ضغط

Apple_56482 🇪🇬

منذ ساعتين

شعور وحيد

انا جايب 69 في الثانويه وتعبت طول السنه جدا وفي ناس كتير جدا والله جايبين 80 واكتر وهما مفتحوش كتاب وكانو بيزوغو من الحصص وبيخدو الفلوس ويخرجو ويكلمو بنات ويحششو وانا كونت بصلي وبحاول علي قد مقدر ودلوقتي داخل في يومين مش طايق نفسي ومش عارف ارجع اصلي ولا اتعامل مع الناس ايه الحل وازاي اطلع من الي انا

Chocolate_56264 🇪🇬

منذ 5 ساعات

شعور وحيد

جبت درجة الثانوية و كانت سيئة اووي كانت٦٠ و انا ادبي المهم بابا كان شمتان فيا اوووي و كان مبسوط فيا و اعد يتريق و حتي فاشلة و كمان صرفنا عليها عايز فلوس الدروس و بابا مش صرف عليا غير ثانوية اصلا و كان كل شهر الف جنية في كل حياتكوا صرف عليا تقريبا هما دول بس و ماما كانت هي اللي بتدفعلي بس كانت اعده

Potato_63928 🇪🇬

منذ 5 ساعات

شعور لا مبالٍ

البيت حاليًا في حالة توتر ولخبطة أكيد كلكم عارفين إن نتيجة الثانوية العامة ظهرت، وأخويا عمل اللي عليه بكل طاقته بس ربنا ما أرادش يوصله لمجموع عالي للأسف رد فعل العيلة كان محبط جدًا واستقبلوا الموضوع بطريقة غلط بقوا يتريقوا عليه ويقولوا ليه أن قرايبك والناس كلها غلبتك أنا حقيقي مش عارفة أهون عليه إزا

Carrot_65839 🇪🇬

منذ 7 ساعات

شعور محبط

عبّر عن شعورك بشكل مجهول

كتجربة اني احكي
انا من اسكندرية عندي ٣١ سنة شاب 
اجبرت علي كل حاجة في حياتي انا دبلوم تجاري للاسف لاسباب كتير 
مشاكلي هيا كالتالي اولا مبعرفش وفاقد لطعم اي حاجة
ثانيا مليش دخل ثابت وحياتي صعبه مديا جدا انا عندي اسكوتر بشتغل بيه عمال اتنطط من مكان لمكان بيه ومن حاجة لحاجة بس شغلي الاصلي واللي شاطر فيه البيع او تسويق العقاري ولكن هنا تيجي مشكلة 
اولا حظي وحش جدا ودا في وقف حال في اني اخلص شغل ولما بيخلص بيكون كل فين وفين وبيكون عليا ديون بسدها واللي بيبقا مش بلاقي حاجة اعملها بيه يعني معنديش فكرة مشروع او حاجة اعملها فكرت ادخل مجال مثلا تيك توك بالاعلانات مش عارف طريق حد في اسكندرية مثلا وكيل لتيك توك يساعدني ابتدي صح
فكرت في مشاريع اونلاين ولكن للاسف مبدأتش 
فكرت اتعلم لغه وخصوصا الماني حصلت ظروف 
بمعني اصح دايما بيحصل ظرف يضيع فلوس كأن فلوس منظورة بتيجي تطير مبتقعدش طب شق مدايا وظروفي
الشق العاطفي عمري ما حبيت واحدة في حياتي ١٠٠% دايما بحب بجزء بسيط جدا وغالبا بتكون معظهم نفس شعور وبتروح وتيجي وعمري ما حبيت واهي برده نعمة من ربنا ما انا لو حبيت واتعلقت مش هعرف اتجوزها لاني ظروفي لا تسمح نهائيا بده من كتر حتي صعوبة الجواز عليا علشان اعفن نفسي حد قالي في بنات وستات كتير بيكون متوفر ليهم سكن وشغل وبيكونه عايزين يعفه نفسهم بزواج بدون اي مقابل شوف واحدة دورت وبرده فشلت ملقتش حته اني اصون نفسي بحلال 
طب الشق العائلي عايش معايا امي وخالتي متكفل بمصارفهم + ايجار شقه ٦٠٠٠ جنيه + فواتير ك/م/غ/نت/ارضي علاج والخ وهما لا بيقدره تعبي ولا مجهود اللي بعمله شقيان دايما بلا هدف مفشوخ حرفيا بدون هدف
الشق النفسي اني دايما حاسس بفراغ عاطفي ونفسي مش مرتاح مش مبسوط مش عارف اتبسطت مش عارف احكي تفاصيل كتير دايما ناس فكراني وضعي كويس السيط ولا الغني ليه شايفني شكلي وسيم لابس كويس جدا وشكلي حلو ومهندب فكرني معايا وياما هنا ياما هناك دا حتي بيفتكروني طول وقت في الساحل بسبب اني بسمر جامد بسبب شغلي في شمس بالاسكوتر 
طول وقت مخنوق 
مزنوق مديا وعليا دايما ديون مش بنتهي 
عندي مشاكل صحية كتير مش قادر اهتم بيها بسبب ضغطت مبروحش لدكتور وبدي لامي وخالتي والبيت الاولية ومشاكل بجد بجد كبيرة اوي ومستحمل وعايش ع مسكنات 
محدش جمبي مليش اهل ولا قرايب يساعدوني او يقفه جمبي
مش عارف اعمل ايه ومحتار وزهقان وتعبان 
معرفش اي اسباب كل اللي بمر بيه واللي بحكي طبعا دا كله عنواين مش بالتفاصيل تفاصيل اصعب بكتير 
وفي نفس وقت معرفش اخرج ازاي او هتحل ازاي بس دايما بقنع نفسي ان ربنا هيبعت يقنذني او شخص او ثروة بسبب شغل ما او معجزة وعندي يقين بيه ودا اللي مخليني مازلت مكمل ومتحمل
بس بجد انا تعبت ولا ناجح في حاجة ولا قادر اعمل اي حاجة وبالله عليكم بلاش اي كومنت يدوس عليا اكتر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_46147 🇪🇬

منذ 8 ساعات

شعور مرهق

خذلت اهلي.. من "أول الدفعة" لـ "شلت مادتين"... ازيكم يا شوباب، نبدا في القصه على طول أنا طول عمري كنت البنت المؤدبة، الي بتمشي على العجين متلغبطهوش. طفولتي كانت عبارة عن مذاكرة، نوم، تنضيف، أكل، وهكذا دواليك. أكبر همومي كانت لو صحابي هيلعبوني في الفسحة ولا لأ، أو لو نقصت درجة في امتحان الدراسات ا

عبّر عن شعورك بشكل مجهول

خذلت اهلي.. من "أول الدفعة" لـ "شلت مادتين"...
 
ازيكم يا شوباب، نبدا في القصه على طول
أنا طول عمري كنت البنت المؤدبة، الي بتمشي على العجين متلغبطهوش. طفولتي كانت عبارة عن  مذاكرة، نوم، تنضيف، أكل، وهكذا دواليك. أكبر همومي كانت لو صحابي هيلعبوني في الفسحة ولا لأ، أو لو نقصت درجة في امتحان الدراسات اللي فات.

بعد سنين من التفوق، جات اللحظة اللي أهلي كانوا مستنينها بفارغ الصبر، مجموع طب بشري أول ضاكتورة في العيلة. و لاول مرة، احس ان اهلي فعلا فخورين بيا 
سافرت وقعدت في سكن، وأول شهر في الكلية كان عسول، البالطو الأبيض، الحصه اللي بقت "محاضرة" ، الميس اللي بقت "دكتورة"، مفيش درجات على الحضور، مفيش يونيفورم، والفصل بقى "مدرج" حاجة كده آخر جمدان! حسيت إني كبرت، ونضجت، وإن الحياة فتحتلي دراعتها.
لكن يا فرحة ما تمت... سرعان ما انتهت حلاوة البدايات ولقيت نفسي في المعمعه. محاضرات بتتراكم ، ومجرد إني أعيش بقت مهمة صعبة. مشاكل مع صحابي، ومع أهلي اللي بقوا بعاد عني، وفكرة إني مسؤولة عن الطبخ والطلبات والتنضيف والدراسة والتنقل، بعد ما كنت دلوعة أهلي... بقت مخلية مجرد فكرة إني أصحى من النوم، متعبة. 
بدأت حبة حبة، أتعب نفسيًا. في الأول كان على خفيف كده مش جامد، بعيط أحيانًا، بنام 16 ساعة بسبب المذاكرة المتراكمة، بختفي ومش بكلم حد، بقعد على التيك توك 10 ساعات، مبأكلش . الحياة كانت ماشية على استحياء، كإنها بتعمل عليا جميل.
جات نتيجة الترم الأول، اللي كنت بحسب إني سقطت فيها، بس لأ، جبت "جيد". مش حلوة، أهلي كانوا متوقعين أكتر، بس أنا كنت طايرة بيها، لأني فعلاً كنت بحسب إني شلت الترم كله. 
الترم التاني جه، وكان أتقل وأصعب، وجه بتعب نفسي أشد. خوف، تفكير زايد، والموضوع وصل لمراحل خطيرة لدرجة إني كنت بسأل نفسي "ايه الفايدة إني أعيش؟ ليه؟ أنا هنا عشان أعاني بس؟". الحمد لله إني كنت في الدور الأرضي ومقدرتش أرمي نفسي. اللحظات دي كانت كفيلة إنها تدمر أي حد، وكنت حرفيًا بحارب نفسي كل يوم عشان أقدر أكمل.
المهم، خلص الترم التاني، وفرحنا وهيصنا وحسيت إن العذاب انتهى أخيرًا. بس... أنا حليت وحش أوي. هل ربنا هيسترها معايا المرة دي وهينجحني؟ ولا لأ؟ قعدت أول شهر في الإجازة مش بعمل أي حاجة بالمعنى الحرفي، حتى الأكل مش بأكل، قاعدة على الموبايل وبس. لحد ما النتيجة نزلت: شايلة مادتين من أصل أربعة. أول مرة كلمة راسبة تتكتب جنبي. أول مرة أحس إني مش بس خذلت أهلي — أنا خذلت النسخة الصغيرة مني اللي كانت بتمشي على العجين ما تلغبطوش.

ماما لما سمعت قالتلي: «حسبي الله ونعم الوكيل فيكي ليه؟ ليييه؟» وقفلت السكة. بابا مردش عليا. قلبي اتحرق عليهم أكتر ما اتحرق عليا.

دلوقتي هم متقبلين اللي حصل وبيشجعوني أذاكر السمر وأقوم من هنا. مش نهاية العالم في نظرهم ، بس في دماغي أنا حاسة إني فقدت أعز حاجة كانت عندي: إني شاطرة. إني «الأولى». إني قد توقعاتهم.

أنا مش بقول إن أهلي وحشين ، والله كانوا ولا زالوا ظهر ليا، بس يمكن أنا اللي مخي ضلم عليا أكتر من أي حد.

حابة أسمع منكم ، حد حس كده قبل كده؟ إزاي الواحد يرجع يقف على رجليه ويذاكر وهو مش عايز حتى يقوم يشرب مية؟ إزاي تراضي النسخة الصغيرة اللي جواك لما تحس إنك خذلتها؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_21572 🇪🇬

منذ 8 ساعات

شعور مرهق

عبّر عن شعورك بشكل مجهول

انا محتاجة نصيحة ضروري 
اسفه اني هطول عليكم بس أنا مشكلتي الدايمه في الخوف انا بخاف من المجهول و المستقبل مع ان الحمدلله مؤمنة بقضاء ربنا دايما في كل حاجة بس خايفه اغلب الوقت 
خايفه مبقاش من اوائل دفعتي زي كل سنه في الكليه مع العلم انا رايحة تالته علاج طبيعي في جامعة خاصة 
بس المشكله الأكبر بالنسبالي اني للاسف حبيت أنا بحبه جدا و هو بيحبني هو زميلي قدي في الجامعة بس فعليًا أنا اكبر منه بتسع شهور 
حبينا بعض و عرفت والدتي بس ماما مش معترفه بيه بتعتبره زميل دراسه بس حقها عادي 
هو عنده شقه علي الطوب الأحمر و بيشتغل و بيصرف علي نفسه مش بياخد مصروف من والده بس علي الاقل والده بيدفعها المصاريف بتاعت الجامعة بس لكن الباقي هو شايل نفسه بنفسه بيتشغل في الدراسه برضو مش في الاجازه بس و بيحوش عشان يخطبني أنا دايما حاسة بالذنب عشان علاقة محرمه و عارفه ده و بحاول اتوب منه و بسعي جاهده فعلا و لما كلمته وافق عادي بس طلب مننا نفضل أصدقاء حتي 
و وافقته 
هو عايز يخطبني الصيف اللي جاي قالي هيحاول علي قد ما يقدر انه يكلم والدي الصيف اللي جاي و يخطبني بالمبلغ اللي معاه لانه مش عارف يستحمل بُعدي و عايز علاقتنا تبقي رسمي للعلم برضو هو معرف اهله انه بيحبني بس هو عايز يخطبني بفلوسه مش بفلوس والده و قالي هيجي الصيف اللي جاي ان شاء الله 
أنا بقي خايفه لان ماما دايما بتقولي لسه بدري ليه تتخطبي اربع سنين و لازم يبقي مرتاح ماديًا و لازم و لازم و حاطة شروط كده و والدي برضو شايف معتقدات زيها انه الخطوبه في الجامعة بتفشل مع اننا بنحب بعض 
فأنا خايفه يجي يتقدم و بابا يرفضه او يتقدم و اهلي ميوافقوش و في نفس الوقت مش عايزه نتأخر في الخطوه دي عايزه نبقي مخطوبين رسمي قدام الناس كلها عارفه انه ده نصيب و رزق بس دماغي مش عارفه تبطل تفكير في مليون سيناريو و مش عارفه طب نستني و لا يتقدم باللي معاه و يشوف مع بابا الاتفاقات دي 
هيبقي فاصل سنه رابعه و خامسه و سنه امتياز و احتمال يبقي عنده جيش 
ماما بقي بتقولي و كمان لو لسه هيدور علي شغل 
هو بيشتغل مدرب سباحة ملهاش علاقة بتخصصنا 
فخايفه يبقي عندها حق او بابا يرفض و خايفه و دماغي بتسوحني و اوقات بتخنق و اعيط و يأثر علي حالتي النفسيه المفروض اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_65834 🇪🇬

منذ 9 ساعات

شعور مكسور القلب

انا بعاني مع امي من صغري بتهيني علي ابسط حاجه من صغري وبتبعدني عن كل اصحابي وانا ابويا متوفي من وعندي 5 سنين لما كنت في الابتدائي كانت بتشتمني ب بابا قدام اصحابي وكانت تشوف كل اصحابي مش تمام وتحاول تبعدني عنهم ب اي طريقه والله العظيم لدرجه مره الفون وقع مني بالغلط وانا صغيره طلعت تشتمني في الشارع ور

Peanut_51983 🇪🇬

منذ 15 ساعة

شعور متعب

طيب يا جماعة كلنا عارفين ان نتائج ثانوية عامة طلعت امبارح انا عيلتي فيها 3 طلاب التلاته جايبين في ال 80 جماعة انا دفعة 26 خايفة خوف رهيب اولا انا مستويا مش واحش و بضغط نفسي جامد و بيأثر علي صحتي اصلا بس معنديش مانع في ده انا بجد مش عاوزه اتكسر مش عليا اي مسؤوليات انا اللي عاوزه ادخل كلية طبية عشان

Avocado_47020 🇪🇬

منذ 15 ساعة

شعور مكسور القلب

Mango_29955 🇪🇬 الثانويه مش نهاية العالم ... ركزي فى مستقبلك وعقليتك

عرض الكل 3 نصيحة

عبّر عن شعورك بشكل مجهول

جبت %68 بعد دا كله ...مش مستوايا حرفيا اقل درجات جبتها و انا بكون مذاكرة يدوب كانت بتطلع 80% لو انا عايشه لوحدي بعيد عن المجتمع راضيه جدا و بحمد ربنا الف مرة اني نجحت صافي و اني قادرة ادخل جامعه خاصه لكن حاسه بكسرة نفس قويه انا الابنه الاكبر لاهلي و يعتبر الاذكى بين اخواتي كله كان متوقع اني اجيب طب حاسه بخيبه امل كبيرة جدا من اهلي و خاصه امي و اخويا ... امي بتقولي عادي و كدا بس انتو متخيلين كانت علطول تقولي جيبي مجموع عشان محدش يشمت فيا ابويا وراها السواد طول السنه و كان منكد علينا و كان هيتجوز و بتاع و لحد دلوقتي كل يوم تكشفه بيخونها علطول يقولها انت السبب ... خايفه يجي يوم يقولها انت السبب في نتيجه بنتك خصوصا انه بيحب المظاهر جدا حاسه بالسوء اني بتكلم عليه بهذي الطريقه هو حاليا داعم ليا  لكن هو سبب كل مخاوفي حتى خوفي اني اتزل في يوم من الايام بكلمه تضايقني ... كان نفسي حتى اجيب 75 انا بجد مش مصدقه مش فارق معايا الكليه قد ما فارق شكل المجموع بسبب المجتمع المريض اللي انا عايشه فيها خصوصا اني في قريه برضو .... اخويا بقا كان حاطط امله فيا النهاردة سألني على الواتس عملتي ايه قولتله و بس لما رجع من برا مقليش اي حاجه مقليش مبروك موسانيش مقلش اي حاجه صعبان عليا نفسي و امي و اخويا يارب ... انا عارفه انه خير ليا بس مش عارفه اتعايش ازاي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_50198 🇪🇬

منذ 18 ساعة

شعور مرتبك

الوعي الزايد حاجة بشعة جدا وعي زايد + تفكير زايد + مشاكل حلولها شبه معدومه احسن ثلاثي يدمرو الانسان نفسا وبالتالي صحيا،،،، وبعدها يبدا يجي تراست ايشوس (من الحياة عامة) لانك في كل محاولة لتصليح اي حاجة... النتيجه بتكون مشاكل اكتر ف تبدا تشك في نفسك ولما وعيك الزايد يعمل عمايلو تبدا تشك في الدنيا...

Marshmallow_65710 🇪🇬

منذ 19 ساعة

شعور ضائع

Popcorn_50198 🇪🇬 متظلميش نفسك دول شوية عيال اول ما هيتخبطو قلم من اي ظابط هيكشو وانت الميزه معاكي ان كل المجتمع هيصدقك روحي لاي حد كبير يقدر يساعد في حالات زي دي عشان تتخلصي منهم وتعيشي حياتك طبيعي

عرض الكل 9 نصيحة

عبّر عن شعورك بشكل مجهول

ازيكم هحاول اخلي دا اخر سنتين ف حياتي لسه محكيتش عنهم بس عشان تعبت من الكتابه وكتر الكتابه رجع يخليني افتكر احداث بحاول مفتكرهاش 
دخلت أولي ثانوي في مدرسه جديده أنا جبت درجه تدخلني اي مدرسه الحمدلله وربنا وفقني والدتي كانت عايزه تدخلني مدرسه فنيه ووالدي كان عايزني اكمل ثانويه عامه لغات زي ماانا بس حصل مشاكل بينهم فتره بسبب دراستي دي رابع يوم مدرسه ليا هربت منها وكانت اول مره اهرب فيها مع ولد اكبر مني ب سنه في نفس المدرسه وساكن قريب مني كان وقتها احتياجي اني احب واتحب من حد معروف وحد كل الناس بتعمله الف حساب ويبقي له اسم ومكانه وكدا وفعلا اتكلمنا وقررنا منحضرش المدرسه ونتقابل غرض المقابله مكانش الطف حاجه لان كان الغرض منها أننا نبقي في ح/ضن بعض اتمشيت المدرسه وصلت الساعه سابعه وفضلت مستنياه برا لغايه ما وصل تسعه بعد ما صحي وفضل مسوحني كتير لدرجه ان في ناس كتير ضايقتني بسبب هروبي من المدرسه لأنها علي شارع رئيسي فيه مواصلات المدينه الي ساكنين فيها اتقابلنا وقعدنا مع بعض وحصل بينا تقارب بسيط وكان صاحبه بيراقب الناس محدش ييجي يضايقنا يعني وقرر أنه يتصل بصاحبهم التاني معاه عربيه فولكس الميكروباص دي وركبت أنا و ميم الشخص الي كنت بكلمه جمب بعض والاتنينن صحابه قاعدين قدام بيسوقو وكدا راح (الف) قرر يركن في مكان مقطوع ويقفل بيبان العربيه وانا وميم نقعد براحتنا جوا نتكلم أو نقرب من بعض وفعلا قربنا من بعض وحصلت علاقه بيننا وكان الف وصاحبه التالت كانو بيمسحو العربيه من برا تمويه للناس الي ماشيه ف الشارع بس مكنتش اعرف اني بتصور وانا في وضع مش كويس ولما خلصنا أنا وميم هو قام وقال إنه هيروح يجيب اكل من السوق ويرجع وهيدخل المدرسه يجيب حاجه وجاي وهو راح ومرجعش وأصحابه الاتنين كانو موجودين وكنت خايفه منهم اوووي جه الف قعد قصادي وقالي أن ميم مش بيحبني وان الف هيفضحني ف كل حته وأنه مصور كل حاجه بدأت أنكر واقول مش هيحصل و لا وهو فتح تليفونه فعلا ووراني فيديو ليا مصوره وقالي لو عايزاني امسحه اعمل زي ما هو عمل فضلت اعيط واترجاه يمسحه منغير كدا هو معملش اي حاجه وخلاني اعمله نفس الي عملته ل ميم ومسح الفيديو وكان صاحبهم التالت برا العربيه بعيد بيجيب حاجات بعته الف عشان ييجي يكلمني ويستغلني ولما روحت عملت بلوك ل ميم من كل حته عشان الف بعتلي شات بينه وبين ميم بيقولو انت بتحبها قالو لا لو عايزها خدها وكأنه بيقسم بعدت عن ميم منغير ما اعاتبه حتي والف بقي بيكلمني كل شويه يقولي أن الفيديو طلع مع حد ميعرفش ازاي وصله واني لازم انزل أقابله وكنت بنزل أقابله يقعد يتكلم ويحسسني أنه شخص مهم ويطلب مني نفس الطلب الي اخده مني مره ولو قولت لا لا يقولي مش همشيكي الا ما تعملي كدا يااما براحتك أشيل ايدي ومساعدكيش ومحاولش استرك ومخليش الفيديو الي وصل للولد دا ينشره واقول مليش دعوه وكنت بعمل كدا وبوافق واعيط بعدها وبصعب عليه يتأسفلي شويه ويكرر نفس الموضوع مرتين تقريبا تاني حصلت مشاكل في البيت وبابا وماما انفصلوا وروحت عيشت مع بابا أنا واختي واخويا الصغير هو في تانيه ابتدائي حاليا روحنا قعدنا في بيت جدي الله يرحمه في الجيزه ((((وهبقي احكي اكتر عن الطلاق في بوست تاني ))))
رجعت عيشت مع ماما فتره أنا وهي لوحدنا واخواتي عند بابا قبل امتحانات الترم الاول بشهر وقررت اني متكلمش مع حد وانتظم ومليش دعوه ب حاجه لان موضوع هروبي من المدرسه شبه انتشر في المدرسه والف فضل يسأل شباب المدرسه عني كتير واستغربو كتر السوائل مما خلاهم يحطو عليا علامه استفهام أنا ورايا اي ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.