ضغط الحياة والشغل عليا.. لغاية امتى؟

Question

انا شاب 26 سنه وللاسف ما عملتش اي حاجه في حياتي وما فيش حد يساعدني اهلي وكل الناس جايين عليا والحاجه غاليه وما فيش شغل كويس ان هو يديني مبالغ محترم افتح بيه بيت وجهز نفسي بيه دلوقتي بس الضغط كبير جدا عليا اللي هو هتتانيه كده لغايه امتى

Lemon_55687 🇪🇬 · Accepted Answer

قيام الليل

Grape_57212 🇪🇬 · Answer

بص احنا ف بلد زباله مفيهاش فرص شغل كويسه ولا مرتبات كويسه ممكن تسافر القاهره بيبقي فيها فرص اكتر وخليك اهم حاجه مقتنع ان مفيش حد بيبدا كبير يعني لو بدات بحاجه صغيره هتكبر مع الوقت والله المستعان ويرزقك

Grape_57212 🇪🇬 · Answer

كنت شايفه حد بيقول لو معاك رخصه او بتعرف تسوق سجل علي ديدي او ان درايف او اوبر وهم بيدوك عربيه وبتعمل مكسب حلو

Banana_62240 🇪🇬 · Answer

بص لو هتحسبها ورقه وقلم مش هتعرف وهتلاقي الدنيا كلها بايظه ونفسيتك هتتحطم
الحل الوحيد. قرب من ربنا كويس جدا واساله واطلب منه كل شيء وانت قريب منه هتحس ان ربنا مبارك في كل حاجه حتى لو هي قليله وهتلاقي الدنيا ماشيه معاك كويس بفضل بركه ربنا

Pistachio_56316 🇪🇬 · Answer

ما هو انا لو معايا عربيه هيبقى معايا فلوس لو ما عنديش عربيه هتعلم السواقه ازاي عشان يبقى معايا رخصه اصلا

Mango_29955 🇪🇬 · Answer

اشتغل اي حاجه لان انت كل ما فتره قعادك في البيت طالت مفيش شغل هيقبل بيك

Pistachio_56316 🇪🇬 · Answer

مين اللي قال لك ان انا قاعد انا شغال بس اللي بيشتغل بيه يا دوبك بيكفيني محتاج كم سنه عشان اجيب المبالغ اللي انا محتاجها يعني بعمل لك اليوم حوالي 200 300 جنيه بالكتير قوي