربع ماكانت مرتاحه معايا انا بحكم اني مفشوخ ف افكاري مميزتش وحسيت اني لسه بحبها واتفقنا اننا نرجع تاني كان عندي هوايه بحبها وبشتغل بيها سيبتها والدنيا قفلت معايا خناقاتنا كترت وقولتلها احنا خلاص مش هنكمل ومن وقتها مش ببطل تفكير ف الل كنت بحبها واختفت واحساس الخوف ان يكون حصلها حاجه من التعب وان تكون خلاص مش عاوزانا نتكلم وانا معرفش عنها اي حاجه بقالي اكتر من سنتين جوايا حاجات محدش يعرفها ومينفعش احكيها لاي حد اعرفه انا دلوقتي مخلص تعليم بقالي سنتين موفرتش فيهم اي فلوس الل بيجي بيروح مصاريف ناهيكم اني دخلت ف فتره اكتأب وحش*ي يعني إدمان كمان غير العاده الوسخه انا كل مافتكر انا كنت ايه وبقيت اي بزعل اكتر ومع الوقت اما بحاول ابطل كل الحاجات الوحشه الل بقيت عليها واموف اون برياضه او خروجات مبقدرش اكمل وبقع تاني احساس انك مش فارق معاك حاجه وان الل عملته كان طبيعي ف الظروف بتاعتك وان انت عمرك ماكنت كدا ولا دي طبيعتك دا بيأذيني نفسيا اكتر واكتر دماغي مبتبطلش تفكير ومش بعرف اتحكم فيه يبقي تفكير ايجابي او سلبي اوقات بحس اني مش مسيطر ع نفسي وبتعصب اوفر لو اتضايقت اكسر اي حاجه ف سكتي معلش لو طولت عليكم بس انا حاسس اني بجد تايهه ومش عارف انا فين او اي بالظبط وصلني هنا علاقتي مع ربنا مش الأفضل لكن انا كنت ازهري ودايما بجاهد نفسي اني مقصرش واوقات الشيطان يغلبني وابعد لكن دايما برجع لربنا الحمدلله فضلا منكم النصيحه

5

2